హోండా భారత మార్కెట్ పై ఫుల్ ఫోకస్ పెట్టింది. ఇప్పటికే సిటీ ఫేస్‌ లిఫ్ట్, ZR-V వంటి మోడళ్లను పరిచయం చేసిన ఈ జపాన్ కార్ల దిగ్గజం, రాబోయే రోజుల్లో మరికొన్ని కొత్త కార్లు, SUVలను తీసుకురానున్నట్లు ప్రకటించింది. వచ్చే రెండు సంవత్సరాల్లో ఏకంగా నాలుగు క్రేజీ మోడళ్లను విడుదల చేయాలని హోండా భావిస్తోంది.
హోండా తొలి ఎలక్ట్రిక్ SUVపై మార్కెట్ లో మంచి క్రేజ్ ఏర్పడింది. ఇటీవల ఈ మోడల్ భారత రోడ్లపై టెస్టింగ్ చేస్తూ కనిపించింది. 0-ఆల్ఫా ప్లాట్‌ ఫారమ్ ఆధారంగా రూపొందుతున్న ఈ ఎలక్ట్రిక్ SUVకు ప్రత్యేకమైన బాక్సీ డిజైన్, విశాలమైన క్యాబిన్ ఉండనున్నాయి. ఇందులో ట్రిపుల్ స్క్రీన్ సెటప్, 360 డిగ్రీల కెమెరా, పనోరమిక్ సన్‌ రూఫ్, లెవెల్-2 ADAS, వెంటిలేటెడ్ సీట్లు లాంటి అత్యాధునిక ఫీచర్లు అందుబాటులో ఉండనున్నాయి. దీని ధర రూ.18 లక్షల నుంచి రూ.27 లక్షల వరకు ఉంటుంది.
ఇక సబ్ కాంపాక్ట్ SUV విభాగంలో కూడా హోండా అడుగుపెట్టబోతోంది. ప్రస్తుతం టాటా నెక్సాన్, మారుతి బ్రెజ్జా, మహీంద్రా XUV 3XO లాంటి మోడళ్లు ఆధిపత్యం చెలాయిస్తున్న ఈ సెగ్మెంట్‌ లో హోండా కొత్త SUVతో పోటీ ఇవ్వనుంది. ఈ కారు అమేజ్ ప్లాట్‌ ఫారమ్ ఆధారంగా అభివృద్ధి చెందే అవకాశం ఉంది. ఇందులో 1.2 లీటర్ పెట్రోల్ ఇంజిన్ లేదంటే ఎలక్ట్రిక్ పవర్‌ ట్రెయిన్ అందించే అవకాశం ఉంది. ఈ SUV 2027 నాటికి మార్కెట్లోకి వచ్చే అవకాశం ఉండగా, ధర రూ.9 లక్షల నుంచి రూ.15 లక్షల మధ్య ఉంటుందని భావిస్తున్నారు.
అటు మిడ్ సైజ్ SUV సెగ్మెంట్‌ లో కూడా హోండా కొత్త మోడల్ ను తీసుకురానుంది. ఇది పూర్తిగా కొత్త SUV కావచ్చని తెలుస్తోంది. లేదంటే ఎలివేట్‌ కు అప్ డేట్ వెర్షన్ కావచ్చని భావిస్తున్నారు. ఒకవేళ కొత్త మోడల్ అయితే WR-V లాంటి పేరుతో రావచ్చని భావిస్తున్నారు. ముఖ్యంగా హైబ్రిడ్ టెక్నాలజీతో ఈ SUVను అందించే అవకాశాలు ఉన్నాయి. టెస్టింగ్ ప్రారంభమైన తర్వాత దీనిపై మరిన్ని వివరాలు బయటకు వచ్చే అవకాశం ఉంది.
హోండా అభిమానులు ఎంతో ఆసక్తిగా ఎదురుచూస్తున్న ప్రిల్యూడ్ స్పోర్ట్స్ కారు కూడా భారత్‌ కు రానుంది. పూర్తిగా దిగుమతి చేసుకునే CBU మోడల్ గా ఇది అందుబాటులోకి వస్తుంది. 2.0 లీటర్ పెట్రోల్, హైబ్రిడ్ ఇంజిన్ తో వచ్చే ఈ కారు మంచి పనితీరు, ఇంధన సామర్థ్యాన్ని అందించనుంది. దీని ధర రూ.70 లక్షల నుంచి రూ.80 లక్షల మధ్య ఉండే అవకాశం ఉంది.
Read Also: వోక్స్‌ వ్యాగన్ కొత్త కాంపాక్ట్ SUV వచ్చేస్తోంది.. నెక్సాన్, బ్రెజ్జాకు పోటీ తప్పదా?
Share
జుట్టు రాలడం వేరు.. బట్టతల వేరు, రెండింటి మధ్య తేడాలను కనిపెట్టండిలా!
ఫోన్ ఛార్జింగ్‌ త్వరగా అవ్వాలా? వేసవిలో బ్యాటరీ వేడిని తగ్గించే బెస్ట్ చిట్కాలు!
