Car Reaches 120,000 KM: మీరు కారు ఉపయోగిస్తున్నారా? ఇప్పటికే 1.20 లక్షల కిలోమీటర్లు తిరిగిందా? అయితే, మీరు జాగ్రత్త పడకతప్పదు. ఈ సమయంలో సాధారణ సర్వీసింగ్ మాత్రమే కాకుండా, కొన్ని ముఖ్యమైన భాగాలను పరిశీలించి అవసరమైతే మార్చడం చాలా అవసరం. ఎందుకంటే ఇంతకాలం వినియోగంలో ఉన్న భాగాలు క్రమంగా అరిగిపోతాయి. వాటి పనితీరు తగ్గుతుంది. ఇంతకీ చెక్ చేయాల్సిన పార్ట్స్ ఏవి అనేది ఇప్పుడు తెలుసుకుందాం..
ఫస్ట్ ఇంజిన్ మీద ఫోకస్ పెట్టాలి. ఇంజిన్ ఆయిల్, ఆయిల్ ఫిల్టర్, ఎయిర్ ఫిల్టర్లను తప్పనిసరిగా మార్చాలి. ఇవి క్లీన్గా లేకపోతే ఇంజిన్ పనితీరు దెబ్బతింటుంది. అలాగే టైమింగ్ బెల్ట్, ఫ్యాన్ బెల్ట్ లను కూడా పరిశీలించాలి. ఇవి పాడైతే, తెగిపోతే ఇంజిన్కు పెద్ద ఇబ్బంది కలిగే అవకాశం ఉంటుంది. అందుకే, వీటిని ముందుగానే మార్చడం మంచిది.
బ్రేక్ సిస్టమ్ కూడా ఈ దశలో కచ్చితంగా చెక్ చేయాలి. బ్రేక్ ప్యాడ్స్, డిస్క్ లు ఎక్కువగా వాడటంతో అరిగిపోతాయి. బ్రేకింగ్ పనితీరు తగ్గి ప్రమాదాలకు కారణం అవుతుంది. కాబట్టి వాటిని తనిఖీ చేసి అవసరమైతే కొత్తవిగా మార్చాలి. అలాగే క్లచ్ ప్లేట్ పరిస్థితిని కూడా చూసుకోవాలి. క్లచ్ స్లిప్ అవుతుంటే వెంటనే దాన్ని మార్చడం అవసరం.
పెట్రోల్ కార్ల విషయంలో స్పార్క్ ప్లగ్లు కూడా కీలక పాత్ర పోషిస్తాయి. ఇవి పాడైతే పికప్ తగ్గిపోవడంతో పాటు, మైలేజ్ పడిపోతుంది. వీటిని మార్చడం ద్వారా కారు పనితీరు మెరుగుపడుతుంది.
ఇక సస్పెన్షన్ సిస్టమ్ ను కూడా చెక్ చేసుకోవాలి. ఎక్కువ మైలేజీ తర్వాత షాక్ అబ్జార్బర్లు, బుషింగ్లు బలహీనం అవుతాయి. వెహికల్ కుదుపులకు గురవుతుంది. ప్రయాణం అసౌకర్యంగా మారుతుంది. ఈ సమస్యను నివారించేందుకు సస్పెన్షన్ భాగాలను మార్చడం మంచిది.
టైర్లను కూడా నిర్లక్ష్యం చేయకూడదు. ట్రెడ్ లోతు తగ్గినా, టైర్లు పాడైనా వెంటనే కొత్తవి వేయించాలి. మంచి టైర్లు రోడ్డు గ్రిప్ను మెరుగుపరుస్తాయి. ప్రమాదాలను తగ్గిస్తాయి. అదే విధంగా బ్యాటరీ పరిస్థితిని చెక్ చేయాలి. పాత బ్యాటరీ సరైన పనితీరు ఇవ్వకపోతే, దాన్ని మార్చాలి.
Read Also: హైవే సైన్ బోర్డులు గ్రీన్ కలర్ లో ఉంటాయి.. ఎందుకో తెలుసా?
ఇక చివరగా, కూలెంట్, బ్రేక్ ఫ్లూయిడ్, ట్రాన్స్మిషన్ ఆయిల్ ను మార్చడం చాలా అవసరం. ఇవి కారు భాగాలను సజావుగా పనిచేయడానికి సహాయపడతాయి. మొత్తంగా 1.20 లక్షల కిలోమీటర్ల తర్వాత కారు హెల్త్ ను చక్కగా మెయింటెయిన్ చేయాలంటే వీటిని చెక్ చేసుకోవాలి. సమయానికి ఈ జాగ్రత్తలు తీసుకుంటే కారు పనితీరు మెరుగుపడటంతో పాటు, భద్రత కూడా పెరుగుతుంది.
Read Also: సీఎన్జీ వాడితే నిజంగా మనీ సేవ్ అవుతుందా? ఇదీ అసలు కథ!
Share
పెళ్లి పేరుతో భారీ మోసం.. రూ.9.35 కోట్లు స్వాహా.. అషురెడ్డిపై కేస్ ఫైల్!
Pranitha Subhash: తల్లైనా తరగణి అందం.. సెగలు పుట్టిస్తున్న ప్రణీత!
