Fact Check: ఇండియాలో టాటా కంపెనీకి ఓ ప్రత్యేక గుర్తింపు ఉంది. వినియోగదారులకు మన్నికైన వాహనాలను అందించే సంస్థగా దశాబ్దాలుగా పేరు సంపాదించుకుంది. ఇప్పటి వరకు వరకు ఈ కంపెనీ టూవీలర్స్ తయారీపై దృష్టి పెట్టలేదు. ఒకవేళ బైక్స్, స్కూటర్స్ తయారు చేస్తే, టాటా కార్ల మాదిరిగానే బైక్స్ విభాగంలోనూ మంచి ఆదరణ దక్కించుకునే అవకాశం ఉంది. కానీ, ఆ దిశగా ఎలాంటి ఆలోచన చేస్తున్నట్లు కనిపించలేదు.
గత కొంతకాలంగా టాటా మోటర్స్ టూవీర్ మార్కెట్ లోకి అడుగు పెట్టబోతున్నట్లు వార్తలు వినిపిస్తున్నాయి. ముఖ్యంగా సరసమైన ధరల్లో ఎక్కువ మైలేజీ ఇచ్చే బైకులను తీసుకురావాలని భావిస్తున్నట్లు ఊహాగానాలు వస్తున్నాయి. ముఖ్యంగా 125cc బైక్స్ గురించి ఆలోచిస్తున్నట్లు తెలుస్తోంది. విద్యార్థులు, రోజువారీ ప్రయాణీకులను లక్ష్యంగా చేసుకుని ఈ బైక్స్ రూపొందించాలని భావిస్తున్నట్లు టాక్ వినిపిస్తుంది. ఈ బైక్ ను టాటా క్లాసిక్ పేరుతో తీసుకురావాలనే ఆలోచనలో ఉన్నట్లు సమాచారం. 2026 ఎండింగ్ లో లేదంటే 2027 ప్రారంభంలో లాంచ్ చేయనున్నట్లు వార్తలు వస్తున్నాయి. ఈ బైక్ ను టాటా క్లాసిక్ 110, 120 మోడల్స్ లో తీసుకురావాలనే ప్రణాళికలో ఉన్నట్లు తెలుస్తోంది. 125 cc ఇంజిన్ తో రానున్న ఈ బైక్స్ ఏకంగా లీటర్ కు 90 కిలో మీటర్ల మైలేజీ వచ్చేలా రూపొందిస్తున్నట్లు టాక్ వినిపిస్తుంది. స్మార్ట్ డిజిటల్ మీటర్, స్టైలిష్ డిజైన్ లాంటి ఆకర్షణలతో రానున్నట్లు తెలుస్తోంది. వీటి ధర కూడా సుమారు రూ. 40,000- 70,000 వరకు ఉంటుందని భావిస్తున్నారు.
ప్రస్తుతం మార్కెట్లోకి ఎక్కువగా ఎలక్ట్రిక్ బైక్స్ , స్కూటర్లు అందుబాటులోకి వస్తున్న నేపథ్యంలో టాటా మోటార్స్ కూడా ఎలక్ట్రిక్ ద్విచక్ర వాహనాలను తీసుకురావాలనే ఆలోచనలో ఉన్నట్లు తెలుస్తోంది. అందులో భాగంగానే విద్యార్థులు, మహిళలకు ఉపయోగపడేలా బడ్జెట్ స్కూటర్ ను తీసుకురాబోతున్నట్లు టాక్ వినిపిస్తోంది. చూడ్డానికి స్టైలిష్ గా ఉండటంతో పాటు ఒక్క ఛార్జ్ పై ఏకంగా 200 కి.మీ వరకు రేంజ్ అందించనున్నట్లు కొన్ని వెబ్ సైట్లు వార్తలు రాస్తున్నాయి.
Read Also: ఐకానిక్ RX100 వచ్చేస్తోంది సరికొత్తగా.. లాంచింగ్ ఎప్పుడంటే?
టాటా మోటార్స్ ప్రస్తుతం కార్లు, కమర్షియల్ వెహికిల్స్ తో బాగా పాపులర అయ్యింది. కానీ, బైక్ మార్కెట్లోకి వస్తుందా? లేదా? అనేది తెలియదు. ఈ బైకులు నిజంగా లాంచ్ అవుతాయా? లేదా? అనే విషయంలో కచ్చితమైన సమాచారం లేదు. టాటా బైక్స్, స్కూటర్ల గురించి ప్రస్తుతం జరుగుతున్న ప్రచారం అంతా ఊహాగానాలు మాత్రమే. ఇప్పటి వరకు టాటా మోటార్స్ టూవీలర్స్ గురించి ఎలాంటి ప్రకటన చేయలేదు. టాటా కంపెనీ నుంచి అధికారిక ప్రకటన వచ్చే వరకు ఈ వార్తలు కేవలం ఊహాగానాలుగానే పరిగణించాల్సి ఉంటుంది. నిజంగానే టాటా మోటార్స్ టూవీలర్ రంగంలోకి అడుగు పెడితే ప్రస్తుతం ఉన్న కంపెనీలకు గట్టి పోటీ తప్పదని చెప్పుకోవచ్చు.
Read Also: దేశీ మార్కెట్లో లాంచ్ కాబోతున్న క్రేజీ యమహా బైక్స్.. లైనప్ చూస్తే అదిరిపోవాల్సిందే!
Share
Dhurandhar Song: నాగినీ డ్యాన్స్ బంద్..ఇక 'ధురంధర్' పాటకు బంగ్లాదేశ్ ప్లేయర్లు తీన్మార్ స్టెప్పులు
OTT Movies : ఈ ఫ్రైడే ఓటీటీలో రిలీజ్ కాబోతున్న మోస్ట్ అవైటింగ్ క్రైమ్ థ్రిల్లర్స్... ఈ 5 అస్సలు మిస్సవ్వొద్దు
