Upcoming SUVs in India: ఇండియన్ ఆటోమొబైల్ మార్కెట్లో జూన్ నెల కార్ల ప్రియులకు ఆసక్తికరంగా మారనుంది. ఇప్పటికే ఈ ఏడాది పలు కొత్త మోడళ్లు మార్కెట్లోకి వచ్చినప్పటికీ, వచ్చే నెలలో మరికొన్ని కీలక SUVలు, ఎలక్ట్రిక్ వాహనాలు విడుదలకు సిద్ధమవుతున్నాయి. ముఖ్యంగా మారుతి, హ్యుందాయ్, హోండా, స్కోడా లాంటి పాపులర్ బ్రాండ్స్ కొత్త మోడళ్లతో వినియోగదారులను ఆకట్టుకునేందుకు రెడీ అవుతున్నాయి. ఇంతకీ అవేంటో ఇప్పుడు తెలుసుకునే ప్రయత్నం చేద్దాం..
మారుతి సుజుకి తన తొలి ఫ్లెక్స్ ఫ్యూయల్ కారును జూన్ లో పరిచయం చేసే అవకాశం ఉంది. ఈ మోడల్ ఫ్రాంక్స్, వాగన్‌ ఆర్ ఆధారంగా ఉండొచ్చని మార్కెట్ వర్గాలు భావిస్తున్నాయి. ఈ కారు ఎక్కువ శాతం ఇథనాల్‌ తో నడిచే ఇంజిన్ ను కలిగి ఉండనుంది. ప్రస్తుతం ఉన్న మోడల్ తో పోలిస్తే ధర రూ.50 వేల నుంచి రూ.75 వేల వరకు ఎక్కువగా ఉండే అవకాశం ఉందని తెలుస్తోంది.
స్కోడా తన ప్రీమియం SUV కోడియాక్ RSను మార్కెట్లోకి తీసుకురానుంది. ఇందులో 2.0 లీటర్ టర్బో పెట్రోల్ ఇంజిన్ ఉండనుంది. సుమారు 265 bhp పవర్, 400 Nm టార్క్ ఉత్పత్తి చేసే అవకాశం ఉంది. ఈ మోడల్ ను పూర్తిగా విదేశాల నుంచి దిగుమతి చేసుకునే (CBU) విధానంలో తీసుకురానుండటంతో ధర ఎక్కువగా ఉండనుంది.
హ్యుందాయ్ నుంచి కూడా కొత్త ఎలక్ట్రిక్ SUV వచ్చే నెలలో లాంచ్ కావచ్చని సమాచారం. ఇన్‌ స్టర్ ప్లాట్‌ ఫారమ్ ఆధారంగా రూపొందుతున్న ఈ మోడల్ ఇప్పటికే పలు సందర్భాల్లో టెస్టింగ్‌లో కనిపించింది. ఆకర్షణీయమైన డిజైన్, ఆధునిక ఫీచర్లు, మెరుగైన రేంజ్ తో మార్కెట్లోకి రానుంది. దీని ధర రూ.11 లక్షల నుంచి రూ.18 లక్షల మధ్య ఉండవచ్చని అంచనా.
హోండా కూడా ఇండియన్ మార్కెట్లో కొత్త ZR-V SUVను విడుదల చేసేందుకు సిద్ధమవుతోంది. ఈ మోడల్ ను ఇప్పటికే ప్రదర్శించిన కంపెనీ, ధరలను త్వరలో ప్రకటించే అవకాశం ఉంది. విదేశాల నుంచి దిగుమతి చేసుకునే ఈ SUV ధర సుమారు రూ.40 లక్షల వరకు ఉండవచ్చని భావిస్తున్నారు.
ఇక మారుతి బ్రెజ్జా కూడా పెద్ద అప్ డేట్ తో వచ్చే అవకాశాలు కనిపిస్తున్నాయి. కొత్త పవర్ ట్రెయిన్, అండర్‌ బాడీ CNG కిట్, అదనపు ఫీచర్లతో ఈ SUVను అప్ డేట్ చేయనున్నట్లు సమాచారం. డిజైన్ లో పెద్ద మార్పులు లేకపోయినా, పనితీరు, ఫీచర్ల పరంగా మరిన్ని అప్ డేట్స్ ఉండే అవకాశం ఉంది. జూన్ 2026లో భారత ఆటో మార్కెట్లో కొత్త SUVలు, ఎలక్ట్రిక్ వాహనాల హడావిడి కనిపించనుంది. కొత్త టెక్నాలజీ, ప్రత్యామ్నాయ ఇంధన వాహనాలు, ప్రీమియం మోడళ్లతో వినియోగదారులకు మరిన్ని ఆప్షన్స్ అందుబాటులోకి రానున్నాయి.
Read Also: హీరో ఫ్లెక్స్ ఫ్యూయల్ బైక్ వచ్చేస్తోంది, లాంచింగ్ ఎప్పుడంటే?
Share
పా. రంజిత్ దర్శకత్వంలో శోభితా ధూళిపాళ 'వెట్టువం'.. కెరీర్లోనే బెస్ట్ పర్ఫార్మెన్స్ అంటున్న నటి!
వైద్యారోగ్య శాఖలో వింత బదిలీలు.. సరికొత్త ట్రిక్కులు..!
