Upcoming Maruti Cars 2026: ఇండియన్ కారు మార్కెట్ లో మారుతి సుజుకి మరింత సత్తా చాటేందుకు ప్రయత్నిస్తోంది. ఈ ఏడాది నాలుగు కొత్త మోడల్స్ ను లాంచ్ చేయబోతోంది. ఇటీవల విడుదలైన ఇ-విటారా తర్వాత, కంపెనీ ఇంకొన్ని కొత్త మోడళ్లను విడుదల చేయాలని భావిస్తోంది. ఈ ఏడాదిలోనే వినియోగదారులకు అందుబాటులోకి వచ్చే అవకాశం ఉంది. ఇంతకీ ఈ ఏడాది మారుతి సుజుకి విడుదల చేయబోయే క్రేజీ కార్లు ఏవి అనేది ఇప్పుడు తెలుసుకుందాం..
మారుతి సుజుకి తన ప్రముఖ కాంపాక్ట్ SUV అయిన బ్రెజ్జాకు ఫేస్ లిఫ్ట్ వెర్షన్ ను తీసుకురానుంది. ఇప్పటికే మార్కెట్లో మంచి ఆదరణ పొందిన ఈ మోడల్ కు ఇప్పుడు మరింత క్రేజీ లుక్ ఇవ్వాలని మారుతి ప్లాన్ చేస్తోంది. కొత్త బంపర్లు, అప్డేటెడ్ గ్రిల్, మెరుగైన LED లైటింగ్ లాంటి మార్పులతో ఇది మరింత మోడర్న్ గా కనిపించనుంది. అంతేకాకుండా, ఈసారి పనోరమిక్ సన్ రూఫ్, పెద్ద టచ్ స్క్రీన్, వెంటిలేటెడ్ సీట్లు లాంటి ఫీచర్లను కూడా యాడ్ చేసే అవకాశం ఉంది.
అటు వాగన్ ఆర్ కు మరో అప్ డేట్ ఇవ్వాలని కంపెనీ భావిస్తోంది. ఇది పూర్తిగా కొత్త మోడల్ కాకపోయినా, డిజైన్ లో చిన్న మార్పులు, కొత్త కలర్స్, టెక్నాలజీ పరంగా కొన్ని అప్ గ్రేడ్స్ ఉంటాయని భావిస్తున్నారు. ముఖ్యంగా USB టైప్ C పోర్టులు లాంటి సౌకర్యాలు చేరవచ్చు. CNG వేరియంట్ లో బూట్ స్పేస్ ను పెంచడానికి కొత్త అండర్ బాడీ ట్యాంక్ ను కూడా తీసుకురావచ్చు.
మరోవైపు మారుతి సుజుకి తన మొదటి ఎలక్ట్రిక్ MPVని కూడా విడుదల చేసేందుకు రెడీ అవుతోంది. ప్రస్తుతం ‘YMC’ అనే కోడ్ నేమ్ తో పిలిచే ఈ మోడల్, పండుగ సీజన్ సమయానికి మార్కెట్లోకి వచ్చే అవకాశం ఉంది. ఇది ఇ-విటారా ప్లాట్ ఫారమ్ పైనే నిర్మించబడుతుందని తెలుస్తోంది. రెండు బ్యాటరీ ఆప్షన్లతో ఈ వాహనం అందుబాటులో రావచ్చు. ఒకటి సుమారు 400 కిలోమీటర్ల రేంజ్ ఇస్తే, మరొకటి దాదాపు 500 కిలోమీటర్ల వరకు వెళ్లగలదని అంచనా.
మారుతి సుజుకి నుంచి మరో అప్ డేట్ గ్రాండ్ విటారాకు సంబంధించింది. మిడ్ సైజ్ SUV సెగ్మెంట్లో పోటీ పెరుగుతున్న నేపథ్యంలో, ఈ మోడల్కు కూడా ఫేస్ లిఫ్ట్ తీసుకురావాలని కంపెనీ భావిస్తోంది. కొత్త డిజైన్ ఎలిమెంట్స్, పెద్ద అలాయ్ వీల్స్, అడ్వాన్స్ డ్ సేఫ్టీ ఫీచర్లు, మెరుగైన డిజిటల్ ఇన్స్ట్రుమెంట్ క్లస్టర్ వంటి అప్డేట్స్ ఇందులో ఉండవచ్చు. అయితే ఇంజిన్, ట్రాన్స్ మిషన్ లో పెద్ద మార్పులు ఉండకపోవచ్చని భావిస్తున్నారు.
Read Also: ఎండలో కారు డ్యామేజ్ కాకుండా ఉండాలంటే.. ఈ సింపుల్ టిప్స్ ఫాలో అవ్వండి!
Share
Nagarkurnool: సీఎం సొంత జిల్లాపై వరాల జల్లు.. నాగర్కర్నూల్కు కొత్త హంగులు.. రాజేష్ రెడ్డి క్లారిటీ!
ఇంట్లో టీవీ సీరియల్ నటి శవం.. భర్తే అలా చేశాడా? అసలు ఏమైంది?
