8 ఏళ్ల వారెంటీతో.. జస్ట్ రూ. 49,999కే అదిరిపోయే ఎలక్ట్రిక్ బైక్!

Ola Electric Offer 2026: ఒకప్పుడు ఇండియాలో టాప్ ఎలక్ట్రిక్ స్కూటర్ కంపెనీగా గుర్తింపు తెచ్చుకున్న ఓలా ఎలక్ట్రిక్, ప్రస్తుతం పెద్ద కంపెనీలతో పోటీ పడలేకపోతోంది. ఈ నేపథ్యంలో #EndICEAge ప్రచారాన్ని మొదలుపెట్టింది. ఈ సంస్థకు చెందిన అత్యంత ప్రజాదరణ పొందిన మోడళ్ల ధరలను భారీగా తగ్గించింది. ఓలా S1 X, జెన్ 3, రోడ్‌ స్టర్ X మోడళ్లు ఇప్పుడు కేవలం రూ. 49,999 ప్రారంభ ధరలో అందుబాటులో ఉన్నాయి. ఇది సాధారణ పెట్రోల్ బైక్ ధరలతో పోల్చితే కేవలం సగం ధర మాత్రమే. ముఖ్యంగా పేద, మధ్య తరగతి వినియోగదారులను టార్గెట్ గా చేసుకుని ఓలా ఈ కీలక నిర్ణయం తీసుకుంది.

ఏకంగా 8 ఏళ్ల వారెంటీతో..

ఓలా భారీగా తగ్గింపు ధర ఇవ్వడంతో పాటు.. వినియోగదారులకు 8 సంవత్సరాల ఎక్స్ టెండెడ్ వారెంటీని సైతం అందిస్తోంది. ఈ వారెంటీ బ్యాటరీ, మోటార్‌ పై వర్తిస్తుంది. దీని ద్వారా మున్ముందు వచ్చే ఖర్చులను కూడా తగ్గించుకునే అవకాశం ఉంది. అదనంగా, 60% బైబ్యాక్ గ్యారెంటీ ఉంది. అంటే భవిష్యత్తులో కొత్త ఓలా వాహనం కొనుగోలుపై పాత వాహనానికి మంచి ధర లభిస్తుంది.

సర్వీస్ ట్రస్ట్ గ్యారెంటీ కూడా..

సర్వీస్ లో కూడా ఓలా ప్రత్యేకత చూపిస్తోంది. సర్వీస్ ట్రస్ట్ గ్యారెంటీ కింద, ఈవీ సర్వీస్ ఆలస్యమైతే, కంపెనీ ఉచితంగా ఓలా క్యాబ్ వోచర్ ఇస్తుంది. దీని ద్వారా మీరు ఎలాంటి ఇబ్బంది లేకుండా ఫ్రీగా ప్రయాణించే అవకాశం ఉంటుంది.

పెట్రో ఇబ్బందుల నేపథ్యంలో మంచి ఆఫర్..

దేశంలో పెట్రోల్ ధరలు క్రమంగా పెరుగుతున్న నేపథ్యంలో, ఓలా ఈ ఆఫర్ ద్వారా పెట్రోల్ రహిత భవిష్యత్తుకి మంచి దారి చూపిస్తోంది ఓలా ఎలక్ట్రిక్. వినియోగదారులు సౌకర్యవంతమైన, తక్కువ నిర్వహణ అవసరమున్న, భవిష్యత్తు ప్రయాణాలకు అనుగుణమైన ఎలక్ట్రిక్ స్కూటర్‌ ను ఈజీగా కొనుగోలు చేసే అవకాశం కల్పిస్తోంది.

మార్చి 31 వరకే ఈ క్రేజీ ఆఫర్!

ఓలా తాజా ఆఫర్ మార్చి 31, 2026 వరకు మాత్రమే అందుబాటులో ఉంటుంది. సో, పాత పెట్రోల్ బైక్‌ను ప్రీమియం ఎలక్ట్రిక్ స్కూటర్‌ తో మార్చాలని చూస్తున్నవారికి ఇది బెస్ట్ టైమ్ గా చెప్పుకోవచ్చు. ఓలా ద్వారా అందించే ఆధునిక సాంకేతికత, ఎక్స్ టెండెడ్ వారంటీ, బైబ్యాక్ గ్యారెంటీ, అద్భుతమైన సర్వీస్ ఈ ఆఫర్‌ ను మరింత ఆకర్షణీయంగా మార్చుతున్నాయి. ఓలా ఎలక్ట్రిక్ 2026 ఆఫర్ వినియోగదారుల కోసం ధర, ఫ్యూచర్ టెక్నాలజీ కలయికను అందిస్తూ, ఎలక్ట్రిక్ మొబిలిటీని మరింత అందుబాటులోకి తెస్తుంది. ఇది కేవలం ఒక డిస్కౌంట్ ఆఫర్ మాత్రమే కాదు, పెట్రోల్ రహిత, పర్యావరణానుకూలమైన భవిష్యత్తుకి అడుగుగా చెప్పవచ్చు.