Suzuki V-Strom 800: సుజుకి నుంచి దుమ్మురేపే స్పెషల్ ఎడిషన్ బైక్, లాంచింగ్ డేట్ ఫిక్స్!

Suzuki V-Strom 800 X-Tour Special Edition: గత ఏడాది అమ్మకాల్లో సత్తా చాటిన సుజుకి మోటార్ సైకిల్స్ కంపెనీ, ఈ ఏడాది మరింత సక్సెస్ కావాలని భావిస్తోంది. అందులో భాగంగానే సరికొత్త మోడల్స్ ను అందుబాటులోకి తీసుకురాబోతోంది. త్వరలో కంపెనీ నుంచి V-Strom 800 స్పెషల్ ఎడిషన్ మోడల్‌ను ఆవిష్కరించడానికి రెడీ అవుతోంది. ఫిబ్రవరి 6, 2026న ఆస్ట్రియాలో జరిగే వెల్స్ ట్రేడ్ ఫెయిర్‌లో దీనిని లాంచ్ చేయనుంది. X-Tour గా పిలిచే ఈ టూవీలర్ ఆస్ట్రియాలో కేవలం ఐదు యూనిట్లను మాత్రమే అందుబాటులో ఉంచనుంది. అయితే, ఇతర దేశాల్లో వీటిని అమ్ముతారా? లేదా? అనేది ఇంకా పూర్తిగా తెలియదు.

సుజుకి X-Tour స్పెషల్ ఎడిషన్ గురించి..

సుజుకి X-Tour అనేది V-Strom 800 టూరింగ్ ఫోకస్డ్ వెర్షన్. ఈ బైక్ బేస్ వెర్షన్ నుంచి దీనిని వేరు చేయడంలో ప్రామాణికంగా వచ్చే కొన్ని యాక్సెసరీలు ఉన్నాయి. వీటిలో రాక్స్ తో కూడిన సైడ్ పన్నీర్లు, టాప్ బాక్స్, నకిల్ గార్డ్‌ లు, అండర్‌ బెల్లీ కౌల్ ఉన్నాయి. ఇవి చూడ్డానికి మరింత సూపర్ లుక్ ను అందిస్తుంది. పసుపు రంగు యాక్సెంట్లతో పాటు నలుపు బేస్ కలర్‌ ను కలిగి ఉంటుంది. ఇది రెండు పన్నీర్‌లపై పెద్ద X డెకాల్‌ ను కలిగి ఉంటుంది. యాంత్రికంగా, ఇది V-Strom 800 రోడ్ బయాస్డ్ వెర్షన్‌ కి ఇంచుమించు సమానంగా ఉంటుంది.

సుజుకి X-Tour స్పెషల్ ఎడిషన్ ఫీచర్లు

సుజుకి X-Tour స్పెషల్ ఎడిషన్ 19-17-అంగుళాల కాస్ట్ అల్యూమినియం వీల్ సెటప్‌ మీద షోవా అప్‌ సైడ్ డౌన్ ఫ్రంట్ ఫోర్కులు, వెనుక మోనోషాక్‌తో నడుస్తుంది. రెండూ అడ్జెస్ట్ చేసేలా ఉంటాయి. సస్పెన్షన్ ట్రావెల్ DE వేరియంట్ కంటే తక్కువగా ఉంటుంది. అయితే, సీటు ఎత్తు, 825mm దగ్గర కూడా మరింత అందుబాటులో ఉంటుంది. బ్రేకింగ్‌ కోసం ముందు భాగంలో డ్యూయల్ డిస్క్‌ లు, వెనుక భాగంలో సింగిల్ డిస్క్, నిస్సిన్ కాలిపర్లతో వస్తుంది.

సుజుకి X-Tour స్పెషల్ ఎడిషన్ ఇంజిన్ గురించి..

సుజుకి X-Tour స్పెషల్ ఎడిషన్ బైక్‌కు 776cc, లిక్విడ్ కూల్డ్, ప్యారలల్ ట్విన్ DOHC ఇంజిన్ ఉంటుంది. ఇది 84bhp పవర్, 78Nm పీక్ టార్క్‌ ను అందించడానికి ట్యూన్ చేయబడింది. మోటారు 270 డిగ్రీల క్రాంక్ షాఫ్ట్‌ ను కలిగి ఉంది. 6 స్పీడ్ గేర్‌ బాక్స్‌ తో జత చేయబడింది. ఫీచర్ల జాబితాలో మల్టీ లెవల్ ట్రాక్షన్ కంట్రోల్, ABS, తక్కువ RPM అసిస్ట్, ఐదు అంగుళాల పూర్తి రంగు TFT ఇన్‌స్ట్రుమెంట్ క్లస్టర్, USB ఛార్జింగ్ సాకెట్ ఉన్నాయి.