అల్ట్రావైలెట్ టెసరాక్ట్ కొనాలనుకుంటున్నారా? ముందు ఈ 5 విషయాలు తెలుసుకోండి!

అల్ట్రావైలెట్ ఆటోమోటివ్ కొత్త ఎలక్ట్రిక్ స్కూటర్ టెసరాక్ట్‌ తో భారత మార్కెట్లోకి అడుగుపెట్టడానికి రెడీ అవుతోంది. ఇప్పటి వరకు ఈ కంపెనీ పర్ఫార్మెన్స్ ఎక్కువగా ఉన్న ఎలక్ట్రిక్ బైక్‌ లతో గుర్తింపు తెచ్చుకుంది. ఇప్పుడు తొలిసారిగా ప్రీమియం ఎలక్ట్రిక్ స్కూటర్‌ ను తీసుకొచ్చేందుకు రెడీ అవుతోంది. ఈ స్కూటర్ 2026 మిడ్ ఇయర్ లో మార్కెట్లో అమ్మకానికి వచ్చే అవకాశం ఉన్నట్లు తెలుస్తోంది. ఈ నేపథ్యలంలో ఈ స్కూటర్ కు సంబంధించి కీలక విషయాలను ఇప్పుడు తెలుసుకుందాం..

⦿ అల్ట్రావైలెట్ టెసరాక్ట్ ధర

అల్ట్రావైలెట్ టెసరాక్ట్ ప్రారంభ ధర సుమారు రూ.1.45 లక్షలు (ఎక్స్ షోరూమ్)గా నిర్ణయించారు. అయితే, కంపెనీ ప్రారంభ ఆఫర్‌ గా కొంతమంది కస్టమర్లకు తక్కువ ధరలో అందించనుంది. మొదట 10,000 మంది వినియోగదారుల కోసం ప్రత్యేక ధరను ప్రకటించగా, తర్వాత దాన్ని 50,000 మంది వరకు విస్తరించింది.

⦿ అల్ట్రావైలెట్ టెసరాక్ట్ ఎలక్ట్రిక్ మోటార్, బ్యాటరీ

ఈ స్కూటర్‌ లోపవర్ ఫుల్ ఎలక్ట్రిక్ మోటార్‌ ను అందిస్తున్నారు. ఇది గరిష్టంగా 21 bhp పవర్‌ ను ఉత్పత్తి చేస్తుంది. పనితీరు పరంగా చూస్తే, కేవలం 2.9 సెకన్లలో 0 నుంచి 60 కిలో మీటర్ల వేగాన్ని అందుకుంటుందని కంపెనీ చెబుతోంది. ఒక్కసారి పూర్తి ఛార్జ్ చేస్తే గరిష్టంగా 261 కిలోమీటర్ల వరకు ప్రయాణించే అవకాశం ఉంటుంది. ఈ రేంజ్ బ్యాటరీ వేరియంట్‌పై ఆధారపడి ఉంటుంది. టెసరాక్ట్ మూడు బ్యాటరీ ఆప్షన్‌లలో అందుబాటులోకి రానుంది. ఇందులో 3.5kWh, 5kWh, 6kWh బ్యాటరీ ప్యాక్‌లు ఉంటాయి. వినియోగదారులు తమ అవసరానికి సరిపడే వేరియంట్‌ ను ఎంచుకునే అవకాశం ఉంటుంది.

⦿ అల్ట్రావైలెట్ టెసరాక్ట్ ఫీచర్లు

ఈ స్కూటర్‌ లో ఆధునిక టెక్నాలజీని ఉపయోగించారు. బ్లైండ్ స్పాట్ డిటెక్షన్, ఓవర్‌ టేక్ అలర్ట్, కొలిజన్ అలర్ట్ లాంటి భద్రతా ఫీచర్లు ఇందులో ఉంటాయి. డ్యూయల్ LED ప్రొజెక్టర్ హెడ్‌ ల్యాంప్స్, పెద్ద TFT టచ్‌ స్క్రీన్ డిస్‌ ప్లే, కనెక్టివిటీ ఫీచర్లు, రైడ్ అనలిటిక్స్ కూడా అందించనున్నారు. దీంట్లో కీలెస్ యాక్సెస్, హిల్ హోల్డ్, పార్క్ అసిస్ట్, క్రూయిజ్ కంట్రోల్, నావిగేషన్, మ్యూజిక్ కంట్రోల్ వంటి ప్రీమియం ఫీచర్లు కూడా ఉన్నాయి. ఈ ఫీచర్లు సాధారణ స్కూటర్లలో అరుదుగా కనిపిస్తాయి.

⦿ అల్ట్రావైలెట్ టెసరాక్ట్ డిజైన్

డిజైన్ పరంగా కూడా టెసరాక్ట్ చాలా భిన్నంగా కనిపిస్తుంది. యుద్ధ హెలికాప్టర్ల నుంచి ప్రేరణ పొందిన డిజైన్‌ తో దీనిని రూపొందించారు. షార్ప్ బాడీ లైన్స్, ఏరోడైనమిక్ ఆకారం, స్టైలిష్ LED లైట్లు దీన్ని మరింత స్పోర్టీగా కనిపించేలా చేస్తున్నాయి. డెసర్ట్ సాండ్, సోనిక్ పింక్, స్టెల్త్ బ్లాక్ లాంటి కల్స్ లో అందుబాటులోకి రానుంది. సీటు కింద 34 లీటర్ల స్టోరేజ్ స్పేస్ ఉంటుంది.

భద్రత విషయంలో కూడా ఈ స్కూటర్ తనకంటూ ఓ ప్రత్యేక గుర్తింపు తెచ్చుకోనుంది. ఇంటిగ్రేటెడ్ రాడార్ టెక్నాలజీతో వచ్చే తొలి భారతీయ ఎలక్ట్రిక్ స్కూటర్‌ గా నిలవనుంది. ముందు, వెనుక కెమెరాలు డాష్‌ క్యామ్‌ లా పనిచేసి రికార్డింగ్ ఫీచర్‌ ను అందిస్తాయి.