Upcoming Cars Feb 2026: మారుతి To స్కోడా.. ఫిబ్రవరి 2026లో విడుదల కాబోతున్న క్రేజీ కార్లు ఇవే!

ఇండియన్ మార్కెట్ లోకి ఫిబ్రవరి 2026లో పలు క్రేజీ కార్లు లాంచ్ కాబోతున్నాయి. వీటిలో పలు ఎలక్ట్రిక్ SUVలతో పాటు అదిరిపోయే ఫేస్‌ లిఫ్ట్‌ లు రాబోతున్నాయి. వీటిలో ఎంతో ఆసక్తిగా ఎదురుచూస్తున్న మారుతి ఇ విటారాతో పాటు స్కోడా కుషాక్ ఫేస్‌లిఫ్ట్, టయోటా అర్బన్ క్రూయిజర్ ఎబెల్లా ఉన్నాయి. అటు MG మెజెస్టర్, మహీంద్రా థార్ E/XUV.e8, మారుతి బ్రెజ్జా 2026 విడుదలకు రెడీ అవుతున్నాయి. బడ్జెట్ కార్ల ధరలు రూ. 6 లక్షల నుంచి ప్రీమియం EVల ధరలు రూ. 1 కోటి పైగా ఉన్నాయి.

ఫిబ్రవరి 2026లో లాంచ్ కాబోయే క్రేజీ కార్లు

⦿ మారుతి సుజుకి ఇ విటారా (SUV/EV): ఫిబ్రవరి 2026లో ఈ కారు విడుదల కానున్నాయి. ఈ కారు రూ. 17 నుంచి రూ. 20 లక్షల వరకు ఉంటుంది. ప్రస్తుతం మార్కెట్ లో ఉన్న కీలక ఎలక్ట్రిక్ కార్లకు ఇది గట్టి పోటీ ఇవ్వనుంది.

⦿ టయోటా అర్బన్ క్రూయిజర్ ఎబెల్లా (SUV/EV): ఫిబ్రవరి 19, 2026 నాటికి లాంచ్ అయ్యే అవకాశం ఉంది. ఈ కారు ధర రూ. 16 నుంచి రూ. 19.50 లక్షల మధ్య ఉంటుందని భావిస్తున్నారు.

⦿ స్కోడా కుషాక్ ఫేస్‌ లిఫ్ట్ (SUV): ఫిబ్రవరి 13, 2026న విడుదల కానుంది. డిజైన్ అప్‌ డేట్స్ తో రానుంది. ఈ కారు ధర సుమారు రూ. 11 నుంచి రూ. 19 లక్షల వరకు ఉంటుందని భావిస్తున్నారు.

⦿ MG మెజెస్టర్ (SUV): ఫిబ్రవరి 15, 2026న ఈ కారు విడుదల కానుంది. ప్రీమియం సెగ్మెంట్‌ను లక్ష్యంగా చేసుకుని మార్కెట్లోకి అడుగు పెట్టబోతుంది. ఈ కారు ధర రూ. 40 నుంచి రూ. 45 లక్షలు ఉంటుందని భావిస్తున్నారు.

⦿ మహీంద్రా XUV.e8 / థార్ E (SUV/EV):ఈ కారు ఫిబ్రవరి 15న లేదంటే 17, 2026న విడుదల కానుంది. ఈ కారు ధర రూ. రూ.25 నుంచి రూ. 50 లక్షల మధ్య ఉంటుందని భావిస్తున్నారు.

⦿ మారుతి బ్రెజ్జా 2026 (SUV): ఫిబ్రవరి 15, 2026న విడుదల కానుంది. దీని ధర సుమారు రూ.8.50 నుంచి రూ. 14 లక్షలు ఉంటుందని భావిస్తున్నారు.

⦿ వోక్స్‌ వ్యాగన్ టేరాన్ ఆర్ లైన్ (SUV): ఈ కారు ఫిబ్రవరి 2026లో విడుదల కానుంది. ప్రీమియం SUV విభాగంలో ఈ కారు అడుగు పెట్టే అవకాశం ఉంటుంది. ఈ కారు ధర రూ. 45 నుంచి రూ. 53 లక్షలు ఉంటుందని భావిస్తున్నారు.

⦿ ఆడి Q6 ఇ-ట్రాన్ / A5 (EV/లగ్జరీ): ఫిబ్రవరి 15, 2026న విడుదల కానుంది. ఈ ప్రీమియం లగ్జరీ కారు ధర సుమారు రూ. 1 కోటికి పైగా ఉంటుంది.

⦿ సిట్రోయెన్ C3 ఫేస్‌ లిఫ్ట్ (హ్యాచ్‌ బ్యాక్/SUV): ఈ కారు ఫిబ్రవరి 11, 2026న విడుదల కానుంది. దీని ధర సుమారు రూ. 6 లక్షల నుంచి రూ.10 లక్షలు ఉంటుంది.