BIS Diamonds Rule: నకిలీ వజ్రాలు, ఆభరణాలతో వినియోగదారులు మోసపోకుండా బీఐఎస్ కచ్చితమైన మార్గదర్శకాలు అమలు చేస్తుంది. బీఐఎస్ తాజాగా వజ్రాల రకాలు, వాటిని గుర్తించేందుకు కొత్త ఫ్రేమ్ వర్క్ ను ప్రకటించింది. వినియోగదారులకు ఎదురవుతున్న సవాళ్లను పరిష్కరించేందుకు కొత్త మార్గదర్శకాలు ప్రవేశపెట్టింది.
‘డైమండ్’ అనే పదాన్ని ఇప్పుడు సహజ వజ్రాలకు మాత్రమే వినియోగించాలి. ప్రయోగశాలలో తయారు చేసిన వాటిని డైమండ్ అని పిలవకూడదని బీఐఎస్ పేర్కొంది. కృత్రిమంగా తయారు చేసిన వాటిని వజ్రాలు అని తప్పుదారి పట్టించే విధంగా కొన్ని పదాలు ఉపయోగించకూడదని తెలిపింది. వినియోగదారుల హక్కుల రక్షణ, దేశవ్యాప్తంగా ఆభరణాల కొనుగోళ్లలో పారదర్శకతను పెంచేందుకు వివిధ రకాలుగా వజ్రాలను విభజించేందుకు.. బ్యూరో ఆఫ్ ఇండియన్ స్టాండర్డ్స్ (BIS) ఒక కొత్త విధానాన్ని ప్రవేశపెట్టింది.
ముఖ్యంగా డిజిటల్, ఇ-కామర్స్ రంగంలో వజ్రాలకు ప్రత్యామ్నాయ వస్తువులైన వాటికి వజ్రాలు అని పిలుస్తుండడంతో జెమ్స్ అండ్ జ్యువెలరీ రంగంలో ఇబ్బందులు తలెత్తుతున్నాయి. దీంతో కొనుగోలుదారులలో గందరగోళం నెలకొంటుంది. నేచురల్ డైమండ్ కౌన్సిల్ ప్రకటన మేరకు బీఐఎస్ కొత్త విధానం.. ఈ సమస్యలకు పరిష్కారం చూపనుందని పేర్కొంది.
NDC సహజ వజ్రాల పరిశ్రమను ప్రోత్సహించేందుకు, కస్టమర్లలో నమ్మకాన్ని పెంచేందుకు BIS.. వజ్రాల పరిశ్రమకు IS 19469:2025 ప్రమాణాన్ని కేటాయించింది. ఆభరణాలకు ISO 18323:2015 ప్రమాణాలను సూచించింది.
Also Read: పసిడి పంజా.. సామాన్యులకు గుండె గుభేల్.. లక్షా యాభై వేల దిశగా బంగారం ధరలు!
న్యూ స్టాండర్జ్ అమలు వజ్రాలకు స్పgష్టమైన విధానాన్ని ఏర్పాటు చేస్తుంది. సహజ వజ్రాలు, కృత్రిమంగా రూపొందించిన వజ్రాల మధ్య వ్యత్యాసాన్ని తెలియజేస్తుంది. దీంతో కస్టమర్లు నకిలీ వజ్రాల నుంచి రక్షణ పొందుతారని భావిస్తుంది. భారతీయ వజ్ర ఆభరణాల మార్కెట్ కొత్త ప్రమాణాలతో మరింత పారదర్శకంగా మారిందని వ్యాపారులు అంటున్నారు.
Share
Harish Rao: ఫోన్ ట్యాపింగ్ నిజం కాదా? కవిత మాటలు వినబడటం లేదా? బీఆర్ఎస్ నేతలకు ఎంపీ చామల సూటి ప్రశ్న
Priya Saroj-Rinku Singh: ప్రైవేట్ పార్ట్స్ పై చేతులు..రింకు సింగ్ కు కాబోయే భార్యకు చేదు అనుభవం
