దిగొచ్చిన పసిడి ధరలు.. ఇది తాత్కాలిక షాకా.. కొనుగోలుకు గోల్డెన్ ఛాన్సా?

Gold Price Today: హమ్మయ్య.. వారం రోజులుగా చుక్కలనంటిన బంగారం ధరలకు ఎట్టకేలకు బ్రేక్ పడింది. నిరంతరం పెరుగుతూ సామాన్యులకు, పసిడి ప్రియులకు షాక్ ఇచ్చిన బంగారం ధరలు నేడు ఒక్కసారిగా భారీగా తగ్గుముఖం పట్టాయి. గ్లోబల్ మార్కెట్‌లో నెలకొన్న మార్పులు, ద్రవ్యోల్బణ ఒత్తిళ్లు సడలడం, అంతర్జాతీయంగా ఇన్వెస్టర్లు ప్రాఫిట్ బుకింగ్‌కు మొగ్గు చూపడమే ఈ హఠాత్ తగ్గుదలకు ప్రధాన కారణమని మార్కెట్ నిపుణులు విశ్లేషిస్తున్నారు. ఈ అనూహ్య పతనంతో కొంతకాలంగా కొనుగోళ్లు వాయిదా వేసుకున్న వారందరూ తీవ్ర ఉపశమనం పొందుతూ నగల షాపుల వైపు పరుగులు తీస్తున్నారు.

నేడు బంగారం ధరలు ఇలా..
నేడు పసిడి ధరలు భారీగా తగ్గాయి. గురువారం 24 క్యారెట్ల 10 గ్రాముల బంగారం ధర రూ.1,46,180 ఉండగా.. నేడు శుక్రవారం 24 క్యారెట్ల 10 గ్రాముల బంగారం ధర రూ.1,44,330 వద్ద పలుకుతుంది. అలాగే గురువారం 22 క్యారెట్ల 10 గ్రాముల బంగారం ధర రూ.1,34,000 కాగా.. నేడు శుక్రవారం 22 క్యారెట్ల 10 గ్రాముల బంగారం ధర రూ.1,32,300 వద్ద కొనసాగుతుంది. అంటే నేడు ఒక్కరోజే 10 గ్రాముల బంగారం పై రూ.1,850 తగ్గింది.

ఆనందంలో కొనుగోలుదారులు.. కానీ ఆ భయం తప్పదా?
అయితే, ఈ తాత్కాలిక ఊరట వెనుక పసిడి ప్రియులను ఒక వైపు ఆనందం నింపుతున్నా, మరోవైపు భయం మాత్రం వెంటాడుతూనే ఉంది. అంతర్జాతీయ మార్కెట్‌లో ఆర్థిక అస్థిరతలు, భౌగోళిక రాజకీయ ఉద్రిక్తతలు మళ్లీ మొదలైతే ఈ ధరల తగ్గుదల తాత్కాలికమే కావచ్చునని, త్వరలోనే పసిడి మళ్లీ రెక్కలు తొడుగుతుందనే ప్రచారం జరుగుతోంది. అందుకే ధరలు మరికొద్ది రోజులు తగ్గుతాయా లేక సడన్‌గా మళ్లీ పుంజుకుంటాయా అనే గందరగోళంలో కొనుగోలుదారులు పడ్డారు. కాబట్టి, రాబోయే రోజుల్లో ధరల సరళిని నిశితంగా గమనిస్తూ, అవసరమైన మేరకు ప్లాన్ చేసుకుని కొనుగోలు చేయడమే ఉత్తమమని నిపుణులు సూచిస్తున్నారు.

హైదరాబాద్‌లో నేటి బంగారు ధరలు ఇలా..
హైదరాబాద్‌లో నేడు 24 క్యారేట్ల 10 గ్రాముల బంగారం రూ.1,44,330 ఉండగా.. 22 క్యారెట్ల 10 గ్రాముల బంగారం ధర రూ.1,32,300 వద్ద కొనసాగుతుంది.

విశాఖపట్నంలో బంగారం ధరలు ఇలా..
వైజాగ్‌లో 24 క్యారెట్ల 10 గ్రాముల బంగారం ధర రూ.1,44,330 కాగా.. 22 క్యారెట్ల 10 గ్రాముల బంగారం ధర రూ.1,32,300 వద్ద ఉంది.

విజయవాడలో నేటి బంగారం ధరలు..
విజయవాడలో 24 క్యారెట్ల 10 గ్రాముల బంగారం ధర రూ.1,44,330 ఉండగా.. 22 క్యారెట్ల 10 గ్రాముల బంగారం ధర రూ.1,32,300 వద్ద పలుకుతోంది.

ఢిల్లీలో బంగారం ధరలు..
ఢిల్లీలో నేడు 24 క్యారెట్ల 10 గ్రాముల బంగారం ధర రూ.1,44,480 కాగా.. 22 క్యారెట్ల 10 గ్రాముల బంగారం రూ.1,32,450 వద్ద ఉంది.

నేటి సిల్వర్ ధరలు..
అయ్యబాబోబ్.. నేడు బంగారమే కాదు.. సిల్వర్ ధరలు కూడా భారీగానే తగ్గాయి. నేటి సిల్వర్ ధరలు చూసుకుంటే.. గురువారం కేజీ సిల్వర్ ధర రూ. 2,45,000 కాగా.. నేడు శుక్రవారం కేజీ సిల్వర్ ధర రూ.2,40,000 వద్ద కొనసాగుతుంది. అంటే నేడు కేజీ సిల్వర్ పై రూ.5,000 తగ్గింది. అలాగే కలకత్త, ముంబై, ఢిల్లీలో కేజీ సిల్వర్ ధర రూ. 2,35,000 లు పలుకుతోంది.

Also Read: అర్ధరాత్రి ప్రకటన.. అంతా సరే, రాజీనామా సంగతేంటి?