Hyderabad Gold Rate Today: బంగారం కొనాలనుకునే వారికి నేడు ఊరట లభించింది. అంతర్జాతీయ మార్కెట్ ఒడిదుడుకులు, డాలర్ హెచ్చుతగ్గుల ప్రభావంతో ఈరోజు భాగ్యనగరంలో పసిడి ధరలు నిన్నటితో పోలిస్తే.. స్వల్పంగా తగ్గాయి. నేడు హైదరాబాద్ మార్కెట్లో 18 క్యారెట్లు, 22 క్యారెట్లు , 24 క్యారెట్ల బంగారం ధరలు ఎలా ఉన్నాయి? నిన్నటి కంటే ఎంత తగ్గాయి? అలాగే వెండి ధరల పరిస్థితి ఏంటి?ఇప్పుడు తెలుసుకుందాం.
నిన్నటి (మే 26) ధరలతో పోలిస్తే ఈరోజు హైదరాబాద్ బులియన్ మార్కెట్లో పసిడి ధరలు స్వల్ప తగ్గుముఖం పట్టాయి. పెట్టుబడిదారులు, సామాన్య కొనుగోలుదారులకు ఇది మంచి అవకాశంగా నిపుణులు భావిస్తున్నారు. ఖచ్చితమైన గణాంకాల ప్రకారం.. నిన్నటితో పోలిస్తే ఈరోజు హైదరాబాద్లో బంగారం ధరలు తగ్గాయి. నగలు తయారీకి ఎక్కువగా ఉపయోగించే 22 క్యారెట్ల తులం (10 గ్రాములు) బంగారం ధర రూ. 460 తగ్గి ప్రస్తుతం రూ.1,45,640 వద్ద ట్రేడ్ అవుతోంది. నిన్న దీని ధర రూ.1,46,100 గా నమోదైంది.
అలాగే పెట్టుబడి రూపంలో కొనుగోలు చేసే అత్యంత స్వచ్ఛమైన 24 క్యారెట్ల బంగారంపై తులం బంగారానికి రూ. 500 మేర క్షీణత కనిపించి, నేడు రూ.1,58,880 కి చేరుకుంది. నిన్న దీని ధర రూ.1,59,380 గా ఉండేది. మరోవైపు డైమండ్ జ్యువెలరీ కోసం వాడే 18 క్యారెట్ల పసిడిపై కూడా రూ.380 మేర తగ్గి నేడు రూ.1,19,160 వద్ద కొనసాగుతోంది. అయితే ఈ ధరలకు స్థానిక జీఎస్టీ (3 శాతం), మేకింగ్ ఛార్జీలు అదనంగా ఉంటాయని గమనించాలి.
బంగారంతో పాటే వెండి కొనుగోలుదారులకు కూడా నేడు భారీ ఊరట లభించింది. అంతర్జాతీయంగా పారిశ్రామిక డిమాండ్ నెమ్మదించడంతో వెండి ధరలు కూడా దిగివచ్చాయి. హైదరాబాద్లో నేడు 1 కిలో వెండి ధర సుమారు రూ.2,84,900 నుండి రూ. 2,90,900 మధ్య ట్రేడ్ అవుతోంది. నిన్నటితో పోలిస్తే.. కేజీ వెండిపై దాదాపు రూ.500 నుంచి రూ. 1000 వరకు తగ్గుదల కనిపించింది. స్థానిక జ్యువెలరీ మార్కెట్లను బట్టి ధరల్లో స్వల్ప తేడాలు ఉండొచ్చు. గ్లోబల్ మార్కెట్లో అమెరికన్ డాలర్ ఇండెక్స్ బలోపేతం కావడం, యూఎస్ ఫెడరల్ రిజర్వ్ వడ్డీ రేట్లపై వస్తున్న అంచనాల కారణంగా అంతర్జాతీయంగా స్పాట్ గోల్డ్ ధరలు ఒత్తిడికి లోనయ్యాయి. మన దేశంలో దిగుమతి సుంకాలు , అంతర్జాతీయ ఈక్విటీ మార్కెట్ల కదలికలు కూడా స్థానిక ధరలను ప్రభావితం చేశాయి.
Share
ఒరేయ్ వైభవ్...నీకు ఆంధ్ర పూతరేకులు తినిపిస్తా, డకౌట్ అయిపో..యాంకర్ రిక్వెస్ట్
'ధురంధర్' టెక్నీషియన్పై కేసు నమోదు.. అసలు ఏం జరిగిందంటే?
