HRA Changes: హైదరాబాద్ లో అద్దె ఇంట్లో ఉంటున్న ఉద్యోగులకు గుడ్ న్యూస్. హౌస్ రెండ్ అలవెన్సులను 50 శాతం పరిమితికి పెంపు ప్రతిపాదన చేసింది కేంద్రం. హైదరాబాద్ లో లక్షలాది మంది ఇతర ప్రాంతాల నుంచి వచ్చి అద్దె ఇంట్లో ఉంటూ.. ఉద్యోగాలు చేసుకుంటున్నారు. అలాంటి వారందరికీ హౌస్ రెంట్ అలవెన్సులపై(HRA) మినహాయింపుల పరిమితి 50 శాతానికి పెంచాలని కేంద్రం ప్రతిపాదించింది. హెచ్ఆర్ఐ పన్ను మినహాయింపుల ప్రయోజనం కల్పించే మెట్రో నగరాల జాబితాలో హైదరాబాద్ను చేర్చాలని నిర్ణయించింది.
ప్రధాన మెట్రో నగరాల్లో నివసిస్తు్న్న ఉద్యోగులకు పన్ను ఉపశమనం కలిగించేందుకు.. ఓల్డ్ ట్యాక్స్ సిస్టమ్ లో ఇంటి అద్దె భత్యం 50 శాతం మినహాయింపు నగరాల జాబితాను విస్తరించాలని కేంద్రం ఇటీవల నిర్ణయించింది. ప్రస్తుతం ముంబై, దిల్లీ, కోల్కతా, చెన్నై వంటి ప్రధాన నగరాల్లోని పన్ను చెల్లింపుదారులు జీతంలో 50% వరకు హెచ్ఆర్ఏ మినహాయింపులు పొందుతున్నారు. ఇతర నగరాల్లోని వారు 40% వరకు క్లెయిమ్ చేసుకోవచ్చు. తాజాగా 50% HRA మినహాయింపును బెంగళూరు, హైదరాబాద్, పూణే, అహ్మదాబాద్ కు విస్తరించాలని కేంద్రం నిర్ణయించింది.
ఏప్రిల్ 1 నుంచి కొత్త ఆదాయపు పన్ను చట్టం 2025 అమలులోకి రానుంది. ఈ నేపథ్యంలో ముసాయిదా నిబంధనలను ఆదాయపు పన్ను శాఖ విడుదల చేసింది. ఇందులో హెచ్ఆర్ఏ మినహాయింపుల కోసం మరికొన్ని మెట్రో నగరాలను 50 శాతం కేటగిరీలోకి చేర్చాలని కేంద్రం ప్రతిపాదించింది. ఆ జాబితాలో కొత్తగా బెంగళూరు, హైదరాబాద్, పూణే, అహ్మదాబాద్ నగరాలను చేర్చాలని నిర్ణయించింది. దీంతో ఈ నగరాల్లో అద్దెకు ఉంటున్న ఉద్యోగులకు చేతికి వచ్చే నికర ఆదాయం పెరగనుంది.
జీతం పొందే పన్ను చెల్లింపుదారులు, స్వయం ఉపాధితో పన్ను కట్టేవారు ఇంటి అద్దె భత్యం కోసం మినహాయింపును క్లెయిమ్ చేసుకోవచ్చు. జీతం పొందే ఉద్యోగులకు సెక్షన్ 10(13A) కింద హెచ్ఆర్ఏ మినహాయింపులు వర్తిస్తాయి. మీరు జీతం పొందే ఉద్యోగి కాకపోయినా, హెచ్ఆర్ఏ క్లెయిమ్ చేయాలనుకుంటే సెక్షన్ 80GG కింద మినహాయింపును క్లెయిమ్ చేసుకోవచ్చు.
చెన్నైలో ఉద్యోగం చేస్తున్న స్వామి 2024-25 ఆర్థిక సంవత్సరంలో నెలకు రూ. 10,000 చొప్పున ఇంటి అద్దె చెల్లిస్తున్నారు. అతడికి నెలకు రూ. 25,000 జీతం, రూ. 2,000 డీఏ లభిస్తాయి. ఆ సంవత్సరంలో రూ. 1 లక్ష హెచ్ఆర్ఏ కూడా పొందారు. 2024-25 ఆర్థిక సంవత్సరంలో ఆదాయపు పన్ను నుంచి హెచ్ఆర్ఏ మినహాయింపును ఈ కింద వివరాలతో అర్థం చేసుకోవచ్చు.
స్వామి చెల్లించిన మొత్తం అద్దె రూ.1.2 లక్షలపై నేరుగా పన్ను మినహాయింపు పొందలేరు. వీటిని లెక్కలుంటాయి. మూడు మొత్తాలలో అత్యల్ప మొత్తానికి ఆదాయపు పన్ను మినహాయింపు ఉంటుంది. అలాగే స్వామి మెట్రో నగరమైన చెన్నైలో నివసిస్తున్నందున, బేసిక్, డీఏలో 50% వరకు ప్రయోజనం పొందవచ్చు. హెచ్ఆర్ఏ రూ. 1 లక్ష కాబట్టి, ఈ మొత్తానికి పన్ను మినహాయింపు ఉండదు. అతి తక్కువ మొత్తం అంటే రూ. 87,600 కు పన్ను మినహాయింపు ఉంటుంది. మిగిలిన HRAకి పన్ను విధిస్తారు. కొత్త పన్ను విధానం కింద స్వామికి ఈ మినహాయింపు అందుబాటులో ఉండదు. అంటే రూ. 1 లక్ష మొత్తం HRA వర్తించే స్లాబ్ రేట్ల ప్రకారం పన్ను విధిస్తారు.
Also Read: కన్నీరు తుడిచే స్కీమ్.. కుటుంబ యజమాని మరణిస్తే.. వెంటనే రూ.20,000 జమ!
Share
Rahul Gandhi: ప్రధాని మోదీ భారత్ను అమ్మేశారు? లోక్సభలో రాహుల్ గాంధీ సంచలన వ్యాఖ్యలు
Upto 70% off on Bikes: లక్ష రూపాయల బైక్ జస్ట్ 30 వేలకే.. మరీ అంత తక్కువ ఎలా బ్రో?
