Women Day Special: ట్రెండ్‌ని తమకు అనుకూలంగా మలచుకుంటాయి కొన్ని సంస్థలు. దీనివల్ల కస్టమర్స్‌ని ఆకట్టుకునే ట్రెండ్ కొనసాగుతోంది. ఈ విషయంలో ఆ బ్యాంకు ఓ అడుగు ముందుకేసింది. అంతర్జాతీయ మహిళా దినోత్సవం సందర్భంగా యెస్ బ్యాంక్ కీలక నిర్ణయం తీసుకుంది. మహిళల కోసం ప్రత్యేక వేతన ఖాతాను తీసుకొచ్చింది. అంతేకాదు ఉచితంగా లాకర్‌తోపాటు ఉచిత ఆరోగ్య బీమా కూడా ఇవ్వనుంది.
అంతర్జాతీయ మహిళా దినోత్సవం నేడు
అంతర్జాతీయ మహిళా దినోత్సవం సందర్భంగా మహిళల ఆర్థిక, జీవనశైలి అవసరాలకు తగినట్టుగా కీలక నిర్ణయం తీసుకుంది యెస్ బ్యాంక్. వారి ఆర్థిక భద్రత, ఆరోగ్య సంరక్షణ, జీవనశైలి ప్రయోజనాల సేవలను ఒకే ప్లాట్‌ఫామ్‌పైకి తీసుకొచ్చింది. ఉమెన్స్‌ శాలరీ అకౌంట్‌లో తొలి ఏడాది ఉచిత లాకర్‌ సౌకర్యం కల్పించింది.
అంతేకాదు ఏడాదిపాటు రూ. 5 లక్షల కాంప్లిమెంటరీ హెల్త్‌ కవర్ ఉండనుంది. ఏడాదికి ఒకసారి ఉచితంగా ఆరోగ్య పరీక్షలు చేసుకోవచ్చు. వీటితోపాటు కస్టమర్లు కాంప్లిమెంటరీ ఎలిగెన్స్‌ డెబిట్‌ కార్డు పొందవచ్చు. ఎంపిక చేసిన విభాగాల్లో ఐదు శాతం క్యాష్‌ బ్యాక్‌ ఉంటుంది. ఏటా రూ.6,000 వరకు పొందొచ్చన్నమాట.
మహిళలకు ప్రత్యేక ఆఫర్ ఇచ్చిన యెస్ బ్యాంక్
గతవారం యెస్ బ్యాంక్ కరెన్సీ ప్రీపెయిడ్ ఫారెక్స్ కార్డులకు సంబంధించిన రూ.2.5 కోట్లకు విలువైన అనధికార లావాదేవీలను గుర్తించింది. Book My Forex భాగస్వామ్యంతో జారీ చేయబడిన మల్టీ-కరెన్సీ ప్రీపెయిడ్ ఫారెక్స్ కార్డ్ ద్వారా జరిగినట్టు తేలింది. ఈ అనధికార లావాదేవీలు BIN నెంబర్లపై లావాదేవీలు జరిగాయి. ఈ లావాదేవీలు ఫిబ్రవరి 24, 2026న లాటిన్ అమెరికాకు చెందిన 15 మంది వ్యాపారులపై జరిగాయని తెలిపింది.
ఇక ప్రభుత్వ బ్యాంకింగ్‌ దిగ్గజం స్టేట్‌ బ్యాంక్ ఆఫ్‌ ఇండియా మహిళల ఆర్థిక సాధికారతను ప్రోత్సహించేందుకు 500 మిలియన్‌ డాలర్ల సామాజిక రుణ సౌకర్యాన్ని తీసుకొచ్చింది. దాదాపు రూ.4,590 కోట్లుతో ప్రారంభంచింది. లింగ వివక్షను తగ్గించేందుకు అభివృద్ధి లక్ష్యం సాధించేందుకు ఇది దోహదం చేయనుంది. పర్యావరణం, సామాజిక, పాలన సూత్రాలపై బ్యాంకుకు ఉన్న నిబద్ధతకు నిదర్శనంగా నిలుస్తుందని ఎస్‌బీఐ ఛైర్మన్‌ అన్నారు. ప్రపంచవ్యాప్తంగా జెండర్‌-థీమ్‌ రుణంగా పేర్కొంటున్న ఈ పథకం ఆర్థిక వృద్ధి, సామాజిక మార్పు తీసుకొచ్చేందుకు ఉద్దేశించింది.
Share
AP Crime: గోదావరి జిల్లాలో దారుణం.. ముస్తాబవ్వాల్సిన పెళ్లి కూతురు శవమై కనిపించింది, అసలు మేటరేంటి?
Compact Refrigerators: చిన్న సైజు ఇళ్ల కోసం బెస్ట్ కంపాక్ట్ ఫ్రిజ్‌లు .. కరెంట్ వినియోగం కూడా తక్కువ
