New Labour Laws 2026: ఉద్యోగులు, కార్మికులకు భారీ ఊరటనిచ్చే సరికొత్త నిబంధనలను కేంద్ర ప్రభుత్వం కార్మిక చట్టంలో చేర్చింది. ఈ లేబర్ కోడ్స్ (Labour Codes) ఏప్రిల్ 1 నుంచి అమల్లోకి రానున్నాయి. దీని ప్రకారం ఏ ఉద్యోగి అయినా రాజీనామా చేసినా లేదా తొలగింపునకు గురైనా వారి పూర్తి వేతన సెటిల్మెంట్ (Full and Final Settlement) కేవలం 2 పని దినాలలో (2 Working Days) కంపెనీలు పూర్తి చేయాల్సి ఉంటుంది.
‘కోడ్ ఆన్ వేజెస్ – 2019’ (Code on Wages, 2019) నిబంధన ప్రకారం.. ఉద్యోగి సంస్థను వీడినప్పుడు (రాజీనామా, తొలగింపు లేదా రిట్రెంచ్మెంట్ ఏదైనా సరే) యాజమాన్యం వారి బకాయిలను 2 రోజుల్లోగా చెల్లించాల్సి ఉంటుంది. అయితే గతంలో దీనికి 30 నుండి 45 రోజుల సమయాన్ని కంపెనీలు తీసుకోనగా.. ఏప్రిల్ 1 నుంచి మాత్రం తప్పనిసరిగా 48 గంటల నిబంధనను పాటించాల్సి ఉంటుంది.
సాధారణంగా కంపెనీకి రాజీనామా చేసిన, జాబ్ నుంచి తీసేసిన వ్యక్తులకు యాజమాన్యాలు సరైన సమయానికి పేమెంట్స్ చెల్లించడం లేదన్న ఆరోపణలు ఉన్నాయి. దీంతో చాలా మంది ఉద్యోగులు ఆర్థికంగా సమస్యలు ఎదుర్కొంటున్నట్లు కార్మిక శాఖ దృష్టికి వెళ్లింది. ఈ నేపథ్యంలో ఏప్రిల్ 1 నుంచి అమల్లోకి రానున్న కొత్త నిబంధనలు.. ఈ బాధల నుంచి ఉద్యోగులకు ఉపశమనం కలిగించనున్నాయి. ఉద్యోగి తన చివరి నెలలో పనిచేసిన రోజులకు రావాల్సిన జీతం, మిగిలి ఉన్న సెలవులకు బదులుగా వచ్చే నగదు (Leave Encashment), రావాల్సిన బోనస్ లేదా ఇతర అలవెన్సులను పొందేందుకు ఈ కొత్త రూల్స్ దోహదం చేయనున్నాయి.
Also Read: Gas Free Kitchen: గ్యాస్ లేకుండా వంట చేయడం ఎలా? ఇదేమి కష్టం కాదండోయ్.. చాలా ఈజీగా చేసేయోచ్చు!
ఈ కొత్త నిబంధన వల్ల కంపెనీలు తమ హెచ్ఆర్ (HR), పేరోల్ వ్యవస్థలను మరింత వేగవంతం చేయాల్సి ఉంటుంది. ఉద్యోగి చివరి పని దినం నాటికే నో డ్యూస్ (No-dues) సర్టిఫికేట్ వంటి ప్రక్రియలన్నీ ముందే సిద్ధం చేసుకోవాలి. మరోవైపు ఉద్యోగి పేమెంట్ కు సంబంధించిన క్లియరెన్స్ ను సైతం కంపెనీలోని వివిధ విభాగాలు.. ఎలాంటి జాప్యం చేయకుండా త్వరగా ఇవ్వాల్సి ఉంటుంది. అయితే 48 గంటల వ్యవధిని మాత్రమే ఇవ్వడం వల్ల ఇది తమపై తీవ్ర ఒత్తిడిని పెంచవచ్చని కంపెనీ వర్గాలు ఆందోళన వ్యక్తం చేస్తున్నాయి.
Share
Galaxy A57 A37 Discount: గెలాక్సి కొత్త ఫోన్స్పై లాంచ్ ఆఫర్.. విడుదల కాగానే డిస్కౌంట్ డీల్స్
CM Revanth Reddy: కుటుంబ సమేతంగా భద్రాచలం.. రామయ్యని దర్శించుకున్న సీఎం
