Gas Free Kitchen: గల్ఫ్ దేశాల్లో నెలకొన్న యుద్ధ పరిస్థితుల నేపథ్యంలో దేశంలో గ్యాస్ కష్టాలు మెుదలయ్యాయి. ముఖ్యంగా ఎల్ పీజీ సిలిండర్ల సరఫరాలో పెద్ద ఎత్తున జాప్యం ఏర్పడుతున్నట్లు సామాన్యులు చెబుతున్నాయి. ప్రస్తుతం నెలకొన్న ఆందోళనల నేపథ్యంలో ప్రస్తుతం చాలా మంది ‘గ్యాస్-ఫ్రీ’ (Gas-free) వంటగది వైపు మెుగ్గు చూపుతున్నారు. కాబట్టి మీ వంటగదికి గ్యాస్ అవసరం లేకుండా చేసే కుకింగ్ పరికరాలు.. ముఖ్యమైన చిట్కాలు ఏంటో ఈ కథనంలో పరిశీలిద్దాం.
ప్రస్తుతం ఎల్పీజీకి అత్యంత ముఖ్యమైన ప్రత్యామ్నాయంగా ఇండక్షన్ స్టవ్స్ లేదా కుక్ టాప్స్ నిలుస్తున్నాయి. ఇవి విద్యుత్ శక్తిని ఉపయోగించి నేరుగా పాత్రను వేడి చేస్తాయి. గ్యాస్ మీద కంటే వేగంగా వంట పూర్తిచేసేందుకు ఇవి సహాయపడతాయి.
ప్రస్తుతం నెలకొన్న సిలిండర్ బుకింగ్, డెలివరీ టెన్షన్ నుంచి విముక్తి పొందాలని భావిస్తే.. PNG బెస్ట్ ఛాయిస్ గా చెప్పవచ్చు. ఇది నేరుగా పైపుల ద్వారా గ్యాస్ సరఫరా చేస్తుంది. కాబట్టి సిలిండర్ అయిపోతుందనే భయం ఉండదు. మీరు వాడిన గ్యాస్ రీడింగ్ బట్టి బిల్లు చెల్లిస్తే సరిపోతుంది.
పర్యావరణ హితంగా, ఖర్చు లేకుండా వంట చేయాలనుకునే వారికి ఇది సరైన ఎంపికగా నిలుస్తోంది. ఇది సూర్యరశ్మిని ఉపయోగించి ఆహారాన్ని ఉడికిస్తుంది. ఒకప్పుడు పగటిపూట, ఎండ ఉన్నప్పుడు మాత్రమే వీటి ద్వారా వంట చేసుకోవడం సాధ్యమయ్యేది. కానీ ఇప్పుడు లభిస్తున్న అధునాతన సోలార్ ప్యానెల్ సిస్టమ్స్ ద్వారా విద్యుత్ నిల్వ చేసుకుని కూడా వాడుకోవచ్చు.
గ్యాస్‌తో సంబంధం లేకుండా వంటగదిలో పనులు చెక్కబెట్టడానికి మరికొన్ని ఎలక్ట్రానిక్ పరికరాలు సైతం మార్కెట్ లో లభిస్తున్నాయి. ఎయిర్ ఫ్రైయర్స్ నూనె లేకుండా ఆహారపదార్థాలను వేయించడానికి, బేకింగ్‌కు ఉపయోగపడతాయి. ఎలక్ట్రిక్ రైస్ కుక్కర్స్.. అన్నం వండటానికి గ్యాస్ అవసరాన్ని తగ్గిస్తాయి. మైక్రోవేవ్ ఓవెన్స్.. ఆహారాన్ని వేడి చేయడానికి, కొన్ని రకాల వంటకాలకు అనువుగా ఉంటాయి.
వంటగదిలో ఎల్పీజీకి బదులు ఇండక్షన్ వాడుతున్నట్లయితే దానికి సరిపోయే (Induction compatible) పాత్రలను కొనుగోలు చేయండి. కిచెన్ లో హై-వోల్టేజ్ సాకెట్లు మరియు పవర్ బ్యాకప్ ఉండేలా చూసుకోండి. అయితే ప్రారంభంలోనే పూర్తిగా గ్యాస్ తీసేయకుండా ఇండక్షన్, గ్యాస్ రెండింటినీ కలిపి వాడుతూ మెల్లగా మారడం ఉత్తమం.
Also Read: Relationship Secrets: ప్రేమలో ఉన్నారా ..అయితే ఈ పొరపాట్లు చేస్తున్నారేమో చెక్ చేసుకోండి.
Share
Airport Shutdown: అమెరికా విమానాశ్రయాల్లో షట్డౌన్ సెగ.. గంటల కొద్దీ నిరీక్షణతో ప్రయాణికుల అవస్థలు
West Godavari Crime: ఇన్స్టా లవ్.. ప్రియుడి కోసం పారిపోయిన వివాహిత, వారిద్దరి జీవితాలు చివరకు
