Pan Card Rules: ఆదాయపు పన్ను నిబంధనలు 2026 డ్రాఫ్ట్ సిద్ధమవుతుంది. పాన్ కార్డు రూల్స్ లో భారీ మార్పులు రానున్నాయి. నగదు డిపాజిట్లు, విత్ డ్రా, ఇతర హై వ్యాల్యూ లావాదేవీల పరిమితుల మార్పునకు ప్రతిపాదనలు చేశారు. పన్ను బేస్ను పెంచడానికి, చిన్న లావాదేవీలకు పాన్ కార్డు రిపోర్టింగ్ భారాన్ని తగ్గించడానికి రూల్స్ మార్చనున్నారు.
ఏప్రిల్ 1 నుండి అమలు చేయనున్న రూల్స్ లో ముఖ్యంగా రెండు ప్రధాన మార్పులున్నాయి. బ్యాంకు ఖాతాలో రూ. 10 లక్షలు లేదా అంతకంటే ఎక్కువ డిపాజిట్లు, రూ. 20 లక్షలు లేదా అంతకంటే ఎక్కువ విలువైన స్థిరాస్తి కొనుగోలు చేయడం లేదా అమ్మడం ఉంటాయి. వ్యక్తులు, వ్యాపారులు నగదు డిపాజిట్లు, ఉపసంహరణలకు సంబంధించి 5 ముఖ్యమైన పాన్-మార్పులు చేయనున్నారు.
ఇన్ కమ్ ట్యాక్స్ చట్టం డ్రాఫ్ట్ ప్రకారం, ఒక ఆర్థిక సంవత్సరంలో ఒకటి లేదా అంతకంటే ఎక్కువ ఖాతాల నుంచి మొత్తం నగదు డిపాజిట్లు లేదా ఉపసంహరణలు రూ. 10 లక్షలు దాటితే పాన్ తప్పనిసరిగా రిపోర్టు చేయాలి. ప్రస్తుతం ఒకే లావాదేవీలో రూ. 50,000 కంటే ఎక్కువ నగదు డిపాజిట్లకు పాన్ కార్డు రిపోర్టు చేయాల్సి ఉంది. కొత్త రూల్ ప్రకారం చిన్న లావాదేవీలకు పాన్ ఎంటర్ చేయాల్సిన అవసరం లేదు. పెద్ద లావాదేవీల్లో పన్ను ఎగవేతను నిరోధించేందుకు ఈ మార్పు చేయనున్నారు. ఈ ప్రతిపాదనతో బ్యాంకులపై భారం తగ్గనుంది.
ప్రస్తుత పాన్ నిబంధన మేరకు రూ. 10 లక్షలకు మించి రియల్ ఎస్టేట్ లావాదేవీలకు పాన్ కోట్ చేయడం తప్పనిసరి. కొత్త రూల్స్ మేరకు ఈ మొత్తా్న్ని రూ. 20 లక్షలకు పెంచాలని ప్రతిపాదించారు. పెద్ద రియల్ ఎస్టేట్ లావాదేవీలపై నిఘా ఉంచుతూనే, చిన్న రియల్ ఎస్టేట్ లావాదేవీలపై భారాన్ని తగ్గించనున్నారు.
ప్రస్తుతం, రూ.50,000 దాటిన హోటల్, రెస్టారెంట్ బిల్లుల చెల్లింపులు పాన్ను సబ్మిట్ చేయాలి. కొత్త చట్టం ప్రకారం ఈ పరిమితిని రూ.1 లక్షకు పెంచనున్నారు.
ప్రస్తుత మార్గదర్శకాల ప్రకారం, ఒక ఆర్థిక సంవత్సరంలో బీమా ప్రీమియంలు రూ. 50,000 దాటిన పాలసీలకు పాన్ను కోట్ చేయడం తప్పనిసరి. అయితే, ముసాయిదా నియమాలు బీమా పాలసీలకు సంబంధించిన పాన్ పరిధిని పెంచనున్నారు. బీమా కంపెనీలతో అన్ని లావాదేవీలకు పాన్ తప్పనిసరి కానుంది.
Also Read: కొత్త ఏసీ కావాలా? పానాసోనిక్ నుంచి అడ్వాన్స్డ్ ఏసీలు.. 57 రకాల మోడళ్లలో..!
ప్రస్తుత నిబంధన ప్రకారం, అన్ని వాహనాల కొనుగోళ్లకు (ద్విచక్ర వాహనాలు తప్ప) పాన్ అవసరం ఉంటుంది. అయితే, రూ. 5 లక్షల కంటే ఎక్కువ విలువైన బైక్ లేదా కార్ల కొనుగోళ్లకు పాన్ తప్పనిసరి కానుంది. ఈ మార్పులు ఖరీదైన మోటార్సైకిళ్లకు వర్తిస్తాయి కానీ ట్రాక్టర్లకు కాదు. లగ్జరీ బైక్ లు, అధిక-విలువ లావాదేవీలపై పాన్ రిపోర్టు నిబంధనలలో మార్పులు చేయనున్నారు. అదే సమయంలో తక్కువ-విలువైన కార్ల కొనుగోళ్లకు పాన్ సమ్మతిని తగ్గించనున్నారు.
Share
Asifabad Municipal: ఆసిఫాబాద్ కాంగ్రెస్లో చేజారిన మున్సిపల్ పీఠం.. డీసీసీ అధ్యక్షురాలు ఇంటి వద్ద ఉద్రిక్తత!
Gaddam Ananya: వికారాబాద్ మున్సిపల్ చైర్ పర్సన్గా స్పీకర్ కుమార్తె, పదవీ బాధ్యతలు స్వీకరించిన గడ్డం అనన్య
