Tata Cars Discount Offers: ప్రముఖ కార్ల తయారీ సంస్థ టాటా మోటార్స్ మే నెలలో తన వాహనాలపై బంపర్ డిస్కౌంట్లను అందిస్తోంది. ఎంపిక చేసిన టాటా వాహనాలను కొనుగోలు చేయడం ద్వారా రూ.60,000 వరకు ఆదా చేసుకోవచ్చు. కొత్త కారును కొనుగోలు చేయాలనుకుంటే తక్కువ ధరలో కారును సొంతం చేసుకోవడానికి ఇది చాలా మంచి అవకాశం. ఏయే వాహనాలపై ఎంత తగ్గింపు లభిస్తుందో తెలుసుకుందాం.
Tata Tiago (టాటా టియాగో)
టాటాకి చెందిన ప్రసిద్ధ హ్యాచ్బ్యాక్ టియాగో కొనుగోలుపై అద్భుతమైన డిస్కౌంట్లు అందుబాటులో ఉన్నాయి. అందులో పెట్రోల్ వేరియంట్లైన XT(O), XT, XZపై ఏకంగా రూ. 60,000 వరకు ప్రయోజనాలను పొందవచ్చు. అందులో మొత్తం నగదు రూపంలో కాకుండా.. రూ. 45,000 నగదు తగ్గింపు, రూ. 10,000 ఎక్స్ఛేంజ్ బోనస్, రూ. 5,000 కార్పొరేట్ ప్రయోజనం అందుబాటులో ఉన్నాయి. టియాగో మిగిలిన పెట్రోల్ మోడల్స్పై రూ. 35,000 నగదు తగ్గింపు లభిస్తుంది. అదే సమయంలో Tiago CNG మోడల్పై రూ. 25,000 నగదు తగ్గింపు అందుబాటులో ఉంది. ఇది కాకుండా అన్ని మోడళ్లపై ఎక్స్ఛేంజ్ బోనస్, కార్పొరేట్ ప్రయోజనాలను కూడా పొందవచ్చు.
Tata Altroz (టాటా ఆల్ట్రోజ్)
Tata Altrozలో డీజిల్, పెట్రోల్ మాన్యువల్ ట్రాన్స్మిషన్ (MT) వాహనాలపై రూ. 50,000 వరకు తగ్గింపు అందుబాటులో ఉంది. అందులో రూ. 35,000 నగదు తగ్గింపు, రూ. 10,000 ఎక్స్ఛేంజ్ బోనస్, రూ. 5,000 కార్పొరేట్ తగ్గింపు లభిస్తున్నాయి. Altroz CNG మోడల్పై రూ. 35,000 వరకు ప్రయోజనాలను పొందవచ్చు. ఇందులో రూ. 20,000 నగదు తగ్గింపు, ఎక్స్ఛేంజ్ బోనస్, కార్పొరేట్ తగ్గింపు ఉన్నాయి.
Also Read: దేశంలో ది బెస్ట్ ఎలక్ట్రిక్ కార్లు ఇవే.. సింగిల్ ఛార్జింగ్తో మైలేజ్ 300 కీ.మీ పై మాటే!
Tata Tigor (టాటా టిగోర్)
టాటా టిగోర్పై రూ.55,000 వరకు తగ్గింపు లభిస్తుంది. Tigor XZ+, XM మోడల్స్లో రూ. 40,000 నగదు తగ్గింపు, రూ. 10,000 ఎక్స్ఛేంజ్ బోనస్, రూ. 5,000 కార్పొరేట్ ప్రయోజనం వంటివి ఉన్నాయి. మిగిలిన వేరియంట్లపై రూ.30,000 వరకు తగ్గింపు ఉంది. Tigor CNG వేరియంట్పై రూ. 30,000 నగదు తగ్గింపు, రూ. 10,000 ఎక్స్చేంజ్ బోనస్ను పొందుతారు.
Tata Nexon (టాటా నెక్సాన్)
Nexon SUV డీజిల్ మోడల్పై రూ. 20,000 తగ్గింపు అందుబాటులో ఉంది. అందులో రూ. 15,000 నగదు తగ్గింపు, రూ.5,000 కార్పొరేట్ తగ్గింపు ఉన్నాయి. అదే సమయంలో పెట్రోల్ వేరియంట్లపై రూ. 10,000 నగదు తగ్గింపు, రూ.5,000 కార్పొరేట్ తగ్గింపు అందుబాటులో ఉంది.
ఈ వాహనంపై ఎలాంటి ఎక్స్ఛేంజ్ బోనస్ లేదు. టాటా పంచ్పై కేవలం రూ.3,000 మాత్రమే కార్పొరేట్ డిస్కౌంట్ ఉంది. కొన్ని డీలర్షిప్లు హారియర్, సఫారీ SUVలపై రూ. 75,000 వరకు నగదు తగ్గింపు, రూ. 50,000 ఎక్స్ఛేంజ్ బోనస్ను అందిస్తున్నాయి. అయితే ఈ తగ్గింపు వాహనం మోడల్, కలర్ మొదలైన వాటిపై ఆధారపడి ఉంటుంది. అయితే ఇందులో ఎటువంటి సందేహాలున్నా.. సరైన సమాచారం కోసం మీ సమీప డీలర్షిప్ను సంప్రదించండి.
Share
RGV: తెలంగాణ సీఎంతో వివాదాస్పద దర్శకుడు భేటీ.. కారణం ఏంటో.. ?
News SPs appointed: ఏపీలో ఆ 3 జిల్లాలకు కొత్త పోలీస్ బాస్లు..
