EV Subsidy Scheme: తెలంగాణ ప్రభుత్వం నిరుద్యోగ యువతకు 90 శాతం సబ్సిడీతో ఎలక్ట్రిక్ వెహికల్స్ అందిస్తోంది. ఎస్సీ యువతకు స్వయం ఉపాధి కల్పించే లక్ష్యంలో భాగంగా హైదరాబాద్ కలెక్టరేట్ తాజాగా ఓ ప్రకటన విడుదల చేసింది. 2025-26 ఆర్థిక సంవత్సరానికి సంబంధించి ఎలక్ట్రిక్ వాహనాల కొనుగోలుపై 90 శాతం సబ్సిడీని ప్రకటించింది. దీనికి సంబంధించిన పూర్తి వివరాలు ఇలా ఉన్నాయి.
స్వయం ఉపాధితో పాటు, ఎకో ఫ్రెండ్లీ ట్రాన్స్ పోర్టులో భాగంగా.. హైదరాబాద్ జిల్లాలోని ఎస్సీ యువతకు ఎలక్ట్రిక్ టూ వీలర్స్, త్రీ వీలర్స్ ను 90 శాతం సబ్సిడీతో అందిస్తుంది. అర్హులైన ఎస్సీ అభ్యర్థులు అధికారిక వెబ్ సైట్ ( https://tsobmms.cgg.gov.in) లో దరఖాస్తు చేసుకోవచ్చు. దరఖాస్తుకు Caste Certificate, Income Certificate ఉండాలి. ప్రభుత్వ నిబంధనల మేరకు ఆదాయం ఉండాలి. రేషన్ కార్డు, డ్రైవింగ్ లైసెన్స్ కలిగి ఉండాలి. దరఖాస్తు ప్రక్రియ మార్చి 17 నుంచి ప్రారంభం అయింది.
అర్హులైన ఎస్సీ అభ్యర్థులు ఈ అవకాశాన్ని సద్వినియోగం చేసుకోవాలని హైదరాబాద్ కలెక్టర్ హరిచందన తెలిపారు. ఎలక్ట్రిక్ వెహికల్ సబ్సిడీకి దరఖాస్తు చేసేటప్పుడు ఎటువంటి తప్పులు లేకుండా సరైన పత్రాలను అప్లైడ్ చేయాలని సూచించారు. మార్చి 24లోపు దరఖాస్తు చేసుకోవాలని కోరారు. ఈ స్కీమ్ లో ఎలక్ట్రిక్ టూ వీలర్స్, ఈవీ త్రీ వీలర్స్, ఎలక్ట్రిక్ పాసెంజర్ ఆటోలు, ఎలక్ట్రిక్ కమర్షియల్ ఆటోలను అందిస్తున్నారు.
1. అధికారిక వెబ్ సైట్ https://tsobmms.cgg.gov.in పై క్లిక్ చేయండి.
2. ఆ తర్వాత ‘ఎకనామిక్ సపోర్ట్ స్కీమ్ రిజిస్ట్రేషన్ ఫామ్ (ఎస్సీ కార్పొరేషన్)’ లింక్ పై క్లిక్ చేయండి.
3. ఆ తర్వాత ఎస్సీ కార్పొరేషన్ రిజిస్ట్రేషన్ లింక్ పై క్లిక్ చేయండి.
4. రిజిస్ట్రేషన్ పేజీలో ఆధార్ ప్రకారం లబ్దిదారుడి పేరు, ఆధార్ నెంబర్, రేషన్ కార్డు నెంబర్ ఎంటర్ చేయాలి.
5. బెనిఫిషియరీ టైప్ లో Individual, సెక్టార్ టైప్ లో ట్రాన్స్ పోర్ట్ సెక్టార్ అని సెలెక్ట్ చేయాలి.
6. ఆ తర్వాత స్కీమ్ లో ఎలక్ట్రిక్ వెహికల్ టైప్ ను సెలెక్ట్ చేసుకోవాలి.
7. ఆ తర్వాత జిల్లా, మండలం, పంచాయతీ వివరాలు నమోదు చేయాలి.
8. బ్యాంకు, లబ్దిదారుడి వివరాలను నమోదు చేయాలి.
9. లబ్దిదారుడి ఫొటో, పాన్ కార్డు, డ్రైవింగ్ లైసెన్స్ అప్లోడ్ చేయాలి.
10. సెల్ఫ్ డిక్లరేషన్ ఇచ్చి, అన్ని వివరాలు సరిచూసి సబ్మిట్ చేయాలి.
Also Read: సిటీలో చదివే విద్యార్థులకు గుడ్ న్యూస్, ముగ్గురు కలిసి ఒక ఎలక్ట్రిక్ స్కూటర్ కొనేయొచ్చు!
Share
Pilot Rohith Reddy: మరో వివాదంలో పైలట్ రోహిత్ రెడ్డి.. ఈసారి రంగంలోకి రెవెన్యూ అధికారులు!
iPhone Water Eject: ఐఫోన్ నీళ్లలో పడిపోయిందా? ఈ సింపుల్ టిప్స్తో ఈజీగా క్లీన్ చేయండి
