Condoms Sales: ఈ ఏడాది ‘వాలెంటైన్స్ డే’ ను ప్రేమికులు ఎంతో ఆనందంగా గడుపుకున్నారు. వాలెంటైన్స్ వీక్ లో దేశవ్యాప్తంగా ఆన్లైన్ షాపింగ్ జోరుగా సాగింది. పూలు, చాక్లెట్లు, ఫుడ్ ఆర్డర్స్ తో పాటు కండోమ్లకు భారీ డిమాండ్ కనిపించింది. క్విక్ కామర్స్ సంస్థలు స్విగ్గీ, ఇన్ స్టామార్ట్ తాజా నివేదిక ప్రకారం.. గత ఏడాదితో పోలిస్తే ఈ సారి వాలెంటైన్స్ వారంలో అమ్మకాలు పెరిగాయి.
ఇన్స్టామార్ట్ నివేదిక ప్రకారం, గత సంవత్సరం కంటే ఈసారి మూడు రెట్లు ఎక్కువగా కండోములను ఆర్డర్ చేశారు. ఫిబ్రవరి 7 నుంచి 14 వరకు.. రికార్డు స్థాయిలో కండోమ్ ఆర్డర్లు వచ్చాయి. 2025తో పోలిస్తే ఈ ఏడాది ఎక్కువ ఆర్డర్లు నమోదయ్యాయి. మొత్తం గిఫ్ట్ ఆర్డర్లలో బెంగళూరు టాప్ లో నిలవగా, దిల్లీ, ముంబై, హైదరాబాద్, చెన్నై ఆ తరువాతి స్థానాల్లో నిలిచాయి. ఫిబ్రవరి 14న ఒక్కరోజే.. నిమిషానికి 1,042 ఆర్డర్లు వచ్చాయని నివేదిక చెబుతోంది. హార్ట్ షేప్ చాక్లెట్ల కోసం ఎక్కువగా సెర్చ్ చేశారు. సిల్క్, డార్క్, నట్టి, ఫ్రూటీ వేరియంట్లకు ఎక్కువ ఆర్డర్లు వచ్చాయి.
వాలెంటైన్స్ డే అంటే కేవలం గిఫ్ట్ లు ఇచ్చిపుచ్చుకునే సమయం మాత్రమే కాదు. జంటల మధ్య సాన్నిహిత్యాన్ని పెంచుకుని తమ ఆనందాన్ని వ్యక్త పరిచే సందర్భంగా మారింది. కండోమ్ లతో పాటు బ్యూటీ విభాగంలో కూడా ఆర్డర్ల సంఖ్య పెరిగింది. వాలెంటైన్స్ డే కార్ట్లో బాత్, బాడీ, మేకప్ వస్తువులు ఎక్కువగా ఉన్నాయని నివేదిక పేర్కొంది.
కటక్లోని ఒక కస్టమర్ ఒకే ఆర్డర్లో మేకప్ కోసం రూ.15,093 ఖర్చు చేయగా, సూరత్లోని ఒక షాపు నుంచి రూ.10,845 విలువైన ఆర్డర్ వచ్చింది. అందులో జుట్టు సంరక్షణ, బాత్, శరీరానికి అవసరమైన వస్తువులు ఉన్నాయి.
Also Read: కపుల్ షో.. మరీ ఇంతగా దిగజారిపోతున్నారేంటిరా?
కోల్కతాలో ఒక వ్యక్తి రూ.25,000 విలువైన చాక్లెట్లను ఆర్డర్ పెట్టారు. టెడ్డీ డే నాడు ముద్దుగా మృదువైన బొమ్మల అమ్మకాలు 568% పెరిగాయి. ఫిబ్రవరి 14న, ఇన్స్టామార్ట్ ప్రతి రెండో ఆర్డర్ను “ఆర్డర్ ఫర్ అదర్స్”గా ఉంచారు. ఇది దేశంలో ప్రేమికుల దినోత్సవానికి లభిస్తున్న ఆదరణకు సంకేతం. వాలెంటైన్స్ డే కార్డుల విషయానికి వస్తే దిల్లీ, ముంబై, హైదరాబాద్, చెన్నైల నుండి వచ్చిన ఆర్డర్లను బెంగళూరు అధిగమించింది.
Share
Medak Collector: మెదక్ కలెక్టరుకు ఆరు నెలల జైలు శిక్ష.. రూ.2వేల జరిమానా, హైకోర్టు సంచలన తీర్పు
Sourav Ganguly: 85 శాతం కంటి చూపు కోల్పోయిన పాకిస్తాన్ క్రికెటర్..రంగంలోకి టీమిండియా ప్లేయర్లు, 14 మంది సంచలన లేఖ
