పురుషులలో టెస్టోస్టెరాన్ హార్మోన్ చాలా కీలక పాత్ర పోషిస్తుంది. మానసిక స్థితిని మెరుగుపరచడం మొదలుకొని ఎములను ఆరోగ్యంగా ఉంచడం వరకు సాయపడుతుంది. రకరకాల కారణాలతో టెస్టోస్టెరాన్ ఉత్పత్తి తగ్గిపోతుంది. ఈ కారణంగా పలు ఆరోగ్య సమస్యలు ఎదురవుతున్నాయి. అయితే, కొన్ని జాగ్రత్తలు తీసుకోవడం వల్ల టెస్టోస్టెరాన్ పెంచుకోవచ్చు. ఇంతకీ అవేంటంటే..
టెస్టోస్టెరాన్ ఎందుకు తగ్గుతుందంటే?
❂ వృద్ధాప్యం
పురుషులో వయసు పెరగడం కారణంగా సహజంగానే టెస్టోస్టెరాన్ ఉత్పత్తి తగ్గుతుంది. 30 ఏండ్ల తర్వాత టెస్టోస్టెరాన్ సంవత్సరానికి సుమారు 1% తగ్గుతుంది.
❂ ఊబకాయం
ఊబకాయం కూడా పురుషులలో తక్కువ టెస్టోస్టెరాన్ ఉత్పత్తికి కారణం అవుతుంది.
❂ దీర్ఘకాలిక అనారోగ్యం
దీర్ఘకాలిక అనారోగ్యం ఉన్నవారిలోనూ టెస్టోస్టెరాన్ ఉత్పత్తి తగ్గుతోంది. ఓపియాయిడ్లు, గ్లూకోకార్టికాయిడ్లు, కెమోథెరపీ మందులు తీసుకోవడం వల్ల టెస్టోస్టెరాన్ ఉత్పత్తి తగ్గుతుంది.
❂ ఒత్తిడి
దీర్ఘకాలిక ఒత్తిడి పురుషులలో తక్కువ టెస్టోస్టెరాన్ ఉత్పత్తికి కారణం అవుతుంది.
టెస్టోస్టెరాన్ పెంచడానికి సహజ మార్గాలు
❂ క్రమం తప్పని వ్యాయామం
క్రమం తప్పకుండా వ్యాయామం చేయడం వల్ల టెస్టోస్టెరాన్ ఉత్పత్తి పెరిగే అవకాశం ఉంటుంది.
❂ తగినంత నిద్ర
టెస్టోస్టెరాన్ ఉత్పత్తి చేయడానికి శరీరానికి తగినంత నిద్ర అవసరం. రాత్రిపూట ఏడు నుంచి ఎనిమిది గంటలు నిద్రపోయే వారిలో ఈ హార్మోన్ ఉత్పత్తి ఎక్కువగా ఉంటుంది.
❂ ఒత్తిడి కంట్రోల్
ఒత్తిడి టెస్టోస్టెరాన్ ఉత్పత్తిపై ప్రతికూల ప్రభావాన్ని చూపుతుంది. ధ్యానం, దీర్ఘ శ్వాస, ఇతర ఒత్తిడి తగ్గింపు మార్గాలు టెస్టోస్టెరాన్ ను పెంచేందుకు సాయపడుతాయి.
❂ సమతుల్య ఆహారం
ప్రోటీన్, హెల్తీ ఫ్యాట్స్, తృణధాన్యాలతో కూడిన సమతుల్య ఆహారం టెస్టోస్టెరాన్ ఉత్పత్తిని పెంచుతుంది. అధిక కొవ్వు, తక్కువ కార్బోహైడ్రేట్స్ కూడిన ఫుడ్స్ టెస్టోస్టెరాన్ స్థాయిలను పెంచుతాయి.
❂ సహజ సప్లిమెంట్లు
విటమిన్ డి, జింక్, మెగ్నీషియం లాంటి సహజ పదార్ధాలు టెస్టోస్టెరాన్ ఉత్పత్తికి తోడ్పడతాయి.
❂ఆల్కహాల్ మానుకోండి
ఆల్కహాల్, డ్రగ్స్ వాడకం టెస్టోస్టెరాన్ ఉత్పత్తిపై ప్రతికూల ప్రభావాలను కలిగిస్తాయి. అధికంగా ఆల్కహాల్ తీసుకోవడం వల్ల టెస్టోస్టెరాన్ స్థాయిలు తగ్గుతాయి. వీలైనంత వరకు వాటిని మానుకోవాలి.
టెస్టోస్టెరాన్ పెరగడం వల్ల కలిగే లాభాలు
❂ మెరుగైన లైంగిక సామరథ్యం
పురుషులలో లైంగిక సామర్థ్యాన్ని పెంచడంలో టెస్టోస్టెరాన్ కీలకపాత్ర పోషిస్తుంది. టెస్టోస్టెరాన్ తక్కువ అయితే లిబిడో, అంగస్తంభన సమస్యలు కలుగతాయి.
❂ బలమైన కండరాలు
టెస్టోస్టెరాన్ కండరాలను ఆరోగ్యంగా, బలంగా మార్చుతుంది. టెస్టోస్టెరాన్ రీప్లేస్‌మెంట్ థెరపీ కండర బలాన్ని పెంచుతుంది.
❂ ఎముకల ఆరోగ్యం
ఎముకలను ఆరోగ్యంగా ఉంచడంలో టెస్టోస్టెరాన్ కీలకపాత్ర పోషిస్తుంది. ఎముక సాంద్రతను పెంచడంతో పాటు బోలు ఎముకల వ్యాధి ముప్పును తగ్గిస్తుంది.
❂ మెరుగైన మానసిక స్థితి
టెస్టోస్టెరాన్ పురుషులలో మానసిక స్థితిని మెరుగుపరచడంలో కీలకపాత్ర పోషిస్తుంది.
❂శక్తి పెరుగుదల
టెస్టోస్టెరాన్ ఎక్కువగా ఉత్పత్తి కావడం వల్ల శరీరంలో శక్తి పెరుగుతుంది.
Read Also: మధ్యాహ్నం ఆ పని చేస్తే పేగు క్యాన్సర్ రాదా? లేటెస్ట్ స్టడీలో షాకింగ్ విషయాలు వెల్లడి!
Share
Happy Birthday Krish: బర్త్డే రోజే ఓ ఇంటివాడు కాబోతున్న క్రిష్.. ఈ ట్విస్ట్ ఉహించలేదుగా..?
Mancherial: మంచిర్యాల‌లో దారుణం.. పెళ్లైన మ‌హిళ‌తో పారిపోయిన కొడుకు.. తండ్రిని హ‌త్య చేసిన భ‌ర్త!
