Immunity Boosting Foods for Kids: వర్షాకాలంలో పిల్లలకు రోగనిరోధక శక్తిని పెంచే ఆహారాలు ఇవే..!

Immunity Boosting Foods for Kids: వర్షాకాలం వచ్చిందంటే చాలు పిల్లల పట్ల చాలా రకాల జాగ్రత్తలు పాటించాల్సి ఉంటుంది. ముఖ్యంగా వైరస్, అంటు వ్యాధులు సోకుతాయి కాబట్టి తరచూ సరైన ఆహారం ఇస్తూ ఉండాలి. దీని వల్ల ఎటువంటి వ్యాధులు సోకినా కూడా పిల్లలు ఆరోగ్యంగా ఉండగలుగుతారు. ముఖ్యంగా శరీరంలోని రోగనిరోధక శక్తి పెరుగుదలకు ఉపయోగపడే ఆహారం ఇవ్వడం వల్ల అనేక సీజనల్ వ్యాధులు, ఇన్ఫెక్షన్ల నుండి రక్షించవచ్చు. ఎందుకంటే చెడు వైరస్ లతో రోగనిరోధక శక్తి పోరాడి ఆరోగ్యంగా ఉండేలా చేస్తుంది.

అందువల్ల మంచి సమతుల, ఆరోగ్యకరమైన ఆహారాన్ని పిల్లలకు అందించాలి. ముఖ్యంగా యాంటీ ఆక్సిడెంట్లు, విటమన్లు, ఖనిజాలు, ప్రోటీన్లు ఎక్కువగా ఉండే ఆహారం ఇవ్వడం వల్ల ప్రయోజనాలు ఉంటాయి. మరోవైపు చాలా మందికి తెలియని మరికొన్ని ఆహారపదార్థాల వల్ల కూడా పిల్లలు ఆరోగ్యంగా ఉంటారని నిపుణులు చెబుతున్నారు. వాటి వివరాలు ఏంటో తెలుసుకుందాం.

1. పసుపు

పసుపులో అద్భుతమైన రోగనిరోధక శక్తి ఉంటుంది. ఇందులో యాంటీ ఇన్ఫ్లమేటరీ, యాంటీ బాక్టీరియల్, యాంటీవైరల్, యాంటీ ఫంగల్ లక్షణాలు పుష్కలంగా ఉంటాయి. అందువల్ల పసుపు శరీరంలోని రోగనిరోధక శక్తిని పెంచే ఉత్తమ ఆహారాలలో ఒకటి అని నిపుణులు సూచిస్తున్నారు. ముఖ్యంగా పసుపులో ఉండే కర్కుమిన్ రోగనిరోధక శక్తిని పెంపొదిస్తుంది.

Also Read: యువతలో గుండె సంబంధింత సమస్యలు.. నివారణ మార్గాలు ఏంటో తెలుసా..?

2. పెరుగు

పెరుగు అంటే చాలా మంది పిల్లలు తినడానికి అసలు ఇష్టపడరు. కానీ పెరుగు శరీరంలో బలమైన రోగనిరోధక వ్యవస్థను నిర్మించడానికి తోడ్పడుతుంది. పెరుగులో ఉండే విటమిన్ B12 రోగనిరోధక శక్తిని పెంచే అద్భుతమైన ఆహారం అని నిపుణులు సూచిస్తున్నారు. ఫ్రెండ్లీ బ్యాక్టీరియా పెరుగుదలను ప్రోత్సహించడం ద్వారా జీర్ణ వ్యవస్థను కూడా సక్రమంగా పనిచేసేలా చేస్తుంది.

3. పుట్టగొడుగు

పుట్టగొడుగుల్లో విటమిన్ డి, పొటాషియం, ఫైబర్, కాపర్, సెలీనియం వంటి అనేక పోషకాలు పుష్కలంగా ఉంటాయి. వీటిని పిల్లలకు అందించడం వల్ల చాలా ఆరోగ్య ప్రయోజనాలు ఉంటాయి.

4. తీపి సున్నం

తీపి సున్నం అంటే సిట్రస్ జాతికి చెందింది. విటమిన్ సి ఉండడం వల్ల ఇది శరీరానికి అద్భుతమైన మూలం అని చెప్పవచ్చు. రోగనిరోధక వ్యవస్థను పెంచడానికి విటమిన్ సి చక్కగా పనిచేస్తుంది.

Also Read: మీ పాదాలలో ఈ 3 లక్షణాలు కనిపిస్తున్నాయా.. అయితే థైరాయిడ్ పెరిగనట్లే

5. బ్రోకలీ

పిల్లల్లో రోగనిరోధక శక్తిని పెంచడానికి బ్రోకలీ బాగా ఉపయోగపడుతుంది. విటమిన్ ఎ, సి, ఇ, కె, ఫైబర్, కాల్షియం, ప్రోటీన్ వంటి పోషకాలు పుష్కలంగా ఉంటాయి.

6. గుడ్డు

పిల్లల్లో రోగనిరోధక వ్యవస్థను పెంచేందుకు గుడ్లు బాగా పనిచేస్తాయి. వీటిలో ఉంటే ప్రోటీన్, అవసరమైన విటమిన్లు, ఖనిజాలు, యాంటీఆక్సిడెంట్లు శరీరానికి అద్భుతంగా తోడ్పడతాయి.

Share

• 
• 
• 
• 
• 
•