Heart Disease in Youth: యువతలో గుండె సంబంధింత సమస్యలు.. నివారణ మార్గాలు ఏంటో తెలుసా..?

Causes and Treatment for Heart Disease in Youth: ఈ రోజుల్లో గుండె జబ్బులు కేవలం వృద్ధులకే పరిమితం కాకుండా యువతలో కూడా వేగంగా పెరుగుతున్నాయి. యువతలో పెరుగుతున్న ఈ గుండె జబ్బులు ఆందోళన రేకెత్తిస్తున్నాయి. అయితే తాజా అధ్యయనాల్లో యువతలో గుండె జబ్బుల ముప్పును పెంచే అనేక అంశాలు ఉన్నాయని, వాటిలో సరైన జీవనశైలి, ఆహారపు అలవాట్లే కారణమే అని తేలింది.

గుండె జబ్బులు ఎందుకు పెరుగుతున్నాయి..?

ప్రతి సంవత్సరం యువతలో స్ట్రోక్ కేసులు పెరుగుతున్నాయని వైద్యులు నివేదికలు విడుదల చేస్తున్నారు. యువకులు తరచుగా జంక్ ఫుడ్, ప్రాసెస్ చేసిన ఆహారాలు , చక్కెర పానీయాలు తీసుకుంటారు. వీటిలో కేలరీలు, కొవ్వు, సోడియం పుష్కలంగా ఉంటాయి. ఇది ఊబకాయం, అధిక కొలెస్ట్రాల్, అధిక రక్తపోటు వంటి సమస్యలకు దారితీస్తుంది. ఇవి గుండె జబ్బులకు ప్రధాన ప్రమాద కారకాలు. ఇది కాకుండా, ధూమపానం, సిగరెట్, ఆల్కహాల్ రక్త నాళాలను దెబ్బతీస్తుంది. గుండె జబ్బులు, రక్తపోటును పెంచుతుంది. ఇది గుండె జబ్బులు, స్ట్రోక్, అనేక గుండె సంబంధిత సమస్యల ప్రమాదాన్ని గణనీయంగా పెంచుతుంది. ఒత్తిడి రక్తపోటు, హృదయ స్పందన రేటును పెంచుతుంది. ఇది గుండెపై భారం పడుతుంది.

యువతలో గుండె జబ్బు లక్షణాలు

ఛాతీ నొప్పి
శ్వాస ఆడకపోవడం
అలసట
తల తిరగడం
గుండె దడ
చీలమండలలో వాపు

Also Read: Breakfast: బరువు పెరుగుతున్నామని బ్రేక్‌ఫాస్ట్ తినడం మానేస్తున్నారా ?

గుండె జబ్బులను నివారించే మార్గాలు

రోజూ వ్యాయామం చేయడం వల్ల శరీరాన్ని అనేక సమస్యల నుంచి కాపాడుకోవచ్చు. ధూమపానం, సిగరెట్, మద్యం సేవించడం మానుకోండి. బయటి ఆహారం తినడం మానుకోవాలి. వైద్యునితో క్రమం తప్పకుండా పరీక్షలు చేయించుకోవడం మంచిది. రక్తపోటు, కొలెస్ట్రాల్, రక్తంలో చక్కెర స్థాయిలను తనిఖీ చేసుకోవాలి.