Yoga Asanas: పిల్లలు త్వరగా ఎత్తు పెరగాలా ? అయితే ఇలా యోగాసనాలు చేయించండి

Yoga Asanas: పిల్లల ఎదుగుదల విషయంలో జన్యువులతో పాటు వారు తీసుకునే ఆహారం, చేసే వ్యాయామం కీలక పాత్ర పోషిస్తాయి. ముఖ్యంగా యోగాసనాలు పిల్లల వెన్నెముకను సాగదీయడానికి.. హార్మోన్ల సమతుల్యతను కాపాడటానికి అంతే కాకుండా శారీరక దృఢత్వాన్ని పెంచడానికి అద్భుతంగా తోడ్పడతాయి. చిన్నప్పటి నుంచే యోగాను అలవాటు చేయడం వల్ల ఎముకలు దృఢంగా మారి, సహజ పద్ధతిలో ఎత్తు పెరగడానికి అవకాశం ఉంటుంది. పిల్లల ఎత్తు పెంచడంలో సహాయపడే 10 ముఖ్యమైన ఆసనాల గురించి తెలుసుకుందాం.

పిల్లల ఎత్తు పెంచే 10 ప్రభావవంతమైన యోగాసనాలు:

యోగా అనేది కేవలం వ్యాయామం మాత్రమే కాదు.. అది శరీరంలోని గ్రంథులను ఉత్తేజితం చేసే ప్రక్రియ. పిల్లలు ఎత్తు పెరగడానికి సహాయపడే ఆసనాలు ఇవే..
1. తాడాసనం:
ఇది ఎత్తు పెరగడానికి అత్యంత ప్రాథమిక, ముఖ్యమైన ఆసనం. నిటారుగా నిలబడి, చేతులను పైకి చాచి, పాదాల వేళ్లపై శరీరాన్ని పైకి లాగడం వల్ల వెన్నెముక, కాళ్ళ కండరాలు బాగా సాగుతాయి.

2. వృక్షాసనం:
ఒక కాలిపై నిలబడి చేసే ఈ ఆసనం శరీర సమతుల్యతను పెంచుతుంది. ఇది పిక్కలు, తొడల కండరాలను బలోపేతం చేయడమే కాకుండా ఎముకల పెరుగుదలకు దోహదపడుతుంది.

3. భుజంగాసనం:
బోర్లా పడుకుని ఛాతి భాగాన్ని పైకి ఎత్తడం వల్ల వెన్నెముక వెనక్కి వంగుతుంది. ఇది జీర్ణక్రియను మెరుగుపరచడమే కాకుండా.. శరీర పైభాగాన్ని సాగదీసి ఎత్తు పెరగడానికి సహాయ పడుతుంది.

4. పశ్చిమోత్తాసనం:
కూర్చుని కాళ్లను చాచి, చేతులతో పాదాలను తాకడం వల్ల వెన్నెముక, మోకాళ్ల వెనుక భాగం సాగుతాయి. ఇది వెన్నెముకలోని వశ్యతను పెంచుతుంది.

Also Read: 30 రోజులు ఖాళీ కడుపుతో.. గోరు వెచ్చటి నీరు తాగితే నమ్మలేనన్ని లాభాలు !

5. సర్వాంగాసనం:
శరీరాన్ని తలకిందులుగా భుజాలపై నిలబెట్టే ఈ ఆసనం థైరాయిడ్ గ్రంథిని ఉత్తేజితం చేస్తుంది. ఎత్తు పెరగడానికి కారణమయ్యే గ్రోత్ హార్మోన్ల విడుదలకు ఇది చాలా ముఖ్యం.

6. హలాసనం:
వెల్లకిలా పడుకుని కాళ్లను తల వెనుకకు భూమికి తాకించడం వల్ల వెన్నెముక గొలుసులా సాగుతుంది. ఇది రక్త ప్రసరణను మెరుగుపరుస్తుంది.

7. త్రికోణాసనం:
కాళ్ల మధ్య దూరం ఉంచి పక్కకు వంగడం వల్ల నడుము, కాళ్లు, చేతుల కండరాలు బలోపేతం అవుతాయి. ఇది శరీర ఆకృతిని మెరుగుపరుస్తుంది.