Baby Suffered Heart Attack: యూకేలోని బర్మింగ్‌హామ్‌లో 13 నెలల చిన్నారి జీవితాన్నే మార్చే విషాదకర ఘటన చోటుచేసుకుంది. చిన్నారి.. ఇంట్లో నేలపై ఉంచిన తెల్లటి డ్రెయిన్ క్లీనర్ బాటిల్‌ను పొరపాటున పాలు అనుకుని తాగడంతో తీవ్ర అస్వస్థతకు గురయ్యాడు. డాక్టర్లు అతడి నాలుకను తీసి వేయాల్సి వచ్చింది.
చిన్నారి తండ్రి నదీన్ అల్షామెరి ఓ నేషనల్ పత్రికకు పూర్తి విషయాన్ని వెల్లడించారు. వివరాల్లోకి వెళితే.. తల్లి బాత్రూమ్‌ను శుభ్రం చేస్తుండగా.. పసివాడు బాత్రూంలోకి వెళ్లి అక్కడున్న తెల్లటి డ్రెయిన్ క్లీనర్ బాటిల్‌ను తీసుకున్నాడు. “ఆ బాటిల్‌ను చూసి అతను పాలు అనుకున్నాడు” అని నదీన్ తెలిపారు. అంతే కాకుండా “ఏం జరిగిందో మాకు తెలిసే సమయానికి.. అదంతా శరీరానికి వ్యాపించింది” అంటూ ఆ భయంకరమైన క్షణాన్ని గుర్తు చేసుకున్నారు.
గుండెపోటుతో పోరాటం:
డ్రెయిన్ క్లీనర్ తాగడం వల్ల పిల్లాడి పెదవులు, నోరు, నాలుక, వాయునాళం తీవ్రంగా కాలిపోయాయి. దీని ఫలితంగా అంతర్గతంగా తీవ్ర గాయాలు అయ్యాయి. చిన్నారిని వెంటనే సమీపంగా ఉన్న పిల్లల ఆసుపత్రికి తరలించారు. అక్కడ అత్యంత భయంకరమైన సంఘటన ఎదురైంది.
“చిన్నారికి గుండెపై డ్రెయిన్ క్లీనర్ తీవ్ర ప్రభావం పడింది.” అని నదీన్ గుర్తు చేసుకున్నారు. డాక్టర్లు ఇంటెన్సివ్ కేర్‌కు తరలించి చికిత్స అందించారని. ఆ క్షణం నేను ఎప్పటికీ మర్చిపోలేను,” అని కన్నీళ్లు పెట్టుకున్నారు.
శాశ్వత నష్టం, చికిత్స:
ఈ ప్రమాదం సామ్‌కు శాశ్వత నష్టాన్ని మిగిల్చింది. డ్రెయిన్ క్లీనర్ వల్ల చిన్నారి నోరు క్రమంగా మూసుకుపోవడం ప్రారంభమైంది. ఆహారం లేదా డ్రింక్స్ ఏవీ మింగకుండా చిన్న రంధ్రం మాత్రమే మిగిలి ఉంది. దీని కారణంగా.. డాక్టర్లు అతడి ముక్కు ద్వారా వచ్చే ఫీడింగ్ ట్యూబ్‌ను తొలగించి.. కడుపులోకి శాశ్వత ట్యూబ్‌ను అమర్చారు. చిన్నారి నోరు, నాలుక కాలిపోవడం వల్ల ఎప్పటికీ అతడు మాట్లాడలేడు.
కొంతమంది డాక్టర్లు సామ్‌కు శస్త్రచికిత్స సాధ్యమని చెప్పగా.. మరికొందరు గాయాల ఎక్కువగా ఉండటం వల్ల అతడు ఇక ముందు మాట్లాడే అవకాశం అస్సలు లేదని చెబుతున్నారు. విదేశాల్లో చికిత్స చేయించడానికి తగినంత డబ్బు లేకపోవడంతో కూడా ఈ నిస్సహాయ కుటుంబం తమ బిడ్డ ట్రీట్ మెంట్ కోసం గోఫండ్‌మీ (GoFundMe) ప్రచారాన్ని ప్రారంభించింది.
Share
Andhra King Taluka: నాపైన ఆ అభిమాని పుస్తకం రాశాడు, పదేళ్లు నాతో మాట్లాడలేదు
Nara Bhuvaneshwari: చంపేస్తామని బెదిరిస్తున్నారు.. నారా భువనేశ్వరి సంచలన వ్యాఖ్యలు
