Friendship: స్నేహం అనేది జీవితంలో అత్యంత మధురమైన బంధం. కానీ.. కొన్నిసార్లు మనకు తెలియకుండానే ఆ బంధం మనల్ని మానసిక ఒత్తిడికి గురి చేస్తుంది. బయటకు అంతా బాగున్నట్లు అనిపించినా.. లోలోపల ఆ స్నేహం విషపూరితం కావచ్చు. సైకాలజీ ప్రకారం.. మీ స్నేహం ప్రమాదకరంగా మారిందని చెప్పే 3 ముఖ్యమైన రహస్య సంకేతాలు, తీసుకోవాల్సిన జాగ్రత్తలను గురించిన పూర్తి వివరాలను ఇప్పుడు తెలుసుకుందాం.
1. సమస్యలు :
సాధారణంగా మంచి స్నేహితులను కలిసినప్పుడు మనం ఉత్సాహంగా.. సంతోషంగా ఫీల్ అవుతాము. కానీ.. మీ స్నేహితుడిని కలిసిన తర్వాత లేదా వారితో మాట్లాడిన తర్వాత మీరు మానసికంగా అలసిపోయినట్లు అనిపిస్తుందా?
నిరంతర విమర్శలు: వారు మిమ్మల్ని నేరుగా కాకుండా.. జోకుల రూపంలో లేదా చిన్నచూపు చూస్తూ విమర్శించడం వంటివి చేయవచ్చు.
నెగటివిటీ: ఎప్పుడూ తమ కష్టాల గురించి లేదా ఇతరుల గురించి ఫిర్యాదులు చేస్తూ, మీలోని సానుకూలతను పొగొడతారు.
భావోద్వేగ భారతం: మాటలు ముగిశాక మీకు ఏదో తెలియని వెలితి లేదా ఒత్తిడి కలిగితే.. అది ఆ స్నేహం టాక్సిక్గా మారిందనడానికి మొదటి గుర్తు.
2. “వాకింగ్ ఆన్ ఎగ్షెల్స్” :
మీరు వారి ముందు ఏదైనా మాట్లాడాలన్నా.. ప్రవర్తించాలన్నా భయపడటం. వారు ఎక్కడ కోప్పడతారో.. ఎక్కడ ఫీలవుతారో అని మీరు మీ నిజమైన వ్యక్తిత్వాన్ని దాచుకోవడం వంటివి చేస్తారు.
అభద్రతా భావం: మీరు ఒక మంచి వార్త చెప్పినప్పుడు వారు మనస్ఫూర్తిగా సంతోషించరని మీకు ముందే అనిపిస్తుంది.
రియాక్షన్ పట్ల భయం: చిన్న విషయాన్ని కూడా వారు పెద్దది చేసి గొడవ పడతారనే భయంతో మీరు చాలా విషయాలను దాచిపెడుతుంటారు.
నిజాయితీ లోపించడం: స్నేహంలో పారదర్శకత ఉండాలి. కానీ.. మీరు ప్రతి మాటను వందసార్లు ఆలోచించి మాట్లాడుతున్నారంటే.. ఆ బంధంలో స్వచ్ఛత తగ్గిందని అర్థం.
3. అసమతుల్యత:
స్నేహం అనేది “ఇవ్వడం, తీసుకోవడం” అనే సూత్రంపై ఆధారపడి ఉంటుంది. కానీ టాక్సిక్ స్నేహాల్లో ఇది కేవలం ఒకవైపు మాత్రమే ఉంటుంది.
నేను.. నా.. నాకే..: వారు కలిసినప్పుడు కేవలం వారి సమస్యలు, వారి విజయాలు, వారి కథల గురించే మాట్లాడుతుంటారు. మీకు మాట్లాడే అవకాశం ఇవ్వరు, ఒకవేళ మీరు చెప్పినా దాన్ని త్వరగా ముగించేసి మళ్లీ వారి టాపిక్లోకి వెళ్తారు.
అవసరానికి మాత్రమే: వారికి అవసరం ఉన్నప్పుడు మీకు పదుల సంఖ్యలో కాల్స్ చేస్తారు. కానీ మీకు ఒక చిన్న సహాయం లేదా మానసిక మద్దతు కావాల్సి వచ్చినప్పుడు వారు అందుబాటులో ఉండరు.
సరిహద్దుల ఉల్లంఘన : మీ వ్యక్తిగత సమయాన్ని లేదా నిర్ణయాలను వారు గౌరవించరు. వారి ఇష్టానుసారమే అన్నీ జరగాలని కోరుకుంటారు.
పైన చెప్పిన లక్షణాలు మీ స్నేహితుడిలో కనిపిస్తున్నాయా ? అయితే ఒక సారి ఆలోచించండి. స్నేహం అంటే మనల్ని మనం మెరుగు పరుచుకునేలా ఉండాలి కానీ.. మన ఆత్మ విశ్వాసాన్ని దెబ్బతీసేలా ఉండకూడదు. టాక్సిక్ స్నేహాల నుంచి బయట పడటం ప్రారంభంలో కష్టంగా అనిపించినా.. మీ మానసిక ఆరోగ్యానికి అది చాలా అవసరం.
Share
Year Ender 2025 : డెమోన్ స్లేయర్ నుంచి నరుటో వరకు... ఓటీటీలో 2025లో తుక్కురేగ్గొట్టిన యానిమే సిరీసులు ఇవే
Bus Accident: ఘోర రోడ్డు ప్రమాదం.. లారీని ఢీ కొన్న ట్రావెల్ బస్సు, 17 మంది సజీవ దహనం, మరికొందరి
