Gut Health: పొట్ట అనారోగ్యంగా ఉందా ? ఈ లక్షణాలను గుర్తించండి

Gut Health: మన శరీరం ఒక అద్భుతమైన యంత్రం. లోపల ఏదైనా సమస్య ఉంటే.. అది బయటకు సంకేతాల రూపంలో తెలియజేస్తుంది. ముఖ్యంగా ‘గట్ హెల్త్’ లేదా పేగుల ఆరోగ్యం మొత్తం శరీర పని తీరుపై ప్రభావం చూపుతుంది. గట్ కేవలం ఆహారాన్ని జీర్ణం చేయడమే కాకుండా.. రోగ నిరోధక శక్తిని పెంపొందించడంలో.. మెదడు పనితీరులో కూడా కీలక పాత్ర పోషిస్తుంది. జీర్ణవ్యవస్థలో బ్యాక్టీరియా సమతుల్యత దెబ్బతిన్నప్పుడు.. శరీరం కొన్ని ముఖ్యమైన హెచ్చరికలను పంపుతుంది. ఆ 5 లక్షణాలు ఏమిటో ఇప్పుడు వివరంగా తెలుసుకుందాం.

1. నిరంతర జీర్ణ సమస్యలు:
కడుపు ఉబ్బరం , గ్యాస్, మలబద్ధకం లేదా విరేచనాలు వంటివి మీ గట్ ఆరోగ్యంగా లేదని చెప్పే ప్రాథమిక సంకేతాలు. మనం తిన్న ఆహారాన్ని ప్రాసెస్ చేయడంలో, వ్యర్థాలను తొలగించడంలో పేగులు ఇబ్బంది పడుతున్నప్పుడు ఈ లక్షణాలు కనిపిస్తాయి. ముఖ్యంగా భోజనం చేసిన ప్రతిసారీ కడుపు భారంగా అనిపించడం నిర్లక్ష్యం చేయకూడని విషయం.

2. చక్కెర పదార్ధాలపై విపరీతమైన కోరిక:
మీకు స్వీట్లు లేదా చక్కెర ఎక్కువగా ఉండే పదార్థాలు తినాలని పదేపదే అనిపిస్తుందా ? అయితే మీ ప్రేగులలో ‘చెడు బ్యాక్టీరియా’ పెరిగిందని అర్థం. ఈ బ్యాక్టీరియా మనుగడ సాగించడానికి చక్కెర అవసరం. అందుకే అది మీ మెదడును ప్రేరేపించి మీతో తీపి పదార్థాలు తినిపించేలా చేస్తుంది. ఇది పెరిగేకొద్దీ గట్ ఇన్ఫ్లమేషన్ (మంట) కు దారితీస్తుంది.

3. వివరించలేని బరువు మార్పులు :
ఆహారపు అలవాట్లు లేదా వ్యాయామంలో మార్పులు చేయకపోయినా బరువు తగ్గడం లేదా పెరగడం గట్ సమస్యలకు సంకేతం. ప్రేగులలో బ్యాక్టీరియా సమతుల్యత లేకపోతే.. శరీరం పోషకాలను గ్రహించే సామర్థ్యాన్ని కోల్పోతుంది. దీని వల్ల రక్తంలో చక్కెర స్థాయిలు మారడం లేదా కొవ్వు నిల్వలు పెరగడం జరుగుతుంది.

4. నిద్రలేమి, నిరంతర అలసట :
మన శరీరంలోని ‘సెరోటోనిన్’ ( – నిద్ర, మూడ్‌ని నియంత్రించే హార్మోన్) లో అధిక భాగం పేగులలోనే ఉత్పత్తి అవుతుంది. గట్ దెబ్బతిన్నప్పుడు.. నిద్ర సరిగ్గా పట్టదు. దీనివల్ల రోజంతా అలసటగా ఉండటం, ఏ పని మీద ఏకాగ్రత కుదరకపోవడం వంటి సమస్యలు ఎదురవుతాయి.

Also Read: రక్తహీనతకు చెక్ పెట్టాలంటే.. రోజూ ఈ 5 ఎండుద్రాక్షలు చాలు!

5. చర్మ సమస్యలు :
చర్మం మన అంతర్గత ఆరోగ్యానికి అద్దం పడుతుంది. మొటిమలు, ఎగ్జిమా లేదా చర్మంపై దద్దుర్లు రావడం గట్ ఇన్ఫ్లమేషన్‌కు సంకేతం కావచ్చు. పేగులలో ఉండే ‘లీకీ గట్’ వల్ల కొన్ని ప్రోటీన్లు రక్తంలోకి చేరి చర్మాన్ని ప్రభావితం చేస్తాయి. క్రీములు వాడినా తగ్గని చర్మ సమస్యలకు మూలం మీ కడుపులోనే ఉండవచ్చు. తగినంత నీరు త్రాగడం, ఫైబర్ అధికంగా ఉండే ఆహారం తీసుకోవడం, ప్రోబయోటిక్స్ (పెరుగు వంటివి) తీసుకోవడం ద్వారా మీ గట్ ఆరోగ్యాన్ని మెరుగుపరుచుకోవచ్చు.

Join WhatsApp Channel

Share

• 
• 
• 
• 
• 
•