Diabetes Symptoms: చర్మం నల్లబడటం, దద్దుర్లు వస్తున్నాయా? అది డయాబెటిస్ కావొచ్చు!

Diabetes Symptoms: చాలా మంది డయాబెటిస్ అనగానే కేవలం అలసట, అధిక దాహం లేదా తరచుగా యూరిన్ వెళ్లడం వంటి లక్షణాలనే అనుకుంటారు. కానీ, మన శరీరంలో అతిపెద్ద అవయవమైన చర్మం, రక్తంలో చక్కెర స్థాయిల పెరుగుదల గురించి ముందే హెచ్చరిస్తుంది. రక్తంలో గ్లూకోజ్ స్థాయిలు అదుపు తప్పినప్పుడు, అది రక్త ప్రసరణ, నరాల వ్యవస్థపై ప్రభావం చూపుతుంది. ఫలితంగా చర్మంపై వివిధ రకాల మార్పులు కనిపిస్తాయి. ఈ లక్షణాలను ముందుగానే గుర్తించడం వల్ల మధుమేహాన్ని సమర్థవంతంగా నిర్వహించడమే కాకుండా.. ఇతర ఆరోగ్య సమస్యల నుంచి మనల్ని మనం కాపాడుకోవచ్చు.

అదుపు లేని రక్త చక్కెరను సూచించే 7 చర్మ లక్షణాలు:

రక్తంలో చక్కెర స్థాయిలు దీర్ఘకాలం పాటు ఎక్కువగా ఉన్నప్పుడు చర్మం పొడిబారడం నుంచి ఇన్ఫెక్షన్ల వరకు అనేక సమస్యలు తలెత్తుతాయి. ఆ ముఖ్యమైన 7 లక్షణాలు ఇవే..

1. చర్మంపై నల్లటి మచ్చలు:
మెడ వెనుక భాగంలో.. చంకలలో లేదా గజ్జల్లో చర్మం నల్లగా, మందంగా ,వెల్వెట్ లాగా మారితే దానిని ‘అకాంతోసిస్ నైగ్రికాన్స్’ అంటారు. ఇది శరీరంలో ఇన్సులిన్ నిరోధకత ఎక్కువగా ఉందని చెప్పడానికి ప్రధాన సంకేతం. ప్రీ-డయాబెటిస్ ఉన్నవారిలో ఇది ఎక్కువగా కనిపిస్తుంది.

2. చర్మం పొడిబారడం, దురద :
రక్తంలో చక్కెర పెరిగినప్పుడు శరీరం అధిక నీటిని యూరిన్ ద్వారా బయటకు పంపుతుంది. దీని వల్ల శరీరంలో తేమ తగ్గి చర్మం పొడిబారుతుంది. అలాగే..రక్త ప్రసరణ సరిగ్గా లేకపోవడం వల్ల కాళ్లు, పాదాల వద్ద విపరీతమైన దురద వస్తుంది.

3. మొండిగా మారే ఇన్ఫెక్షన్లు :
మధుమేహ వ్యాధిగ్రస్తుల్లో రోగ నిరోధక శక్తి తగ్గుతుంది. దీనివల్ల చర్మంపై బ్యాక్టీరియల్ (కళ్లు ఎర్రబడటం, గడ్డలు రావడం ఫంగల్ ఇన్ఫెక్షన్లు (ముఖ్యంగా ఈస్ట్ ఇన్ఫెక్షన్లు) తరచుగా వస్తుంటాయి. వేళ్ల మధ్య, గోళ్ల వద్ద లేదా రొమ్ముల కింద ఎర్రటి దద్దుర్లు, దురద రావడం దీని లక్షణం.

4. గాయాలు త్వరగా మానకపోవడం :
రక్తంలో చక్కెర స్థాయిలు ఎక్కువగా ఉన్నప్పుడు రక్త ప్రసరణ మందగిస్తుంది. దీని వల్ల చర్మానికి తగిలిన చిన్న గాయాలు, కోతలు లేదా పొక్కులు త్వరగా మానవు. ఇవి క్రమంగా అల్సర్లుగా మారే ప్రమాదం ఉంది. ముఖ్యంగా పాదాల విషయంలో చాలా జాగ్రత్తగా ఉండాలి.

5. డయాబెటిక్ డెర్మటోపతి :
దీనిని ‘షిన్ స్పాట్స్’ అని కూడా పిలుస్తారు. కాళ్ల ముందు భాగంలో (ముఖ్యంగా మోకాలి కింద) చిన్న చిన్న గోధుమ రంగు మచ్చలు కనిపిస్తాయి. ఇవి చూడటానికి వయసు మచ్చల లాగా అనిపించినా.. ఇవి రక్త నాళాల దెబ్బతినడం వల్ల ఏర్పడతాయి. వీటి వల్ల నొప్పి ఉండదు కానీ, ఇవి డయాబెటిస్ తీవ్రతను సూచిస్తాయి.

6. చర్మంపై బొబ్బలు :
చాలా అరుదుగా, రక్తంలో చక్కెర చాలా ఎక్కువగా ఉన్నప్పుడు చేతులు, పాదాలు లేదా కాళ్లపై కాలిన గుర్తుల లాంటి పెద్ద బొబ్బలు వస్తాయి. ఇవి చూడటానికి భయంకరంగా ఉన్నా నొప్పి ఉండవు. షుగర్ లెవల్స్ కంట్రోల్ అయితే ఇవి దానంతట అవే తగ్గిపోతాయి.

Also Read: చక్కెర మానేయాలా ? తీపి కోరికను తీర్చే.. 5 ఆరోగ్యకరమైన మార్గాలు

7. పసుపు లేదా నారింజ రంగు దద్దుర్లు:
రక్తంలో కొలెస్ట్రాల్ ,చక్కెర స్థాయిలు ఒక్కసారిగా పెరిగినప్పుడు శరీరంలో చిన్న చిన్న పసుపు రంగు మొటిమల లాంటివి వస్తాయి. వీటి చుట్టూ ఎర్రగా ఉంటుంది. ఇవి సాధారణంగా చేతులు, కాళ్లు , పిరుదులపై కనిపిస్తాయి. ఇవి కనిపించాయంటే మీ డయాబెటిస్ అదుపులో లేదని అర్థం.

చర్మంపై కనిపించే ఇలాంటి మార్పులనైనా నిర్లక్ష్యం చేయకూడదు. ఇవి మీ అంతర్గత ఆరోగ్యం గురించి చర్మం ఇచ్చే హెచ్చరికలు. పైన పేర్కొన్న లక్షణాలలో ఏవైనా కనిపిస్తే వెంటనే డాక్టర్‌ని సంప్రదించి HbA1c టెస్ట్ చేయించుకోవడం ఉత్తమం. సరైన ఆహారం, వ్యాయామం, మందుల ద్వారా రక్తంలో చక్కెరను అదుపులో ఉంచుకుంటే ఈ చర్మ సమస్యల నుంచి సులభంగా బయటపడవచ్చు.

Join WhatsApp Channel

Share

• 
• 
• 
• 
• 
•