Ayurvedic Night Serum| మెరిసిపోయే చర్మం, అందమైన ముఖం కావాలని అందరూ ఆకాంక్షిస్తారు. కానీ చాలా మంది ముఖ చర్మం పేలవంగా, నిస్తేజంగా, మొండి మచ్చలతో ఉంటుంది. ఈ సమస్యకు మార్కెట్లో చాలా కమర్షియల్ క్రీమ్స్ ఉన్నాయి. అయితే వీటిలోని కెమికల్స్ వల్ల దుష్ప్రభావాలు కూడా ఉంటాయి. అందుకే చాలా మంది రసాయనాలు లేని సహజ పద్ధతుల ద్వారా చర్మ సంరక్షణ చేయాలనుకుంటారు. ఆయుర్వేద వైద్యులు సూచించే యష్టిమధు( లైకో రైస్ – ములేఠి) ఆధారిత నైట్ సీరం ఈ సమస్యకు సులభమైన పరిష్కారం. ఈ సీరం.. చర్మానికి సహజంగా కాంతి నిచ్చి, మచ్చలను తగ్గిస్తుంది. ప్రతి రోజు ఉపయోగిస్తే క్రమంగా మంచి ఫలితాలు కనిపిస్తాయి.
ములేఠి అంటే లైకోరైస్ రూట్. ఇందులో గ్లాబ్రిడిన్ అనే సహజ పదార్థం ఉంటుంది. ఇది చర్మంలో మెలానిన్ ఉత్పత్తిని నియంత్రిస్తుంది. మెలానిన్ తగ్గడం వల్ల మచ్చలు, అసమాన రంగు తగ్గుతాయి. ములేఠికి వాపు తగ్గించి, ఉపశమనాన్నిచ్చే గుణాలు ఉన్నాయి. చర్మానికి చికాకుల కలిగే ఎరుపు తగ్గిస్తుంది. క్రమం తప్పకుండా ఉపయోగిస్తే చర్మం మెరుగ్గా, మృదువుగా మారుతుంది.
ఈ సీరం చాలా సులభంగా ఇంట్లోనే తయారు చేసుకోవచ్చు. ఒక టీస్పూన్ ములేఠి పౌడర్ తీసుకోండి. రెండు టేబుల్ స్పూన్ల తాజా అలోవెరా జెల్ జోడించండి. కొన్ని చుక్కల రోజ్ వాటర్ వేయండి. ఒక విటమిన్ E క్యాప్సూల్ నూనె కలపండి. ఈ పదార్థాలన్నీ కలిసి చర్మ ఆరోగ్యాన్ని మెరుగుపరుస్తాయి.
శుభ్రమైన గిన్నెలో ములేఠి పౌడర్ వేయండి. ఈ పౌడర్కు అలోవెరా జెల్ బాగా కలపండి. రోజ్ వాటర్ క్రమంగా పోస్తూ నిరంతరం కలుపుతూ ఉండండి. ‘విటమిన్ ఇ’ క్యాప్సూల్ కత్తిరించి ఆ నూనెను కలపండి. మిశ్రమం మెత్తగా, క్రీమీగా వచ్చేవరకు కలపండి. శుభ్రమైన ఒక చిన్న బాటిల్లో నింపి ఉంచుకోండి.
రాత్రి పడుకోవడానికి ముందు ముఖం బాగా కడిగి శుభ్రం చేసుకోండి. మెత్తటి టవల్తో తుడిచి ఆరబెట్టండి. వేళ్లపై కొంచెం సీరం తీసుకోండి. ముఖం, మెడపై మెల్లగా పూయండి. రౌండ్గా మసాజ్ చేస్తూ పూర్తిగా ఇంకేవరకు మసాజ్ చేయండి. ఉదయం నీటితో ముఖం కడగండి.
ఈ సీరం మచ్చలను నెమ్మదిగా తగ్గిస్తుంది. ముఖ చర్మమంతా రంగు సమానంగా మారి సహజ కాంతి వస్తుంది. చర్మం తేమతో నిండి మెత్తగా ఉంటుంది. రాత్రంతా చర్మం రిపేర్ చేస్తుంది. రెండు వారాల్లో చాలా మందికి మార్పు కనిపిస్తుంది. ఫలితాలు చర్మ రకం మీద ఆధారపడి మారవచ్చు.
Also Read: జీవితంలో సంతోషంగా ఉండేవారిలో ఈ అలవాట్లు ఉంటాయి.. మరి మీలో ఉన్నాయా?
ముందుగా చేతి మీద చిన్న ప్యాచ్ టెస్ట్ చేయండి. కొందరికి సహజ పదార్థాలు కూడా అలర్జీ కలిగించవచ్చు. క్రమం తప్పకుండా ప్రతి రాత్రి ఉపయోగించండి. ఒక్కరోజు కూడా వదలకండి. వెంటనే అద్భుత ఫలితాలు ఆశించకండి. సహజ పద్ధతులు నెమ్మదిగా పనిచస్తాయి. అయితే ఇవి సురక్షితం.
ములేఠి నైట్ సీరం చర్మ సంరక్షణకు సరళమైన సహజ మార్గం. రసాయనాలు లేకుండా మఖంలో కాంతి పెంచడానికి, మచ్చలు తగ్గడానికి ఇది సహాయపడుతుంది. రోజూ అందంగా మెరిసే చర్మం కోసం ఈ ఆయుర్వేద ఉపాయాన్ని ప్రయత్నించండి.
Share
లెబనాన్ పై విరుచుకుపడిన ఇజ్రాయెల్.. 10 నిమిషాల్లో 100 స్ట్రయిక్స్.. 89 మంది మృతి!
'జైలర్ 2'ని చుట్టుముడుతున్న కష్టాలు..
