Bathroom Difference: మన రోజువారీ జీవితంలో ‘బాత్‌రూమ్’, ‘వాష్‌రూమ్’, ‘రెస్ట్ రూమ్’ అనే పదాలను తరచూ ఉపయోగిస్తుంటాం. చాలామంది ఈ మూడూ ఒకటే అని భావిస్తుంటారు. కానీ డిక్షనరీ ప్రకారం, పలు దేశాల సంస్కృతి, ప్రాంతీయ భాషను బట్టి ఈ పదాల మధ్య స్పష్టమైన వ్యత్యాసాలు ఉన్నాయి. అసలు వీటి అర్థాలేంటి? ఏ సందర్భంలో ఏ పదాన్ని ఉపయోగించాలో ఈ కథనంలో తెలుసుకునే ప్రయత్నం చేద్దాం.
‘బాత్’ (Bath) అంటే స్నానం చేయడం అని అర్థం. పేరుకు తగ్గట్లే స్నానం చేయడానికి వీలుగా బాత్‌టబ్ (Tub) లేదా షవర్ (Shower) ఉన్న గదిని ‘బాత్‌రూమ్’ అంటారు. సాధారణంగా ఇవి ఇళ్లు, హోటల్స్ లో ఉంటాయి. ఇందులో టాయిలెట్‌తో పాటు స్నానానికి కావలసిన వసతులు ఉంటాయి. స్నానం చేసే సదుపాయం లేని ప్రాంతాలను ‘బాత్‌రూమ్’ అని పిలవడం కరెక్ట్ కాదని చెప్పవచ్చు.
కేవలం చేతులు, ముఖం కడుక్కోవడానికి, టాయిలెట్ ఉపయోగించుకోవడానికి వీలుగా ఉండే గదిని ‘వాష్‌రూమ్’ అంటారు. ఇందులో స్నానం చేసే షవర్లు, టబ్‌లు ఉండవు. ఆఫీసులు, థియేటర్లు, రెస్టారెంట్లు, పెద్ద పెద్ద షాపింగ్ కాంప్లెక్స్‌లలో వీటిని ఎక్కువగా వినియోగిస్తున్నారు. కెనడా, బ్రిటన్ (UK) దేశాలలో వాష్ రూమ్ అనే పదాన్ని ఎక్కువగా ఉపయోగిస్తారు.
Also Read: ఏకకాలంలో 10 గాడ్జెట్లు చార్జ్.. బ్లూయెట్టి మ్యాజిక్ పవర్ స్టేషన్.. అడవుల్లోనూ ఇంట్లో ఉన్నట్లే!
అమెరికన్ ఇంగ్లీషులో పబ్లిక్ టాయిలెట్లను పిలవడానికి ‘రెస్ట్రూమ్’ అనే పదాన్ని ఉపయోగిస్తారు. షాపింగ్ మాల్స్, ఎయిర్‌పోర్టులు, బస్ స్టేషన్లు, పెట్రోల్ బంకుల్లో ఉండే టాయిలెట్ సదుపాయాలను రెస్ట్రూమ్స్ కిందకే వస్తాయి. ప్రయాణాల్లో అలసిపోయిన వారు కాసేపు సేదతీరడానికి (Rest), ముఖం కడుక్కుని ఫ్రెష్ అవ్వడానికి వీలుగా ఉండే ప్రజోపయోగ స్థలం కాబట్టి దీనికి ఆ పేరు వచ్చింది.
Also Read: ఎయిర్ ఫ్రైయర్ కొనాలా? వద్దా? ఆరోగ్యానికి నిజంగానే మంచిదా.. లేక మార్కెటింగ్ జిమిక్కా?
Share
లావాతో పుట్టిన రంగుల గుహలు.. అక్కడ అడుగుపెడితే ప్రపంచాన్ని మర్చిపోతారు!
ఇంత పెద్ద బ్యాటరీ ఉన్నా ఫోన్ సన్నగానే ఉందా? ఒప్పో మ్యాజిక్ అంటే ఇదేనేమో!
