భార్యభర్తలు శారీరకంగా దూరంగా ఉంటే ఊబకాయం వస్తుందా?

చాలామంది శారీరక సాన్నిహిత్యం లేకపోతే బరువు పెరిగిపోతుందని, ఊబకాయం సమస్యలు వస్తాయని భావిస్తారు. అయితే ఇది పూర్తిగా నిజం కాదు. వైద్య నిపుణుల ప్రకారం.. ఊబకాయానికి శారీరక సానిహిత్యానికి ప్రత్యక్ష సంబంధం లేదు. అయితే సాన్నిహిత్యం లేకపోవడం వల్ల హార్మోన్లలో వచ్చే మార్పులు మాత్రమే బరువును కొద్దిగా ప్రభావితం చేయవచ్చు. అలాగే తప్పడు జీవనశైలి వల్ల కూడా బరువు పెరిగిపోతారు.

హార్మోన్ల మార్పులు బరువును ప్రభావితం చేయవచ్చు

శరీరంలో హార్మోన్లు జీవక్రియను, కొవ్వు నిల్వను నియంత్రిస్తాయి. భావోద్వేగ ఒత్తిడి వలన హార్మోన్ల స్థాయిలు చెదిరిపోతాయి. సాన్నిహిత్యం లేకపోవడం వలన శరీరంలో ఒత్తిడి హార్మోన్లు పెరిగిపోతాయి. ఇలా కార్టిసోల్ పెరిగితే.. ఫాస్ట్ ఫుడ్స్ లాంటి అనారోగ్యకరమైన ఆహారం తినాలనే కోరిక పెరుగుతుంది. దీని వల్ల క్రమంగా బరువు పెరుగుతుంది.

నిద్ర లోపం ఆకలిని పెంచుతుంది

బరువు నియంత్రణకు మంచి నిద్ర చాలా ముఖ్యం. సాన్నిహిత్యం నిద్ర క్వాలిటీని మెరుగుపరుస్తుందని నిపుణులు చెబుతున్నారు. తక్కువ నిద్ర వలన ఆకలిని పెంచే హార్మోన్లు ప్రభావితమవుతాయి. దీంతో వ్యక్తులు ఎక్కువ తీపి లేదా నూనెలో వేయించిన ఆహారాన్ని తినాలనుకుంటారు. ఈ అలవాట్ల కారణంగానే బరువు పెరుగుదలకు దారితీస్తాయి.

ఒత్తిడి, ఆందోళన కారణంగా ఆహార అలవాట్లపై ప్రభావం

ఒంటరితనం లేదా ఆందోళన వల్ల చాలామంది సౌకర్యం కోసం ఎక్కువగా తినడం మొదలుపెడతారు. జంక్ ఫుడ్ కొద్దిసేపు మానసిక ఉపశమనం ఇస్తుంది. కానీ క్రమం తప్పకుండా ఇలా చేయడం వల్ల అనారోగ్యకరమైన బరువు పెరుగుతుంది.

ఎక్కువగా కూర్చోవడం కూడా కారణం

క్రియాశీల జీవనశైలి బరువు నియంత్రణకు సాయపడుతుంది. సమతుల ఆహారం, వ్యాయామమే అత్యంత ముఖ్యమైన అంశాలు. కేవలం సాన్నిహిత్యం మాత్రమే బరువును నియంత్రించదు.

Also Read: చాణక్యుడి అత్యంత శక్తివంతమైన పాఠాలు.. మీ ఆలోచనా విధానాన్ని మార్చేసే జీవిత సత్యాలు

సాన్నిహిత్యం లేకపోవడం బరువు పెరగడానికి కారణం కాదు

వైద్య నిపుణులు ఈ అపోహను పూర్తిగా తోసిపుచ్చుతున్నారు. సాన్నిహిత్యం లేకపోవడం ఒక్కటే బరువు పెరగడానికి కారణం కాదు. హార్మోన్ల అసమతుల్యత, ఒత్తిడి, నిద్రలేమి ప్రధాన సమస్యలు. కాబట్టి నియమిత వ్యాయామం, సరైన నిద్ర, ఒత్తిడి నివారణ, సమతుల భోజనం అలవాటు చేసుకోవాలి.