Republic Day 2026: ఈ ఏడాది 77వ గణతంత్ర దినోత్సవాన్ని జరుపుకుంటున్న వేళ, దేశభక్తిని చాటుకోవడానికి ఆహారం ఒక అద్భుతమైన మాధ్యమం. జాతీయ జెండాలోని కేసరి, తెలుపు, ఆకుపచ్చ రంగులు కేవలం రంగులు మాత్రమే కాదు. అవి మన సంస్కృతికి , త్యాగానికి చిహ్నాలు. ఈ ప్రత్యేక రోజున మీ ఇంటి డైనింగ్ టేబుల్పై మువ్వన్నెల వంటకాలతో విందు ఏర్పాటు చేయడం వల్ల పండగ వాతావరణం ఉట్టిపడుతుంది. ఆరోగ్యం, రుచిని మేళవించి, సహజ సిద్ధమైన రంగులతో తయారుచేయదగ్గ కొన్ని వెరైటీ రెసిపీలు మీ కోసం..
1. మువ్వన్నెల ఇడ్లీలు:
ఉదయాన్నే ఆరోగ్యకరమైన బ్రేక్ఫాస్ట్తో రిపబ్లిక్ డేని ప్రారంభించండి.
కేసరి రంగు: ఇడ్లీ పిండిలో కొద్దిగా క్యారెట్ తురుము లేదా క్యారెట్ ప్యూరీ కలపండి.
ఆకుపచ్చ రంగు: పిండిలో పాలకూర పేస్ట్ లేదా కొత్తిమీర పేస్ట్ కలపండి.
తెలుపు రంగు: సాధారణ ఇడ్లీ పిండిని అలాగే ఉంచండి.
తయారీ: ఇడ్లీ పాత్రలో ఈ మూడు రంగుల పిండిని వరుసగా వేసి ఆవిరిపై ఉడికించండి. వీటిని పల్లి చట్నీతో వడ్డిస్తే చూడటానికి చాలా ఆకర్షణీయంగా ఉంటాయి.
2. ట్రై కలర్ పులావ్ :
మధ్యాహ్న భోజనంలో ప్రధాన ఆకర్షణగా నిలిచే వంటకం ఇది.
ముందుగా బాస్మతి బియ్యాన్ని ఉడికించి మూడు భాగాలుగా చేయండి.
కేసరి: ఒక భాగం అన్నంలో టమాటా ప్యూరీ లేదా కుంకుమపువ్వు నీళ్లు కలిపి వేయించండి.
ఆకుపచ్చ లేయర్: మరో భాగంలో పుదీనా-కొత్తిమీర పేస్ట్, పచ్చి బఠానీలు వేసి కలపండి.
తెలుపు లేయర్: తెల్లటి అన్నంలో కొద్దిగా నెయ్యి, జీలకర్ర వేసి తిరగమాత వేయండి.
సర్వింగ్: ఒక గిన్నెలో వరుసగా ఈ మూడు రంగుల అన్నాన్ని ఒకదానిపై ఒకటి అదిమి, ప్లేట్లో బోర్లిస్తే పర్ఫెక్ట్ ట్రై కలర్ పులావ్ సిద్ధం.
3. మువ్వన్నెల పాస్తా:
పిల్లలకు వెరైటీగా ఏదైనా చేయాలనుకుంటే ఇది బెస్ట్ ఛాయిస్.
తయారీ: మార్కెట్లో సహజంగానే వెజిటబుల్ పాస్తా (క్యారెట్, స్పినాచ్ ఫ్లేవర్స్) లభిస్తుంది. ఒకవేళ అది లేకపోతే, మీరు వైట్ సాస్ పాస్తా తయారు చేసి, అందులో ఉడికించిన క్యారెట్ ముక్కలు (కేసరి), బ్రోకలీ లేదా క్యాప్సికమ్ (ఆకుపచ్చ) ముక్కలు కలిపి మువ్వన్నెల లుక్ తీసుకురావచ్చు.
4. మువ్వన్నెల శాండ్విచ్ :
తక్కువ సమయంలో అయిపోయే స్నాక్ ఇది.
లేయర్స్: మూడు బ్రెడ్ స్లైస్లు తీసుకోండి. ఒక స్లైస్ మీద గ్రీన్ చట్నీ (పుదీనా-కొత్తిమీర) రాయండి. రెండో స్లైస్ మీద మయోనైస్ లేదా పనీర్ తురుము పెట్టండి. మూడో స్లైస్ మీద టమాటా కెచప్ లేదా క్యారెట్ తురుము వేయండి.
ప్రాసెస్: వీటిని ఒకదానిపై ఒకటి పెట్టి కట్ చేస్తే, లోపల జెండా రంగులు స్పష్టంగా కనిపిస్తాయి.
ముఖ్య గమనిక – సహజ రంగుల వాడకం:
ఈ వంటకాల్లో సాధ్యమైనంత వరకు కృత్రిమ రంగులు వాడకండి.
కేసరి కోసం: క్యారెట్, కుంకుమపువ్వు, టమాటో
ఆకుపచ్చ రంగు కోసం: పాలకూర, పుదీనా, కొత్తిమీర, చిక్కుడు కాయలు.
తెలుపురంగు కోసం: పెరుగు, పనీర్, కొబ్బరి, ఉల్లిపాయలు.
Share
Tensions in Minneapolis: అమెరికాలోని మినియాపాలిస్లో హింసాత్మక నిరసనలు.. ఒకరు మృతి, పలువురికి గాయాలు
Podarillu Today Episode : చావుబ్రతుకుల్లో ప్రతాప్.. ఇంట్లోంచి వెళ్ళిపోయిన కోడలు..కన్నీళ్లు పెట్టుకున్న లలిత..
