వేసివి కాలంలో జిమ్‌ చేసే ప్రతి ఒక్కరూ చేసే తప్పులు ఇవే.. అతిగా వ్యాయామం చేసేవారికి డాక్టర్ల హెచ్చరిక

Gym Mistakes| జిమ్ వెళ్లడం వల్ల శరీర బలం, ఫిట్‌నెస్ మొత్తం ఆరోగ్యం మెరుగుపడతాయి. జిమ్‌లో చేసే తప్పుల వల్ల మీ శరీర వృద్ధి తగ్గుతుంది, పైగా ఇవి గాయాలకు దారితీస్తాయి. డాక్టర్లు, ఫిట్‌నెస్ నిపుణులు.. జిమ్ చేయడం ప్రారంభించే వారికి కొన్ని జాగ్రత్తలు సూచించారు.

వ్యాయామం, ఫిట్‌నెస్ కోసం జిమ్ ప్రారంభించేవారు చేసే సాధారణ తప్పుల గురించి ఆర్థోపేడిక్ వైద్య నిపుణుడు డాక్టర్ విక్రాంత్ ఖన్నా హెచ్చరించారు. ఈ తప్పులను నివారించడం ద్వారా సురక్షితంగా ఉంటూ మంచి ఫలితాలు పొందవచ్చు. చిన్న తప్పులు కూడా శరీరంపై ఎక్కువ ప్రభావం చూపుతాయి. ముందుగా జిమ్ బేసిక్స్ అర్థం చేసుకోవడం మీ ఫిట్‌నెస్ ప్రయాణాన్ని సులభం, ప్రభావవంతం చేస్తుంది.

1. వ్యాయామం ముందు బాగా వార్మ్ అప్ చేయకపోవడం

చాలా మంది వార్మ్-అప్ చేయకుండానే వ్యాయామం ప్రారంభిస్తారు. దీంతో కండరాల నొప్పి రావడం, గాయాల ప్రమాదం జరిగే అవకాశం పెంచుతుంది. వార్మ్-అప్.. కండరాలను సిద్ధం చేసి రక్తప్రసరణను మెరుగుపరుస్తుంది. ఇది వ్యాయామ సమయంలో పనితీరును కూడా మెరుగుపరుస్తుంది. కనీసం పది నిమిషాలు తేలికపాటి కార్డియో లేదా స్ట్రెచింగ్ చేయండి. ఈ సాధారణ అలవాటు మీ శరీరాన్ని సురక్షితంగా, సిద్ధంగా ఉంచుతుంది.

2. వ్యాయామం కోసం తప్పుడు టెక్నిక్ ఉపయోగించడం

జిమ్ లో సాధారణంగా చాలామంది చేసే తప్పుల్లో సరైన ఫామ్ లేకపోవడం. తీవ్రమైన గాయాలు కలగడానికి, సరైన ఫలితాలు లభించకపోవడానికి ఇదే కారణం. చాలా మంది అధిక బరువులు ఎత్తడం మాత్రమే దృష్టి పెడతారు. సరైన భంగిమ, కదలికలను నిర్లక్ష్యం చేస్తారు. బరువు పెంచేముందు సరైన టెక్నిక్ నేర్చుకోండి. మంచి ఫాం ద్వారా కండరాలను సరిగ్గా టార్గెట్ చేయవచ్చు.

3. త్వరగా భారీ బరువులు ఎత్తడం

జిమ్ తొలిసారిగా వెళ్లేవారు త్వరగా అధిక బరువులు ఎత్తడానికి ప్రయత్నిస్తారు. ఇలా చేయడం గాయాల ప్రమాదాన్ని పెంచుతుంది. తప్పుడు ఫాంతో భారీ బరువులు ఎత్తడం.. కండరాలు, కీళ్లకు నష్టం కలిగిస్తుంది. తేలికపాటి బరువులతో ప్రారంభించి నెమ్మదిగా పెంచండి. మీ శరీర పురోగతి ఎప్పుడూ క్రమంగా, నియంత్రితంగా ఉండాలి.

4. తగినంత నీరు తాగకపోవడం

వ్యాయామ సమయంలో హైడ్రేషన్ చాలా ముఖ్యం. వేసవి రోజుల్లో అయితే చెమట మరీ అధికంగా వస్తుంది. శరీరం చెమట ద్వారా నీటిని కోల్పోతుంది. నీరు తక్కువగా ఉంటే అలసట, తలతిరగడం వస్తాయి. ఇది పనితీరును కూడా తగ్గిస్తుంది. వ్యాయామం ముందు, చేసే సమయంలో, ఆ తర్వాత నీరు తాగండి. ఎప్పుడూ నీటి బాటిల్ మీ వద్ద ఉంచుకోండి.

5. సరైన వర్కౌట్ ప్లాన్ లేకపోవడం

చాలా మంది ఏ ప్లాన్ లేకుండా వ్యాయామం చేస్తారు. రోజూ యాదృచ్ఛికంగా వ్యాయామాలు చేస్తారు. దీంతో వారి ప్రయత్నం వృథా అవుతుంది. సరైన ప్లాన్ ఉంటే మంచి ఫలితాలు వస్తాయి. జిమ్ ప్రారంభించేముందు మీ లక్ష్యాలను నిర్ణయించుకోండి. సమతుల్య రొటీన్ అనుసరించండి.

6. విశ్రాంతి, రికవరీని నిర్లక్ష్యం చేయడం

కండరాల వృద్ధి, రికవరీకి విశ్రాంతి అవసరం. చాలా మంది విరామం లేకుండా రోజూ వ్యాయామం చేస్తారు. ఇది అలసట, గాయాలకు దారితీస్తుంది. కండరాలు బలపడటానికి సమయం కావాలి. మీ రొటీన్‌లో విశ్రాంతి రోజులు కూడా ప్లాన్ చేయండి. మంచి నిద్ర రికవరీకి సహాయపడుతుంది.

Also Read: ఎండలో తిరిగి నీరసించిపోయారా? ఈ టేస్టీ షర్బత్ తాగితే తక్షణ ఎనర్జీ మీ సొంతం

7. తప్పుడు ఆహారంతో జాగ్రత్త

వ్యాయామం మాత్రమే శరీర బలం పెంచడానికి సరిపోదు. ఆహారం చాలా ముఖ్య పాత్ర పోషిస్తుంది. అనారోగ్యకరమైన ఆహారం చాలా నష్టం కలిగిస్తుంది. శరీరానికి సరైన పోషకాలు అవసరం. ప్రోటీన్, విటమిన్లు, ఆరోగ్యకరమైన ఆహారాలు రోజూ తీసుకోండి. సమతుల్య ఆహారం.. శక్తిని కండరాల వృద్ధిని మెరుగుపరుస్తుంది.

8. అతిగా వ్యాయామం చేయడం, సమతుల్యత లేకపోవడం

కొందరు ఒక్క సెషన్‌లో అతిగా వ్యాయామం చేస్తారు. ఇది కండరాలకు నష్టం కలిగించి గాయాల ప్రమాదాన్ని పెంచుతుంది. అతిగా వ్యాయామం అలసట, బర్నౌట్‌కు దారితీస్తుంది. తెలివిగా వ్యాయామం చేయండి. వర్కౌట్‌తో పాటు విశ్రాంతి, రికవరీని సమతుల్యం చేయండి.

సరైన విధంగా చేస్తే జిమ్ వ్యాయామాలు ఆరోగ్యాన్ని మెరుగుపరుస్తాయి. సాధారణ తప్పులను నివారించడం ద్వారా మీరు సురక్షితంగా ఉండవచ్చు. సరైన టెక్నిక్, ఆహారం, రొటీన్ అనుసరించండి. ఓపిక, కంట్రోల్‌తో మంచి ఫలితాలు సాధించవచ్చు.

Share

• 
• 
• 
• 
• 
•