మెత్తని కుళ్లిన టమాటాలను పారేస్తున్నారా? ఇలా ఉపయోగిస్తే మంచి లాభాలు

uses of overripe tomatoes| వేసవికాలంలో ఎక్కువ వేడి వల్ల టమాటాలు త్వరగా చెడిపోతాయి. చాలామంది మెత్తగా ఉన్న టమాటాలను విసిరేస్తారు. కానీ ఈ మెత్తబడిన టమాటాలతో చాలా లాభాలున్నాయి. వాటిని తెలివిగా ఉపయోగించుకోవచ్చు. చెత్తలో పారవేయాల్సిన అవసరం లేదు. ఇలా చేయడం వలన ఆహార వ్యర్థాలు తగ్గుతాయి. డబ్బు కూడా ఆదా అవుతుంది.

ఏ టమాటాలు సురక్షితం?

పూర్తిగా చెడిపోయిన అన్ని టమాటాలను వాడకూడదు. పూసగా ఉన్నవి లేదా చెడు వాసన ఉన్న టమాటాలు వంట చేయడానికి పనికిరావు. అవి ఆరోగ్యానికి హానికరం. మెత్తగా ఉండి, తాజా వాసన ఉన్న టమాటాలను మాత్రమే ఉపయోగించండి. వాటిని వాడే ముందు ఎల్లప్పుడూ జాగ్రత్తగా పరీక్షించుకోండి.

వంటలో ఉపయోగించడం: ప్యూరీ లాగా ఎలా వాడాలి?

మెత్తటి టమాటాలు వంటకు బాగా పనిచేస్తాయి. వాటిని సులభంగా మృదువైన ప్యూరీగా మార్చవచ్చు. చెడిపోయిన భాగాలను తీసివేసి, వీటిని మిక్సీలో వేసి మృదువుగా గ్రైండ్ చేయండి. ఈ ప్యూరీ.. కూరలు, సాస్ లకు బాగా సరిపోతుంది. వేడితో వండడం వలన చాలా వరకు హానికరమైన బ్యాక్టీరియా నశిస్తుంది.

ఇంట్లో టమాటా సాస్ ఎలా తయారు చేసుకోండి

మెత్తటి టమాటాలతో ఇంట్లోనే తాజా సాస్ తయారు చేసుకోండి. ఈ మెత్తని టామాటాలతో వెల్లుల్లి, ఉప్పు, మసాలాలతో ఉడికించి, దగ్గరగా చేయండి. ఈ సాస్ ను ఫ్రిజ్‌లో నిల్వ చేసుకోండి. తరువాత పాస్తా లేదా స్నాక్స్ కోసం దీన్ని ఉపయోగించవచ్చు.

కుళ్లిన టామాటాలను కూడా ఉపయోగించుకోవచ్చు

మెత్తబడిన టమాటాలతో పాటు కుళ్లిన టమాటాలను కూడా ఉపయోగించకోవచ్చు. మెత్త టమాటాలతో పాటు కుళ్లిన టమాటాలను మీ తోట కోసం మంచి ఎరువుగా పనికొస్తాయి. వీటిలో మట్టికి కావాల్సిన పోషకాలు ఉంటాయి. వీటిని కంపోస్ట్ లో వేయండి లేదా నేరుగా మట్టిలో పాతిపెట్టండి. ఇది మొక్కల పెరుగుదలను మెరుగుపరుస్తుంది.

Also Read: జీవితంలో అన్నీ కోల్పోయే పరిస్థితి వస్తే ఏం చేయాలి? చాణక్యుడు చెప్పిన ఈ నీతులు వింటే ధైర్యంగా ముందుకుసాగుతారు