సహజంగా మెరిసే చర్మం అందం మాత్రమే కాదు, మంచి ఆరోగ్యానికి కూడా సంకేతం. రోజూ ఖరీదైన క్రీములు వాడినా సరైన అలవాట్లు లేకపోతే ముఖంలో కాంతి కనిపించదు. చర్మం ఆరోగ్యంగా ఉండాలంటే ముందుగా సాధారణ స్కిన్ కేర్ పద్ధతులు పాటించాలి. ఉదయం లేవగానే ముఖాన్ని మృదువైన క్లీన్సర్తో శుభ్రం చేయాలి. రాత్రి నిద్రకు ముందు కూడా ముఖం శుభ్రపరచాలి. ఇలా చేయడం వల్ల ధూళి, చెమట, కాలుష్యం తొలగిపోతాయి. ఆ తరువాత తేలికపాటి మాయిశ్చరైజర్ వాడాలి. బయటకు వెళ్లే సమయంలో సన్స్క్రీన్ తప్పనిసరి. ఎండ కిరణాల ప్రభావం వల్ల చర్మం నల్లబడటం, ముడతలు త్వరగా రావడం జరుగుతుంది. అందుకే రోజూ సన్స్క్రీన్ అలవాటు చర్మానికి కవచంలా పనిచేస్తుంది. ఎక్కువ ప్రొడక్ట్స్ వాడటం కంటే సరళమైన సంరక్షణ పద్ధతులే ఎక్కువ ఫలితం ఇస్తాయి.
వీటిని తినండి
ఆహారం చర్మ ఆరోగ్యంపై పెద్ద ప్రభావం చూపుతుంది. రోజూ తినే ఆహారం సరైన పోషకాలు కలిగి ఉంటే ముఖంలో సహజ కాంతి కనిపిస్తుంది. తాజా పండ్లు, ఆకుకూరలు, కూరగాయలు తరచూ తినాలి. ఇవి విటమిన్లు, ఖనిజాలు అందిస్తాయి. నట్లు, గింజలు తీసుకోవడం వల్ల చర్మానికి అవసరమైన మంచి కొవ్వులు లభిస్తాయి. నీరు తగినంత తాగడం కూడా చాలా ముఖ్యం. శరీరంలో నీటి లోపం ఉంటే చర్మం పొడిబారిపోతుంది. రోజంతా కొంచెం కొంచెంగా నీరు తాగాలి. చక్కెర ఎక్కువగా ఉన్న ఆహారం, ప్యాకెట్ ఫుడ్ తగ్గిస్తే మొటిమలు, మచ్చలు తగ్గే అవకాశం ఉంటుంది. గ్రీన్ టీ లాంటి పానీయాలు యాంటీ ఆక్సిడెంట్లు అందిస్తాయి. ఇవి చర్మ కణాలను రక్షిస్తాయి. సరైన ఆహారం తీసుకుంటే లోపల నుంచి వెలుపలికి సహజ గ్లో వస్తుంది.
తగినంత నిద్ర
నిద్ర కూడా చర్మానికి చాలా అవసరం. రోజూ ఏడు నుంచి ఎనిమిది గంటలు నిద్ర తీసుకుంటే చర్మం విశ్రాంతి పొందుతుంది. నిద్ర సమయంలో శరీరం దెబ్బతిన్న కణాలను పునరుద్ధరిస్తుంది. సరైన నిద్ర లేకపోతే కళ్ల కింద నల్లటి వలయాలు, అలసిన ముఖం కనిపిస్తాయి. మొబైల్ ఫోన్ చూస్తూ నిద్రపోవడం అలవాటు మానుకోవాలి. నిద్రకు ముందు స్క్రీన్ టైమ్ తగ్గిస్తే నిద్ర నాణ్యత మెరుగవుతుంది. శుభ్రమైన పిళ్లో కవర్ వాడటం కూడా ముఖానికి మేలు చేస్తుంది. ఒత్తిడి ఎక్కువగా ఉన్నవారిలో చర్మ సమస్యలు ఎక్కువగా కనిపిస్తాయి. ధ్యానం, లోతైన శ్వాస పద్ధతులు పాటిస్తే మనసు ప్రశాంతంగా ఉంటుంది. ప్రశాంతమైన మనసు ముఖంపై కూడా ప్రతిఫలిస్తుంది.
రక్తప్రసరణ జరిగితేనే
రోజూ చేసే చిన్న అలవాట్లు చర్మాన్ని మెరిపిస్తాయి. ముఖానికి నూనె లేదా క్రీమ్ రాసేటప్పుడు మృదువుగా మసాజ్ చేయాలి. ఇలా చేయడం వల్ల రక్తప్రసరణ పెరుగుతుంది. రక్తప్రసరణ మెరుగుపడితే ముఖం తాజాగా కనిపిస్తుంది. వారానికి ఒకసారి మైల్డ్ ఎక్స్ఫోలియేషన్ చేయవచ్చు. ఇది మృత కణాలను తొలగిస్తుంది. అయితే ఎక్కువసార్లు చేయడం మంచిది కాదు. వ్యాయామం కూడా చర్మానికి మేలు చేస్తుంది. నడక, యోగా లాంటి అలవాట్లు శరీరానికి ఉత్సాహం ఇస్తాయి. చెమట ద్వారా విషపదార్థాలు బయటకు వస్తాయి. ఇది సహజ కాంతికి దారి తీస్తుంది. మొత్తంగా చెప్పాలంటే చర్మ గ్లో అంటే ఒక్క రోజు ఫలితం కాదు. సరైన సంరక్షణ, మంచి ఆహారం, తగిన నిద్ర, ఆరోగ్యకర జీవనశైలి కలిసివస్తే ముఖంలో సహజ కాంతి దీర్ఘకాలం నిలుస్తుంది.
Share
Tirumala: తిరుమలలో భక్తుల మహా సందోహం.. శ్రీవారి సర్వదర్శనానికి 30 గంటల సమయం!
Director Aditya :'దురంధర్' చూసి నోళ్లు మూసుకున్నారు..దర్శకుడు వివాదాస్పద కామెంట్స్
