వేసవిలో ఇల్లంతా బల్లులు ఇబ్బందిపెడుతున్నాయా? ఈ చిట్కాలతో సమస్యకు చెక్

ఇంట్లో బల్లులు కనిపించడం చాలా మందికి అసౌకర్యంగా ఉంటుంది. వంటింటి గోడలు, కిటికీలు, ఇంట్లో చీకటి ఉండే మూలల్లో బల్లులు తరచుగా కనిపిస్తాయి. అవి చాలా వరకు హాని చేయవు కానీ వాటిని చూస్తే చిరాకుగా అనిపించడంతో ఇంట్లో నుంచి తొలగించాలని అందరూ కోరుకుంటారు. కెమికల్ స్ప్రేల కంటే సురక్షితమైన ఇంటి నివారణలు ఎక్కువ మందికి ఇష్టం.

బల్లులు ఇంట్లోకి ఎందుకు వస్తాయి?

బల్లులు ప్రధానంగా కీటకాలు, ఆహారం, వెచ్చగా ఉండే ప్రదేశం వెతుక్కుంటూ ఇంట్లోకి వస్తాయి. దోమలు, ఈగలు, చీమలు వంటి కీటకాలు ఎక్కువగా ఉంటే బల్లులు కూడా ఎక్కువ సంఖ్యలో ఉంటాయి. తడిగా ఉన్న ప్రాంతాలు, గోడల్లో చిన్న పగుళ్లు.. బల్లులకు సౌకర్యవంతమైన నివాసాలుగా మారతాయి. ఇంటిని శుభ్రంగా ఉంచడం వల్ల కీటకాలు తగ్గి బల్లుల సమస్య కూడా తగ్గుతుంది.

సూది, దారం ట్రిక్‌తో బల్లులు పరార్

ఇంట్లో బల్లులను తరిమేయడానికి చాలా మంది సూది, దారం చిట్కాని ఉపయోగిస్తారు. కిటికీలు, వంటింటి మూలలు.. గోడల దగ్గర దారం కట్టిన సూదులను వేలాడదీయండి. కదిలే దారాలు బల్లులకు భయం కలిగిస్తాయని నమ్ముతారు. ఇది సులభమైన, సాంప్రదాయిక పద్ధతి.

ప్రతిరోజూ ఇంటిని శుభ్రంగా ఉంచండి

శుభ్రమైన ఇంట్లో కీటకాలు తక్కువగా ఉంటాయి. నేలలు తుడవడం, కిచెన్ శుభ్రంగా ఉంచడం, ఆహారం వ్యర్థాలు లేకుండా చూడడం వంటి జాగ్రత్తలు పాటిస్తే బల్లులు ఇంట్లో రాకుండా నివారించవచ్చు. రాత్రిపూట గిన్నెలు మురికిగా వదలకండి. ఆహారం రుచులు, తేమ కీటకాలను ఆకర్షిస్తాయి.

వెల్లుల్లి, ఉల్లి వాసన ఉపయోగించండి

బల్లులు.. ఘాటు వాసనకు దూరంగా ఉంటాయి. వెల్లుల్లి పాయలు లేదా ఉల్లి రసాన్ని నీటితో కలిపి గోడలు, కిటికీల దగ్గర పిచికారీ చేయండి. ఈ సహజ వాసనలు బల్లులను కొంతసేపు దూరంగా ఉంచుతాయి. ఈ పద్ధతిని క్రమం తప్పకుండా చేయాలి.

గోడల్లో చిన్న పగుళ్లు మూసివేయండి

కిటికీలు, తలుపులు, పైపుల దగ్గర ఉన్న రంధ్రాలు, గోడల్లో చిన్న పగుళ్లు.. బల్లులు లోపలికి రావడానికి మార్గాలు. వాటిని సీలెంట్ లేదా మెటీరియల్‌తో మూసివేయండి. ఇలా చేస్తే ఇంట్లో పురుగులు, కీటకాలు కూడా రాకుండా నివారించవచ్చు.

తేమ తగ్గించండి

బల్లులు తేమగా ఉన్న ప్రాంతాలను ఇష్టపడతాయి. బాత్‌రూమ్, కిచెన్, స్టోర్ రూమ్‌ లాంటి ప్రదేశాలు ఎల్లప్పుడూ పొడిగా, శుభ్రంగా ఉంచండి. కిటికీలు తెరిచి తాజా గాలి వీచేలా చూడండి. లీక్ అయ్యే పైపులను సరిచేయండి.

Also Read: ఉదయాన్నే కలలో ఇవి కనిపించడం శుభసూచకం.. స్వప్న శాస్త్రంలో ఏముందంటే

గుడ్డు పెంకులను ఉపయోగించండి

చాలా మంది కిచెన్, కిటికీల దగ్గర ఖాళీ గుడ్డు పెంకులను ఉంచుతారు. బల్లులు వాటిని చూసి భయపడి దూరంగా ఉంటాయని నమ్ముతారు. గుడ్డు పెంకులను క్రమం తప్పకుండా మార్చండి.

పిల్లలు, పెంపుడు జంతువుల చుట్టూ కెమికల్స్ వాడకండి

కెమికల్ స్ప్రేలు ఇంటి గాలి నాణ్యతను తగ్గిస్తాయి. పిల్లలు, పెంపుడు జంతువులు ఉన్న ఇళ్లలో సహజ నివారణలే ఉపయోగించడం మంచిది.

చిన్న అలవాట్లు ఇంటిని సౌకర్యవంతం చేస్తాయి

ఇంటిని శుభ్రంగా ఉంచడం, తేమ తగ్గించడం, సహజ నివారణలు ఉపయోగించడం వల్ల బల్లుల సమస్య తగ్గుతుంది. ఇంట్లో అన్నీ సక్రమంగా నిర్వహించడం ద్వారా సౌకర్యవంతమైన వాతావరణం ఏర్పడుతుంది.