చాలా మంది తమ ఫోన్ పాస్వర్డ్ మర్చిపోతుంటారు. అప్పుడు ఒత్తిడి, భయం కలుగుతాయి. ఫోటోలు, కాంటాక్ట్స్, డాక్యుమెంట్లు కనిపించవు. కానీ ఇంట్లోనే ఫోన్ అన్లాక్ చేసుకోవడానికి కొన్ని సులభమార్గాలు ఉన్నాయి.
ఫోన్లో వేర్వేరు యాప్స్ కోసం, ట్యాబ్లెట్స్ లేదా ల్యాప్టాప్స్ లాంటి పరికరాలకు వేర్వేరు పాస్వర్డ్స్ వాడతారు. ఈ పాస్వర్డ్స్ తరచూ మారుస్తూ ఉంటే గందరగోళం కలుగుతుంది. పెద్ద ప్యాటర్న్, పిన్ కోడ్లు కూడా గుర్తుంచుకోవడం కష్టమవుతుంది. ఒత్తిడి, బిజీ జీవితం కూడా పాస్వర్డ్స్ మరిచిపోవడానికి కారణాలు.
ఆండ్రాయిడ్ యూజర్లు గూగుల్ ఫైండ్ మై డివైస్ ఫీచర్ వాడవచ్చు. ముందు గూగుల్ ఫైండ్ మై డివైస్ వెబ్సైట్కు వెళ్లండి. ఫోన్లో ఉన్న అదే గూగుల్ అకౌంట్తో సైన్ ఇన్ చేయండి. ‘ఎరేజ్ డివైజ్’ ఆప్షన్ ఎంచుకోండి. దీని వల్ల స్క్రీన్ లాక్ తొలగిపోతుంది. కానీ ఫోన్ డేటా కూడా తుడిచిపోతుంది.
శాంసంగ్ ఫోన్లకు స్మార్ట్ థింగ్స్ ఫైండ్ సర్వీస్ ఉంది. ముందు మీ శాంసంగ్ అకౌంట్లలో లాగిన్ అవ్వండి. లాక్ అయిన ఫోన్ను ఎంచుకోండి. కొన్ని మోడల్స్లో రిమోట్ అన్లాక్ ఆప్షన్ కూడా ఉంది. ఈ ఫీచర్ ముందే ఆన్ చేసి ఉండాలి. ఇంటర్నెట్ కనెక్షన్ తప్పనిసరి.
ఐఫోన్ యూజర్లు ఆపిల్ ఐడి ద్వారా రికవరీ చేసుకోవచ్చు. ఐక్లౌడ్ లేదా ఆపిల్ అకౌంట్ ఖాతా రికవరీ పేజీకి వెళ్లండి. కనెక్ట్ అయిన ఆపిల్ ఐడితో సైన్ ఇన్ చేయండి. ఆ తర్వాత సూచనలు పాటించండి. రికవరీ మోడ్ ద్వారా కూడా ఐఫోన్ రీస్టోర్ చేయవచ్చు. ఈ విధానం వల్ల ఫోన్ డేటా డిలీట్ అవుతుంది.
ఫ్యాక్టరీ రీసెట్ వల్ల ఫోన్ పూర్తిగా కొత్తలా అవుతుంది. స్క్రీన్ లాక్, పాస్వర్డ్ పోతాయి. ఆండ్రాయిడ్ ఫోన్లలో కొన్ని బటన్లు నొక్కడం వల్ల రికవరీ మోడ్ వస్తుంది. అందులో ‘ఫ్యాక్టరీ రీసెట్’ ఎంచుకోవాలి. ప్రతి బ్రాండ్ ఫోన్కు విధానం కొంచెం మారవచ్చు.
ఫోన్ అన్లాక్ చేసే విధానాలు వల్ల డేటా పూర్తిగా డెలీట్ కావొచ్చు. ఫోటోలు, కాంటాక్ట్స్, యాప్స్ పోతాయి. అందుకే బ్యాకప్ చాలా ముఖ్యం. గూగుల్ డ్రైవ్, ఐక్లౌడ్ ఆటోమెటిక్ బ్యాకప్ సౌకర్యం ఇస్తాయి.
చాలా వెబ్సైట్లు తక్షణం అన్లాక్ చేస్తామని చెబుతాయి. కొన్ని యాప్స్లో వైరస్ ఉండవచ్చు. ఇవి మీ ఫోన్లలోని పర్సనల్ డేటా దొంగిలించవచ్చు. ‘ప్లే స్టోర్’ లాంటి అధికారిక సర్వీసెస్ మాత్రమే వాడండి. అపరిచిత వెబ్సైట్లలలో పాస్వర్డ్స్ షేర్ చేయకూడదు.
Also Read: ఏ వయసులో ప్రెగ్నెన్నీ ప్లాన్ చేయాలి? పెళ్లి తరువాత ఎన్నిరోజులు ఆగాలి.. డాక్టర్లు ఏం చెబుతున్నారంటే
బ్యాకప్ పాస్వర్డ్స్ను సురక్షితమైన చోట రాయండి. ఫింగర్ ప్రింట్, ఫేస్ అన్లాక్ ఆప్షన్లు వాడండి. క్రమం తప్పకుండా బ్యాకప్ తీయండి. రికవరీ ఈమెయిల్ అప్డేట్ చేసుకుంటూ ఉండండి. చిన్న అలవాట్లు పెద్ద సమస్యలను నివారిస్తాయి.
Also Read: మీరు ప్రేమించే వ్యక్తులు మిమ్మల్ని ఒంటరిగా చేసి వెళ్లిపోతారు.. దీనికి కారణాలు ఇవే
కొందరికి పై విధానాలతోనూ అన్లాక్ కాకపోవచ్చు. అలాంటప్పుడు అధికారిక సర్వీస్ సెంటర్కు వెళ్లండి. లోకల్ రిపేర్ దుకాణాలను నమ్మకండి. అధికారిక సహాయం మీ డేటాను రక్షిస్తుంది.
Share
నా యవ్వనం తిరిగొచ్చింది.. మూడేళ్ల తర్వాత, చైనా బ్యూటీ సంచలనం
ధాన్యం సేకరణ ప్రక్రియపై ప్రభుత్వం ఫోకస్.. జిల్లా కలెక్టర్లు, అధికారులతో మంత్రి ఉత్తమ్కుమార్ భేటీ
