Hand Tremors: చలికాలంలో చేతుల వణుకు.. ఇది కేవలం చలి వల్లేనా ? లేక అనారోగ్యమా ?

Hand Tremors: చలికాలం రాగానే చాలా మందిలో వణుకు రావడం సహజం. అయితే.. కొందరికి చలి వల్ల చేతులు విపరీతంగా వణకడం కేవలం చలి వల్లే కాకుండా ఇతర ఆరోగ్య కారణాల వల్ల కూడా కావచ్చు. అందుకే వీటిని ముందుగానే గుర్తించి కొన్ని రకాల జాగ్రత్తలు తీసుకోవడం మంచిది. ఇంతకీ చలికాలంలో చేతుల వణకడానికి గల కారణాలు, లక్షణాలు , నివారణ మార్గాల గురించిన పూర్తి వివరాలను ఇప్పుడు తెలుసుకుందాం.

చలికాలంలో ఉష్ణోగ్రతలు పడిపోయినప్పుడు మన శరీరం తనను తాను వెచ్చగా ఉంచుకోవడానికి ప్రయత్నిస్తుంది. ఈ క్రమంలో కండరాలు వేగంగా కుంచించుకుపోయ. ఈ సమయంలో విశ్రాంతి తీసుకోవడం వల్ల వణుకు పుడుతుంది. దీనిని ‘శివరింగ్‘ అంటారు. కానీ కొందరిలో ఇది తీవ్రమై చేతుల వణుకుగా మారుతుంది.

చలికాలంలో చేతుల వణుకుకు ప్రధాన కారణాలు:

1. థర్మోరెగ్యులేషన్ : మన శరీర ఉష్ణోగ్రత 37°C ఉండాలి. బయట వాతావరణం చల్లగా ఉన్నప్పుడు, మెదడు కండరాలకు సంకేతాలను పంపి వేగంగా కదిలిస్తుంది. దీని వల్ల వేడి పుడుతుంది. ఇది సహజమైన ప్రక్రియే అయినా.. బలహీనంగా ఉన్నవారిలో చేతులు వణకడం స్పష్టంగా కనిపిస్తుంది.

2. రక్త ప్రసరణ తగ్గడం: చలికి రక్తనాళాలు కుంచించుకుపోతాయి . దీని వల్ల చేతులు, కాళ్ళకు రక్త ప్రసరణ తగ్గి, నరాలు, కండరాలు సరిగ్గా పనిచేయక వణుకు మొదలవుతుంది.

3. ఎసెన్షియల్ ట్రెమర్: ఇప్పటికే వణుకు వ్యాధి ఉన్నవారికి చలికాలంలో ఆ సమస్య మరింత తీవ్రమవుతుంది. చల్లని గాలి నరాల మీద ఒత్తిడి పెంచి వణుకును అధికం చేస్తుంది.

4. ఆందోళన, కెఫిన్: చలికాలంలో వేడి కోసం అతిగా కాఫీ, టీలు తాగడం వల్ల అందులోని కెఫిన్ నరాలను ఉత్తేజితం చేసి వణుకుకు కారణమవుతుంది.

లక్షణాలు ఎలా ఉంటాయి ?

చలికాలంలో వచ్చే చేతుల వణుకును ఈ కింది లక్షణాల ద్వారా గుర్తించవచ్చు.

కంపనం: ఏదైనా వస్తువు పట్టుకున్నప్పుడు లేదా రాయడానికి ప్రయత్నించినప్పుడు చేతులు లయబద్ధంగా వణకడం.

నొప్పి, బిగుతు: కండరాలు పట్టేసినట్లు ఉండటం లేదా కీళ్లలో నొప్పి.

స్పర్శ కోల్పోవడం: చలి తీవ్రతకు వేళ్లు మొద్దుబారిపోవడం.

పనుల్లో ఇబ్బంది: గ్లాసు పట్టుకోవడం, బటన్లు పెట్టుకోవడం వంటి చిన్న పనులు చేయడం కష్టమవ్వడం.

నివారణ, చికిత్స మార్గాలు:

శరీరాన్ని వెచ్చగా ఉంచుకోవడం: బయటకు వెళ్ళేటప్పుడు తప్పనిసరిగా గ్లౌజులు ధరించాలి. పొరలు పొరలుగా దుస్తులు వేసుకోవడం వల్ల శరీర వేడి బయటకు పోకుండా ఉంటుంది.

మసాజ్: గోరు వెచ్చని నువ్వుల నూనె లేదా ఆలివ్ ఆయిల్ తో చేతులకు మసాజ్ చేయడం వల్ల రక్త ప్రసరణ మెరుగుపడి వణుకు తగ్గుతుంది.

శారీరక వ్యాయామం: చేతులకు సంబంధించిన చిన్నపాటి వ్యాయామాలు చేయడం వల్ల కండరాలు బలోపేతం అవుతాయి.

Also Read: ఒంట్లో నీరసాన్ని తగ్గించి.. బలాన్ని పెంచే సూపర్ ఫుడ్స్ ! 

పోషకాహారం: మెగ్నీషియం, విటమిన్ B12 లోపం వల్ల కూడా వణుకు రావచ్చు. కాబట్టి ఆకుకూరలు, డ్రై ఫ్రూట్స్ వంటివి తీసుకోవాలి.

హైడ్రేషన్: చలికాలంలో దాహం వేయకపోయినా తగినంత మంచినీరు తాగాలి. డీహైడ్రేషన్ వల్ల కూడా నరాల బలహీనత కలుగుతుంది.

ఎప్పుడు డాక్టర్‌ని సంప్రదించాలి ?

చలి లేకపోయినా వణుకు తగ్గకపోతే.. వణుకుతో పాటు మాట తడబడటం లేదా నడకలో మార్పు వస్తే వెంటనే న్యూరాలజిస్ట్‌ను సంప్రదించడం మంచిది. ఇది పార్కిన్సన్స్ లేదా ఇతర నరాల సమస్యలకు సంకేతం కావచ్చు.

Share

• 
• 
• 
• 
• 
•