Morning Superfoods: ఖాళీ కడుపుతో ఉదయం పౌష్టికాహారం తినడం వల్ల ఎన్నో ప్రయోజనాలు ఉంటాయి. మార్నింగ్ తినే ఆహారం గంటల తరబడి మనల్ని ఫుల్ ఎనర్జిటిక్‌గా ఉంచుతుంది. ఉదయం పూట మనం తినే ఆహారంలో సాధారణంగా ఫైబర్, ప్రోటీన్‌‌తో పాటు అనేక పోషకాలు ఉంటాయి. ఆరోగ్యంగా ఉండటానికి ప్రతి రోజు ఉదయం సూపర్ ఫుడ్స్ తినాలని నిపుణులు సూచిస్తున్నారు.
అరటి పండ్లు:
వీటిలో ఫైబర్, విటమిన్లు,యాంటీ ఆక్సిడెంట్లు ఉంటాయి. అరటి పండ్లు మనకు లభించే ఉత్తమ ఆహారాల్లో ఒకటి. ఉదయాన్నే రెండు అరటిపండ్లు తినడం వల్ల శరీరానికి కావసినంత శక్తి లభిస్తుంది. బ్లడ్‌లో షుగర్ లెవల్ తక్కువగా ఉన్నప్పుడు, అరటిపండ్లలో ఉండే కార్బోహైడ్రేట్లు ఎనర్జీ బూస్టర్ గా పనిచేస్తాయి.
ఖర్జూరం:
వీటిలో కార్బోహైడ్రేట్లు, ఫైబర్, ప్రొటీన్లు, ఐరన్, మెగ్నీషియం, కాపర్, కాల్షియం, విటమిన్లతో పాటు ఖనిజాలు పుష్కలంగా ఉంటాయి. రోజు వారి ఆహారంలో ఖర్జురాలను చేర్చుకోవడం వల్ల ఫ్రీ రాడికల్స్ కారణంగా కలిగే నష్టాన్ని నివారించవచ్చు.
Also Read: Cooking Oil: వంటనూనెను ఆ చోట పెడుతున్నారా.. ఎంత ప్రమాదమో తెలుసా
యాపిల్స్:
రోజుకో యాపిల్ తింటే డాక్టర్ల దగ్గరికి వెళ్లాల్సిన అవసరం ఉండదని చెబుతుంటారు. ఇందులో విటమిన్లు, కాల్షియం, ఐరన్, మెగ్నీషియం, పొటాషియంతో పాటు జింక్ వంటి పోషకాలు ఉంటాయి. యాపిల్ ఆరోగ్య పరంగా ఎన్నో ప్రయోజనాలను అందిస్తుంది. ఉదయాన్నే ఖాళీ కడుపుతో యాపిల్ తింటే అనారోగ్య సమస్యలు రాకుండా ఉంటాయని ఆరోగ్య నిపుణులు అంటున్నారు. ఆపిల్ శరీరానికి త్వరగా శక్తిని అందిస్తుంది. ఆపిల్ తినడం వల్ల రోగ నిరోధక వ్యవస్థ కూడా బలపడుతుంది.
బాదం:
వీటిలో విటమిన్ ఇ పుష్కలంగా ఉంటుంది. ఉదయం పూట బాదం తినడం వల్ల ఆరోగ్యానికి ఎంతో మేలు కలుగుతుంది. బాదం పప్పును పచ్చిగా లేక సలాడ్‌లో కలిపి తినవచ్చు. కాఫీ కాకుండా అప్పుడప్పుడు బాదం పాలు తాగడం అలవాటు చేసుకోవడం మంచిది. రాత్రంతా నానబెట్టి ఉదయం బాదం తింటే ఎంతో మంచిది.
Also Read: వావ్.. గుమ్మడి గింజలతో ఇన్ని లాభాలా.. తెలిస్తే షాక్ అవుతారు..
గుడ్లు:
గుడ్లలో ప్రోటీన్లు అధికంగా ఉంటాయి. సహజంగా లభించే ఇతర ఆహారాల కంటే గుడ్లలో అధికంగా ప్రోటీన్లు ఉంటాయి. అల్పాహారంగా ఉడకబెట్టిన గుడ్లను తినడం మంచిది. ఉదయాన్నే గుడ్లు తినడం వల్ల పొట్ట నిండుగా అనిపిస్తుంది.
చియా విత్తనాలు:
వీటిలో పీచు ఎక్కువగా ఉంటుంది. ఉదయాన్నే ఖాళీ కడుపుతో వీటిని తీసుకోవడం వల్ల కడుపు నిండుగా అనిపిస్తుంది. మార్నింగ్ స్మూతీలో వీటిని చేర్చుకోవడం కూడాఆరోగ్యానికి మంచిది.
Share
'Gangs of Godavari' OTT: ఓటీటీలోకి విశ్వక్ ‘గ్యాంగ్స్ ఆఫ్ గోదావరి’.. స్ట్రీమింగ్‌ ఎప్పుడంటే..?
Oppo Reno 12F 5G Launch: చింపేశారు కదా భయ్యా.. ఒప్పో నుంచి రెండు కొత్త ఫోన్లు..!
