Tooth brushing: మనలో చాలామంది ఉదయం నిద్రలేవగానే చేసే మొదటి పని బ్రష్ చేసుకోవడం. అయితే, బ్రష్ చేసే సమయంలో మన ఆలోచనలన్నీ ఆఫీసు పని మీదనో లేదా ఇంటి పనుల మీదనో ఉంటాయి. శ్రద్ధతో బ్రష్ చేయకుండా.. కేవలం 30 సెకన్ల నుండి నిమిషంలోనే బ్రష్ చేయడం ముగించేస్తుంటాం. ఇలా పళ్లు తోమడానికి తక్కువ సమయం కేటాయించడం వల్ల అనేక ఆరోగ్య సమస్యలను ఎదుర్కోవాల్సి ఉంటుందని చెబుతున్నారు నిపుణులు. ఈ క్రమంలో బ్రష్ ఎంత సేపు చేయాలి? ఎలా చేయాలి? వంటి విషయాలు తెలుసుకుందాం.
డెంటిస్ట్ల ప్రకారం.. దంతాలు ఆరోగ్యంగా ఉండాలంటే కనీసం 2 నిమిషాల పాటు బ్రష్ చేయడం తప్పనిసరి. మన నోటిలో పై భాగం, కింద భాగం, లోపలి వైపు, దంతాల మధ్య భాగాలను సరిగ్గా శుభ్రం చేయడానికి ఈ రెండు నిమిషాల సమయం ఖచ్చితంగా అవసరం. వన్ మినిట్లో బ్రష్ చేయడం వల్ల పళ్లపై ఉండే పాచి పూర్తిగా తొలగిపోదని చెబుతున్నారు వైద్యులు.
Also Read: గుడ్డు తెల్లసొనను ఇలా వాడితే 40లోనూ యవ్వనమైన మెరుపు గ్యారెంటీ.. మీరూ ట్రై చేస్తారా మరి?
బ్రష్ చేయమన్నారు కదా అని.. కొంతమంది పళ్లు తెల్లగా మెరవాలని 10 నిమిషాల పాటు గట్టిగా రుద్దుతూ ఉంటారు. ఇది చాలా ప్రమాదకరం. అతిగా లేదా గట్టిగా బ్రష్ చేయడం వల్ల పంటిపై ఉండే రక్షణ కవచం ఎనామిల్ అరిగిపోతుంది. దీంతో పళ్లు జివ్వుమని లాగడం వంటి సమస్యలు తలెత్తుతాయి. కాబట్టి.. బ్రషింగ్కు 2 నుంచి 3 నిమిషాల సమయం సరిపోతుంది.
బ్రష్ చేసేటప్పుడు కేవలం అటు ఇటు రుద్దడమే కాకుండా.. బ్రష్ను 45 డిగ్రీల కోణంలో ఉంచి గుండ్రంగా తిప్పాలి. పళ్ల మధ్యలో చిక్కుకున్న ఆహార పదార్థాలను తొలగించేలా మెల్లగా రుద్దాలి. దీంతోపాటు నాలుకను శుభ్రం చేసుకోవడం మర్చిపోవద్దు. ఎందుకంటే.. నోటిలోని 80% బ్యాక్టీరియా నాలుకపైనే ఉంటుంది.
‘నోరు బాగుంటే ఊరు బాగుంటుంది’.. అనే సామెత ఉందిగా.. అలాగే నోటి ఆరోగ్యం బాగుంటేనే మనం ఏ ఆహారాన్నైనా రుచిగా తినగలం. రేపటి నుండి బ్రష్ చేసేటప్పుడు కాస్త ఓపికగా ఆ రెండు నిమిషాల సమయాన్ని మీ పళ్ల కోసం కేటాయించండి. ఈ రెండు నిమిషాల పని భవిష్యత్తులో వచ్చే ఎన్నో దంత సమస్యల నుండి రక్షణ కల్పిస్తుంది.
Also Read: కోడి లేకుండా గుడ్డు వస్తుందా? వెజ్ అని వాదించే వారి లాజిక్ ఏంటో తెలిస్తే షాక్ అవుతారు!
Share
Vasant Panchami 2026: వసంత పంచమి రోజే.. అక్షరాభ్యాసం ఎందుకు చేయిస్తారు ?
Hero Splendor Plus Price: హీరో లవర్స్ కు షాక్, స్ప్లెండర్ ధరలు పెరిగాయ్!
