Tips for dark circles: నేటి ఉరుకుల పరుగుల జీవితంలో నిద్రలేమి, అధిక పని ఒత్తిడి, స్మార్ట్‌ఫోన్ల వాడకం వల్ల కళ్ళ కింద డార్క్ సర్కిల్స్ రావడం సర్వసాధారణమైపోయింది. కేవలం బ్యూటీ ప్రొడక్ట్స్ లేదా మేకప్‌తో వీటిని తాత్కాలికంగా కప్పిపుచ్చవచ్చు కానీ. లోపలి నుంచి సమస్యను పరిష్కరించినప్పుడే ఇవి శాశ్వతంగా మాయమవుతాయి. సరైన పోషకాహారం, తగినంత నిద్ర , కొన్ని సహజ సిద్ధమైన చిట్కాలను పాటిస్తే.. ఈ డార్క్ సర్కిల్స్‌ను ఇంట్లోనే సింపుల్ గా తగ్గించుకోవచ్చు. కళ్ళ కింద డార్క్ సర్కిల్స్ రావడానికి కారణాలు, వాటిని వదిలించుకునే ప్రభావవంతమైన మార్గాల గురించి వివరంగా తెలుసుకుందాం.
డార్క్ సర్కిల్స్ శాశ్వతంగా తొలగించుకునే మార్గాలు:
కళ్ళ కింద చర్మం చాలా సున్నితంగా ఉంటుంది, కాబట్టి ఇక్కడ సమస్యలు త్వరగా కనిపిస్తాయి. వీటిని వదిలించుకోవడానికి ఈ కింది పద్ధతులు పాటించండి.
1. తగినంత నిద్ర , సరైన భంగిమ:
డార్క్ సర్కిల్స్ కు ప్రధాన కారణం నిద్రలేమి. ప్రతి ఒక్కరికీ రోజుకు కనీసం 7 నుంచి 8 గంటల గాఢ నిద్ర అవసరం. పడుకునేటప్పుడు తల కింద రెండు దిండ్లు ఉంచుకుని కొంచెం ఎత్తులో పడుకోవడం వల్ల కళ్ళ కింద ద్రవాలు చేరకుండా ఉంటాయి. దీనివల్ల డార్క్ సర్కిల్స్ తగ్గుతాయి.
2. హోం రెమెడీస్:
మన ఇంట్లో దొరికే వస్తువులతోనే అద్భుతమైన ఫలితాలను పొందవచ్చు.
బంగాళదుంప రసం: బంగాళదుంపలో సహజమైన బ్లీచింగ్ గుణాలు ఉంటాయి. బంగాళదుంప రసాన్ని దూదితో కళ్ళ కింద అప్లై చేసి 15 నిమిషాల తర్వాత శుభ్రం చేయాలి. ఇది చర్మాన్ని కాంతివంతం చేస్తుంది.
దోసకాయ ముక్కలు: దోసకాయలో ఉండే యాంటీ ఆక్సిడెంట్లు కళ్ళకు చలవను ఇస్తాయి. చల్లటి దోసకాయ ముక్కలను కళ్ళపై 10 నిమిషాల పాటు ఉంచుకోవడం వల్ల రక్త ప్రసరణ మెరుగు పడుతుంది.
కోల్డ్ కంప్రెస్: చల్లటి నీటిలో ముంచిన గుడ్డను లేదా ఐస్ క్యూబ్స్‌ను ఒక క్లాత్ చుట్టి కళ్ళపై అద్దుకోవడం వల్ల ఉబ్బిన కళ్ళు, నలుపు తగ్గుతాయి.
3. బాదం నూనె , విటమిన్ E:
బాదం నూనెలో విటమిన్ E పుష్కలంగా ఉంటుంది. ఇది చర్మాన్ని మృదువుగా మార్చి నలుపును తగ్గిస్తుంది.
రాత్రి పడుకునే ముందు కొద్దిగా బాదం నూనెను కళ్ళ చుట్టూ మసాజ్ చేయడం వల్ల చర్మానికి పోషణ అందుతుంది. తరచుగా ఇలా చేయడం వల్ల డార్క్ సర్కిల్స్ శాశ్వతంగా మాయమవుతాయి.
4. టీ బ్యాగ్స్ :
ఉపయోగించిన గ్రీన్ టీ లేదా బ్లాక్ టీ బ్యాగ్స్‌ను ఫ్రిజ్‌లో ఉంచి చల్లబరచాలి. వీటిలో ఉండే కెఫీన్ , యాంటీ ఆక్సిడెంట్లు రక్తనాళాలను సంకోచింపజేసి నలుపును తగ్గిస్తాయి. రోజుకు 10 నిమిషాలు ఇలా చేయడం వల్ల మంచి మార్పు కనిపిస్తుంది.
5. లైఫ్ స్టైల్ మార్పులు, ఆహారం:
నీరు ఎక్కువగా తాగాలి: డీహైడ్రేషన్ వల్ల కళ్ళ కింద చర్మం పాలిపోయి నల్లగా మారుతుంది. అందుకే రోజుకు కనీసం 3 లీటర్ల నీరు తాగాలి.
ఉప్పు తగ్గించాలి: ఆహారంలో ఉప్పు ఎక్కువగా ఉంటే శరీరంలో నీరు నిలిచిపోయి కళ్ళు ఉబ్బినట్లు కనిపిస్తాయి.
స్క్రీన్ టైమ్ తగ్గించండి: మొబైల్ లేదా ల్యాప్‌టాప్ చూసేటప్పుడు కళ్ళపై ఒత్తిడి పడకుండా తరచుగా బ్రేక్ ఇవ్వండి.
Share
హైస్కూల్ డేస్ నుంచి పెళ్లి వరకు... చూసే కొద్దీ చూడాలనిపించే సిరీస్... ఐయండిబిలో 8.5 రేటింగ్
ఆలుమగల మధ్య వ్యవహారం.. కోపంతో భార్య ముక్కు-చెంపలు కొరికేశాడు, యూపీలో దారుణం
