Furniture Cleaning: చిన్న పిల్లలు ఉన్న ఇంట్లో ఎంత జాగ్రత్తగా ఉన్నా ఫర్నిచర్పై రకరకాల మరకలు పడుతూనే ఉంటాయి. ఆడుకుంటున్న పిల్లల్ని ఎంత వద్దన్నా ఆగరు కాబట్టి.. కొన్నిసార్లు జిడ్డు మరకలు కూడా పడుతుంటాయి. అలాగని ఆ మరకల్ని సరిగా శుభ్రం చేయకపోతే ఫర్నిచర్ లుక్ పోవడమే కాకుండా.. చూడటానికి మురికిగానూ ఉంటుంది. ఈ నేపథ్యంలో ఇంట్లోని ఫర్నిచర్ను సులభమైన పద్ధతుల్లో క్లీన్ చేసుకోవడం ఎలాగో ఇప్పుడు తెలుసుకుందాం.
డైనింగ్ టేబుల్ మీద గిన్నెలు, గ్లాసులు పెట్టడం వలన నీటి మరకలు ఏర్పడుతుంటాయి. వీటిని సింపుల్గా తొలగించాలంటే టూత్పేస్ట్ను ఉపయోగిస్తే సరిపోతుంది. దీని కోసం కొద్దిగా టూత్పేస్టుని తీసుకుని దానిని నీటితో పలుచగా కలుపుకోవాలి. ఆ మిశ్రమాన్ని డైనింగ్ టేబుల్ మీదున్న మరకల మీద రాసి కొన్ని నిమిషాల తర్వాత మెత్తని వస్త్రంతో తుడిచేయాలి. ఈ పద్ధతి కేవలం డైనింగ్ టేబుల్ మీద మాత్రమే కాదు.. కిటికీలు, తలుపులపై పడిన నీటిచుక్కల మరకల్ని తొలగించడంలోనూ పని చేస్తుంది.
ముఖ్యంగా ఫర్నిచర్పై ఏర్పడే మరకలు నీటి వలనే ఏర్పడుతుంటాయి. వాటిని తొలగించడానికి ఫర్నిచర్ వ్యాక్స్ని ఉపయోగించవచ్చని చెబుతున్నారు నిపుణులు. దీని కోసం కొద్దిగా ఫర్నిచర్ వ్యాక్స్ని తీసుకొని మరకపై రాసి మెత్తని వస్త్రంతో తుడిచేస్తే సరి. అలాగే ఉడ్తో చేసిన ఫర్నిచర్పై ఏర్పడిన మరకను లిక్విడ్ బ్లీచ్తో పోగొట్టవచ్చు. దీనికోసం టూత్బ్రష్ను లిక్విడ్ బ్లీచ్లో ముంచి మరకపై నిదానంగా రుద్దాలి. కాసేపటి తర్వాత మెత్తటి పొడి వస్త్రం తీసుకుని మరకల్ని తుడిస్తే ఇట్టే పోతుందట.
* అరచెంచా వెనిగర్ని ఒక కప్పు చల్లటి నీటిలో కలుపుకోవాలి. ఈ మిశ్రమంలో శుభ్రమైన వస్త్రాన్ని ముంచి మరకపై తుడిస్తే పోతుంది.
* కాస్త గోరువెచ్చని నీటిలో ఏదైనా సబ్బు కలిపి తుడిచినా ఫర్నిచర్పై ఉన్న మరకలు చాలావరకు పోతుందట.
* కొద్దిగా ఉప్పు, సరిపడ ఆలివ్ ఆయిల్ తీసుకుని ముద్దలా కలుపుకోవాలి. ఈ మిశ్రమాన్ని ఫర్నిచర్పై ఉన్న మరక మీద రాసి కొంత సమయం తర్వాత తుడవాలి.
* పెట్రోలియం జెల్లీని మరకపై రాసి మరుసటి రోజు వస్త్రంతో తుడిచినా.. మరక వదిలిపోతుందని నిపుణులు చెబుతున్నారు.
Share
Vastu Tips For Money: మంగళ, శుక్రవారాల్లో అప్పు ఇస్తే తిరిగి రాదా? జ్యోతిష్య శాస్త్రం ఏం చెబుతోంది?
Bigg Boss 9 Telugu: అట్టర్ ఫ్లాప్ అయిన బిగ్ బాస్ 9 తెలుగు.. దారుణంగా గ్రాండ్ ఫినాలే రేటింగ్!
