Skin Care Tips: ఈ మధ్యకాలంలో సోషల్ మీడియాలో ఐస్ రోలర్స్, ఫ్రోజెన్ స్పూన్స్ వాడకం పెద్ద ట్రెండ్గా మారిపోయింది. వీటిని వాడటం వలన ముఖంపై రంధ్రాలు (Pores) తగ్గిపోయి, చర్మం మృదువుగా మారుతుందని చాలామంది నమ్ముతుంటారు. అయితే ఈ విషయంలో ఎంతవరకు నిజముందో ప్రముఖ చర్మ నిపుణులు డాక్టర్ రూపికా సింగ్ సోషల్ మీడియాలో ద్వారా తెలిపారు. ఆ వివరాల్లోకి వెళ్లిపోదాం రండి..
ఐస్ రోలర్స్ వాడటం వల్ల చర్మంపై రంధ్రాల పరిమాణం శాశ్వతంగా తగ్గిపోతుందని అనుకుంటే పొరపాటేనని డాక్టర్ రూపికా సింగ్ చెబుతున్నారు. ఐస్ ముఖానికి తగలగానే చర్మం కాస్త టైట్గా అయినట్లు అనిపిస్తుంది కానీ, రంధ్రాల అసలు సైజులో ఎలాంటి మార్పూ రాదు.
ముఖంపై చల్లటి వస్తువులను ఉంచినప్పుడు అక్కడి రక్తనాళాలు కుంచించుకుపోతాయి. దీనివల్ల ముఖంపై ఉన్న వాపు, ఎరుపుదనం తగ్గి చర్మం తాత్కాలికంగా మృదువుగా కనిపిస్తుంది. కానీ చర్మం మళ్లీ సాధారణ ఉష్ణోగ్రతకు రాగానే మునుపటి రూపంలోకి వచ్చేస్తుంది. నిజానికి చర్మ రంధ్రాలు తెరచుకోవడానికి, మూసుకోవడానికి అవేమీ కండరాలు కావు. వాటి పరిమాణం అనేది పూర్తిగా జన్యువులు, వయసు, జిడ్డు ఉత్పత్తిపై ఆధారపడి ఉంటుంది.
Also Read: టీనేజర్లను నెమ్మదిగా కుంగదీస్తున్న ‘టెక్స్ట్ నెక్’ ముప్పు.. షాకింగ్ విషయాలు వెల్లడించిన నిపుణులు!
ఐస్ రోలర్స్ వల్ల శాశ్వత ప్రయోజనం లేకపోయినా, మేకప్ వేసుకునే ముందు చాలామంది వీటిని ఉపయోగిస్తారు. ఉదయాన్నే ముఖంపై ఉండే ఉబ్బినట్లు ఉండే భావాన్ని తగ్గించి, చర్మాన్ని తాజాగా మార్చడానికి ఇవి చక్కగా పనిచేస్తాయి. దీనివల్ల మేకప్ వేసుకోవడానికి చర్మం అనువుగా మారుతుంది.
* చర్మ రంధ్రాలను, చర్మ ఆకృతిని నిజంగా మెరుగుపరుచుకోవాలంటే ఐస్ రోలర్స్ కంటే సరైన స్కిన్ కేర్ ప్రొడక్ట్స్ వాడటం మంచిదని నిపుణులు సూచిస్తున్నారు.
* సాలిసిలిక్ యాసిడ్, రెటినాల్, నియాసినమైడ్ వంటివి చర్మాన్ని లోపలి నుంచి శుభ్రం చేసి, కొల్లాజెన్ను పెంచుతాయి.
* అలాగే ఎండ నుంచి రక్షణ కోసం రోజూ సన్స్క్రీన్ వాడటం వల్ల చర్మ రంధ్రాలు పెద్దవి కాకుండా చూసుకోవచ్చు.
* ఐస్ ముక్కలను నేరుగా ముఖంపై ఎక్కువసేపు ఉంచితే చర్మం దెబ్బతినే ప్రమాదం ఉంది కాబట్టి.. జాగ్రత్తగా వాడుతూ సరైన స్కిన్ కేర్ పాటించడమే ముఖ సౌందర్యానికి అసలైన రహస్యం.
Also Read: 30, 40 ఏళ్లకే గుండెపోటు.. ఐటీ, కార్పొరేట్ ఉద్యోగులు చేస్తున్న ఆ 4 ఘోరమైన తప్పులు ఇవే!
Share
కిషన్ రెడ్డివి మ్యాచ్ ఫిక్సింగ్ రాజకీయాలు.. ఎంపీ చామల సంచలన ఆరోపణలు!
మాస్ మహారాజా రవితేజ 'ఇరుముడి' రిలీజ్ డేట్ ఖరారు.. ఆకట్టుకుంటున్న చిత్రం!
