నడక అనేది చాలా మంది రోజూ చేసే సింపుల్ వ్యాయామం. కానీ ఒకే స్పీడ్‌లో నడవడం కంటే “ఇంటర్వల్ వాకింగ్” అనే కొత్త విధానం ఇప్పుడు హెల్త్ ఎక్స్‌పర్ట్స్ ఎక్కువగా సూచిస్తున్నారు. ఈ విధానంలో నడకలో వేగం మారుస్తూ చేస్తారు. అంటే కొంతసేపు వేగంగా, మరికొంతసేపు నెమ్మదిగా నడవాలి. జపాన్‌లో మొదలైన ఈ పద్ధతి ఇప్పుడు ప్రపంచవ్యాప్తంగా ఫిట్‌నెస్ ట్రెండ్‌గా మారింది. సాధారణ నడకతో పోలిస్తే ఇది శరీరానికి ఎక్కువ ప్రయోజనం ఇస్తుందని తాజా అధ్యయనాలు చెబుతున్నాయి.
ఇంటర్వల్ వాకింగ్ ఇలా చేయండి
ఇంటర్వల్ వాకింగ్ విధానం చాలా ఈజీ. మొదట 3 నిమిషాలు వేగంగా నడవాలి. ఆ తర్వాత 3 నిమిషాలు స్లోగా నడవాలి. ఈ రెండు దశలను 20 నుంచి 30 నిమిషాల పాటు రిపీట్ చేస్తే సరిపోతుంది. మొదట్లో ఎక్కువ కష్టంగా అనిపించదు. కానీ క్రమంగా చేస్తే శరీరం అలవాటు పడుతుంది. ఈ పద్ధతిని ఎవరైనా ఇంటి దగ్గరే చేయవచ్చు. జిమ్ అవసరం లేదు. అందుకే ఇది అన్ని వయసుల వారికి సూట్ అవుతుంది.
ఈ వాకింగ్ స్టైల్ గుండె ఆరోగ్యానికి చాలా మంచిది. వేగంగా నడిచే సమయంలో గుండె వేగం పెరుగుతుంది. నెమ్మదిగా నడిచే సమయంలో మళ్లీ సాధారణ స్థితికి వస్తుంది. ఈ మార్పులు గుండె పనితీరును బలపరుస్తాయి. అలాగే బీపీ తగ్గడంలో కూడా సహాయపడతాయి. రెగ్యులర్‌గా చేస్తే గుండె సంబంధిత సమస్యలు వచ్చే ప్రమాదం తగ్గే అవకాశం ఉంది. అందుకే డాక్టర్లు కూడా ఈ విధానాన్ని సిఫార్సు చేస్తున్నారు.
బరువు తగ్గాలనుకునే వారికి ఇది మంచి ఆప్షన్. ఒకే స్పీడ్‌లో నడకతో పోలిస్తే ఇంటర్వల్ వాకింగ్ ఎక్కువ కాలరీలు కరిగిస్తుంది. మెటాబాలిజం వేగంగా పనిచేస్తుంది. దాంతో ఫ్యాట్ తగ్గడం సులభం అవుతుంది. అలాగే బ్లడ్ షుగర్ లెవెల్స్ కంట్రోల్‌లో ఉండటానికి కూడా ఇది సహాయం చేస్తుంది. షుగర్ సమస్య ఉన్నవారు డాక్టర్ సలహాతో ఈ విధానాన్ని పాటిస్తే మంచి ఫలితాలు కనిపించే అవకాశం ఉంది.
దీని వల్ల లాభాలు
ఇంటర్వల్ వాకింగ్ కేవలం శరీరానికి మాత్రమే కాదు, మెదడుకూ ఉపయోగకరం. ఈ వ్యాయామం వల్ల స్ట్రెస్ తగ్గుతుంది. మూడ్ బాగుంటుంది. నిద్ర కూడా క్రమంగా మెరుగవుతుంది. అలాగే కాళ్ల మసిల్స్ బలపడతాయి, స్టామినా పెరుగుతుంది. రోజుకు 20 నుంచి 30 నిమిషాలు ఈ విధంగా నడిస్తే సరిపోతుంది. ముఖ్యంగా రెగ్యులర్‌గా చేయడం చాలా అవసరం. ఇలా సింపుల్ మార్పుతోనే నడకను మరింత ప్రభావవంతంగా మార్చుకోవచ్చు.
Share
ఇకనైనా కళ్లు తెరవండి బాబూ.. డ్రంకెన్ డ్రైవ్ కేసుల్లో రికార్డులు బ్రేక్..!
Red vs Green Apples: రెడ్ ఆపిల్ vs గ్రీన్ ఆపిల్.. ఏది తింటే త్వరగా బరువు తగ్గుతారు?
