రోగాలు మాయం.. వర్షాకాలంలో కచ్చితంగా తినాల్సిన కూరగాయలు

Best Monsoon Vegetables: వర్షాకాలం రాగానే వేడివేడిగా బజ్జీలు, పకోడీలు తినాలనిపించడం చాలా కామన్. కానీ, ఇదే సీజన్‌లో వాతావరణ మార్పుల వల్ల మన ఇమ్యూనిటీ (రోగనిరోధక శక్తి) తగ్గి జ్వరం, జలుబు, ఇన్ఫెక్షన్లు ఈజీగా ఎటాక్ చేస్తాయి. ఈ టైమ్‌లో హాస్పిటల్స్ చుట్టూ తిరగకుండా సూపర్ హెల్తీగా ఉండాలంటే మన డైట్‌లో కొన్ని మార్పులు తప్పనిసరి. వర్షాకాలంలో బాడీని స్ట్రాంగ్‌గా ఉంచి, రోగ నిరోధక శక్తిని పెంచే 10 పవర్‌ఫుల్ వర్షాకాలపు కూరగాయల గురించి ఇప్పుడు తెలుసుకుందాం.

వర్షాకాలంలో మీ ప్లేట్‌లో ఉండాల్సిన కూరగాయలు:

1. పొట్లకాయ:
పొట్లకాయలో యాంటీ బయాటిక్ గుణాలు పుష్కలంగా ఉంటాయి. ఇది జ్వరం రాకుండా అడ్డుకుంటుంది మరియు జీర్ణక్రియను మెరుగుపరుస్తుంది.

2. బెండకాయ:
బెండకాయలో విటమిన్-సి, ఫైబర్ ఎక్కువగా ఉంటాయి. ఇది వర్షాకాలంలో వచ్చే కడుపు ఉబ్బరం, గ్యాస్ సమస్యలను తగ్గిస్తుంది.

3. దొండకాయ:
దొండకాయ మన శరీరంలో మెటబాలిజాన్ని పెంచి ఇన్ఫెక్షన్లతో పోరాడే శక్తిని ఇస్తుంది. షుగర్ లెవెల్స్ కంట్రోల్ చేయడానికి కూడా ఇది బెస్ట్.

4. సొరకాయ :
సొరకాయలో నీటి శాతం ఎక్కువ, క్యాలరీలు తక్కువ. ఇది శరీరంలోని వ్యర్థాలను బయటకు పంపి, బాడీని డీటాక్స్ చేస్తుంది.

5. కాకరకాయ:
కాకరకాయలోని యాంటీ వైరల్ గుణాలు ఈ సీజన్‌లో వచ్చే ఇన్ఫెక్షన్ల బారిన పడకుండా మనల్ని కాపాడతాయి. రక్తాన్ని శుద్ధి చేయడంలో దీనికి సాటి లేదు.

6. గింజ చిక్కుడు / గోరుచిక్కుడు:
ఇందులో ఐరన్ మరియు కాల్షియం పుష్కలంగా ఉంటాయి. వర్షాకాలంలో నీరసం రాకుండా రోజంతా ఎనర్జిటిక్‌గా ఉంచడానికి ఇవి హెల్ప్ అవుతాయి.

7. మునక్కాయ:
మునక్కాయ ఒక సూపర్ ఫుడ్. ఇందులో విటమిన్లు, మినరల్స్ అపారంగా ఉంటాయి. ఇది శ్వాసకోశ ఇబ్బందులు, జలుబు నుంచి తక్షణ ఉపశమనం ఇస్తుంది.

8. బీరకాయ:
బీరకాయ రక్తాన్ని పెంచడానికి, లివర్ ఆరోగ్యాన్ని మెరుగుపరచడానికి చాలా మంచిది. చర్మ ఇన్‌ఫెక్షన్లు రాకుండా ఇది కాపాడుతుంది.

9. గుమ్మడికాయ:
గుమ్మడికాయలో విటమిన్-ఎ , యాంటీఆక్సిడెంట్స్ భారీగా ఉంటాయి. ఇది కంటి చూపును మెరుగుపరచడమే కాకుండా ఇమ్యూనిటీ బూస్టర్‌లా పనిచేస్తుంది.

10. తోటకూర / పాలకూర:
ఆకుకూరలు తినేటప్పుడు బాగా కడిగి, ఉడికించి తినాలి. ఇవి శరీరానికి కావలసిన ఫోలిక్ యాసిడ్, పోషకాలను అందిస్తాయి.

వర్షాకాలంలో కూరగాయలపై బ్యాక్టీరియా ఎక్కువగా ఉండే ఛాన్స్ ఉంది. అందుకే వండే ముందు కొద్దిగా ఉప్పు లేదా పసుపు వేసిన గోరువెచ్చని నీటిలో కడిగితే చాలా మంచిది.