cookware: ప్రస్తుతం ప్రతి ఒక్కరి వంటగదిలోనూ ‘నాన్-స్టిక్’ పాత్రలు ఒక భాగమైపోయాయి. నూనె తక్కువ పడుతుందని.. వంట చేయడం సులువుగా ఉంటుందని చాలా మంది దోశల పెంకులు, కడాయిల కోసం వీటినే వాడుతున్నారు. అయితే.. ఈ నాన్-స్టిక్ పాత్రల వెనక తీవ్రమైన ఆరోగ్య సమస్యలతో పాటు క్యాన్సర్ భయాలు కూడా దాగి ఉన్నాయని వైద్య నిపుణులు హెచ్చరిస్తున్నారు. నాన్-స్టిక్ కోటింగ్ వల్ల కలిగే నష్టాలు ఏంటి? వాటి స్థానంలో మన ఆరోగ్యాన్ని కాపాడే ఎలాంటి సురక్షితమైన ప్రత్యామ్నాయ పాత్రలను వాడాలి. వాటి ధరల వివరాలు ఏంటో ఇప్పుడు తెలుసుకుందాం.
నాన్-స్టిక్ పాత్రల వల్ల అసలు ముప్పు:
నాన్-స్టిక్ పాత్రలపైన ఆహారం అంటుకోకుండా ఉండటానికి ఒక ప్రత్యేకమైన రసాయన కోటింగ్ వేస్తారు. దీన్నే మనం సాధారణంగా ‘టెఫ్లాన్’ కోటింగ్ అంటాం.
టెఫ్లాన్ రసాయనాలు: గతంలో వీటి తయారీలో PFOA అనే ప్రమాదకరమైన కెమికల్ వాడేవారు. ఇప్పుడు కంపెనీలు దాన్ని మార్చినప్పటికీ.. పాత పాత్రల్లో లేదా బాగా స్క్రాచ్ పడిన (గీతలు పడిన) పాత్రల నుంచి ఈ రసాయనాలు మనం తినే ఆహారంలోకి ఈజీగా కలిసిపోతాయి.
అధిక వేడి వద్ద ప్రమాదం: నాన్-స్టిక్ పాన్ను గ్యాస్ స్టవ్పై పెట్టి చాలా ఎక్కువ వేడి చేసినప్పుడు, ఆ కోటింగ్ నుంచి విషపూరితమైన వాయువులు విడుదలవుతాయి. ఇది దీర్ఘకాలంలో థైరాయిడ్, లివర్ సమస్యలు, కొన్ని రకాల క్యాన్సర్లకు దారితీసే ప్రమాదం ఉందని పరిశోధనల్లో తేలింది.
స్పూన్ల గీతలు: ఇనుప గరిటెలు వాడటం వల్ల కోటింగ్ ఊడిపోయి, మనం వండే కూరల్లో కలిసి కడుపులోకి వెళ్తుంది.
నాన్-స్టిక్ పాత్రలకు బెస్ట్ ప్రత్యామ్నాయాలు:
మీరు మీ కుటుంబ ఆరోగ్యాన్ని కాపాడుకోవాలంటే నాన్-స్టిక్ పాత్రలను మెల్లగా పక్కన పెట్టి, కింద చెప్పిన సాంప్రదాయ, సురక్షితమైన పాత్రలను వాడటం అలవాటు చేసుకోండి.
1. కాస్ట్ ఐరన్ పాత్రలు – ఎప్పటికీ ది బెస్ట్!
మన అమ్మమ్మల కాలంలో వాడిన ఇనుప పాత్రలే ఆరోగ్యానికి అత్యంత సురక్షితమైనవి. ఒకసారి వీటిని కొంటే తరతరాలుగా వాడుకోవచ్చు.
లాభాలు: కాస్ట్ ఐరన్ పాత్రలలో వండటం వల్ల ఆహారంలో సహజంగానే ఐరన్ శాతం పెరుగుతుంది. ఇది రక్తహీనత సమస్యను తగ్గిస్తుంది. వీటిని సరిగ్గా మెయింటెన్ చేస్తే నాన్-స్టిక్ లాగే అస్సలు అంటుకోవు.
2. స్టెయిన్లెస్ స్టీల్ పాత్రలు – మోడరన్ అండ్ సేఫ్
ప్రస్తుతం మార్కెట్లో ‘ట్రై-ప్లై’ స్టీల్ పాత్రలకు విపరీతమైన క్రేజ్ ఉంది. వీటి మధ్యలో అల్యూమినియం, పైన కింద స్టీల్ లేయర్స్ ఉండటం వల్ల వంట అడుగంటదు. సమానంగా వేడెక్కుతుంది.
లాభాలు: స్టీల్ పాత్రల వల్ల ఎలాంటి కెమికల్స్ వంటల్లో కలవవు. వీటిని క్లీన్ చేయడం చాలా ఈజీ, లైఫ్ లాంగ్ మన్నుతాయి.
3. మట్టి పాత్రలు–స్వచ్ఛమైన రుచి
ఆరోగ్యానికి 100% గ్యారెంటీ ఇచ్చేవి కేవలం మట్టి పాత్రలే. సాంబార్, పప్పు లేదా నాన్-వెజ్ కూరలను మట్టి పాత్రల్లో వండితే ఆ రుచే వేరు.
లాభాలు: ఇవి ఆహారంలో ఉన్న పోషకాలను నశించకుండా కాపాడతాయి. శరీరానికి చలవ చేస్తాయి.
Share
ఎలిమినేటర్ లో ఓడిపోయిన SRHకు ఊపిరిపోసిన పాకిస్తాన్ ప్లేయర్
ఆన్లైన్ బెట్టింగ్పై సుప్రీంకోర్టు సీరియస్.. రాష్ట్రాలకు ఫ్రీ హ్యాండ్!
