Plastic Bottles: చాలామంది చేసే సాధారణ పొరపాటు ఏమిటంటే.. ఇంట్లో నుంచి బయటికి వెళ్లినప్పుడు మంచి నీళ్లు క్యారీ చేకలేకపోవడం. దీంతో బయట దొరికే ప్లాస్టిక్ వాటర్ బాటిళ్ల నీటినే ఎక్కువగా తాగుతుంటారు. ఇలాంటి అలవాటు ఎప్పుడో ఒకసారి అయితే ఫర్లేదు కానీ.. అస్తమానం ఇలా చేస్తుంటే మాత్రం తీవ్రమైన అనారోగ్య సమస్యలను ఎదుర్కోవాల్సి ఉంటుందని హెచ్చరిస్తున్నారు నిపుణులు. మన రోజువారీ జీవితంలో ఎక్కువ శాతం హడావిడిగానే గడుస్తుంటుంది. ఈ క్రమంలో ప్లాస్టిక్ ప్యాక్ చేసిన నీటి సీసాల్లో నీళ్లు తాగుతుంటాం. ఇంకొందరు పాత ప్లాస్టిక్ సీసాలను కడిగి మళ్లీ మళ్లీ వాడుతుంటారు. ఈ అలవాటు వల్ల మన ఆరోగ్యమే కాదు.. చుట్టూ ఉన్న పర్యావరణం కూడా దెబ్బతింటుంది. పాత ప్లాస్టిక్ బాటిళ్లను తరచుగా వాడటం వల్ల కొన్నిసార్లు ప్రాణాలకే ముప్పు కలగవచ్చని చెబుతున్నారు నిపుణులు.
చాలామంది పాత ప్లాస్టిక్ బాటిళ్లను కడిగి తిరిగి వాడతారు. ముఖ్యంగా ఇలాంటి అలవాటునే వైద్య నిపుణులు మానేయాలని హెచ్చరిస్తున్నారు. ప్లాస్టిక్ బాటిల్స్ అరిగే ప్రక్రియలో.. మైక్రోప్లాస్టిక్లను నీటిలోకి విడుదల చేస్తాయి. దీంతో అవి శరీరంలోకి చేరి, అనేక అనారోగ్య సమస్యలను మనకు పరిచయం చేస్తాయి. కాబట్టి.. ప్లాస్టిక్ బాటిల్స్ను మళ్లీ మళ్లీ వాడొద్దని సూచిస్తున్నారు.
Read Also: రెగ్యులర్గా బ్లాక్ ఫుడ్స్ తీసుకుంటే.. ఎలాంటి రోగాలైనా పారిపోవాల్సిందే!
పాత ప్లాస్టిక్ వస్తువులు.. అరిగిపోతున్న ప్లాస్టిక్ బాటిళ్లు, దుస్తుల నుండి విడిపోయే మైక్రోఫైబర్లు.. ఇలాంటివి మైక్రోప్లాస్టిక్ల ప్రధాన మూలాలుగా ఉన్నాయి. అంతేకాకుండా.. సముద్రాలు, నదులు, నేల, గాలి మొత్తం మైక్రోప్లాస్టిక్తో కలుషితం అవుతుందని శాస్త్రవేత్తలు హెచ్చరిస్తున్నారు.
కొన్ని అంతర్జాతీయ పరిశోధనల ప్రకారం.. ప్లాస్టిక్ బాటిల్ వాటర్లో పెద్ద మొత్తంలో మైక్రోప్లాస్టిక్లు ఉన్నాయని తెలిపారు. ఈ మైక్రోప్లాస్టిక్లు మన శరీరంలోకి ప్రవేశిస్తే వాపు, యాంటీఆక్సిడెంట్ల మధ్య సమతుల్యత లోపించడం, హానికర రసాయనాలు మన శరీరంలోకి వెళ్లడం వంటి తీవ్ర సమస్యలకు దారితీస్తాయని పర్యావరణ నిపుణులు చెబుతున్నారు.
నేటి ఈ ఉరుకుల పరుగుల జీవితంలో మన ఆరోగ్యాన్ని కాపాడుకోవాలంటే.. ప్లాస్టిక్ బాటిళ్ల వాడకాన్ని పూర్తిగా నిషేధించి, స్టీల్, గాజు, హానికరమైన రసాయనం లేని ప్లాస్టిక్ సీసాలను వాడాలి. అలాగే వడపోసిన లేదా శుద్ధి చేసిన నీటిని తాగడం, ప్లాస్టిక్ వినియోగాన్ని తగ్గించడం ద్వారా మన ఆరోగ్యమే కాక, పర్యావరణ కాలుష్యాన్ని కూడా తగ్గించవచ్చని నిపుణులు చెబుతున్నారు.
Read Also: ‘చికిరి’ స్టెప్పులేస్తే.. ఇన్ని ఆరోగ్య ప్రయోజనాలా? డైలీ చేస్తే..
Share
Varanasi Movie: వారణాసిలో మహేష్ అన్ని పాత్రలలో కనిపించనున్నారా? ఏం చేస్తున్నావ్ జక్కన్న?
Best Mobiles Under 10000: రూ.10 వేల లోపు బెస్ట్ 5జి ఫోన్లు ఇవే.. బడ్జెట్ కింగ్ కోసం మార్కెట్లో భారీ డిమాండ్
