Pomegranate for Skin: దానిమ్మ మన ఆరోగ్యాన్ని పరిరక్షించడంలోనే కాదు.. అందాన్ని రెట్టింపు చేయడంలోనూ కీలక పాత్ర పోషిస్తుంది. దీనిలో లభించే ఐరన్ వల్ల శరీరంలో హిమోగ్లోబిన్ స్థాయిలు పెరుగుతాయి. దీంతో రక్తహీనత సమస్య తగ్గి, చర్మం కాంతివంతంగా మెరుస్తుంది. దానిమ్మలో ప్రొటీన్, ఫోలేట్, ఐరన్, మెగ్నీషియం, ఫాస్పరస్, పొటాషియం, విటమిన్ సి వంటి పోషకాలు పుష్కలంగా ఉంటాయి. ఇవన్నీచర్మ ఆరోగ్యానికి దోహదం చేస్తాయి. దానిమ్మ పండ్లను నేరుగా తీసుకోవచ్చు లేదా ఫేస్ప్యాక్ల ద్వారా కూడా మీ అందాన్ని రెట్టింపు చేసుకోవచ్చు.
దానిమ్మ పండ్లలో పాలీఫెనాల్స్, ప్యూనికాలాజిన్లు ఉంటాయి. ఇవి చర్మానికి మేలు చేస్తాయి. కాలుష్యం, హానికరమైన సూర్య కిరణాలు లేదా సరైన ఆహారం లేకపోవడం వల్ల కలిగే ఫ్రీ రాడికల్స్ మన కణాలను దెబ్బతీస్తాయి. దానిమ్మలోని యాంటీఆక్సిడెంట్లు శరీరం నుండి ఈ ఫ్రీ రాడికల్స్తో పోరాడి తొలగిస్తాయి. దీంతో వృద్ధాప్య ఛాయలను నియంత్రించవచ్చు. దీంతో 60ల్లోనూ యవ్వనంగా కనిపించవచ్చు. దానిమ్మలోని సి విటమిన్ కొల్లాజెన్ ఉత్పత్తికి సహాయపడుతుంది. ఇది ముడతలను నివారిస్తుంది. అయితే, తగినంత నీరు తాగడం కూడా చాలా అవసరం. దానిమ్మ లాంటి పోషకాలు అధికంగా ఉండే పండ్లను తినడంతో పాటు, హైడ్రేటెడ్గా ఉండటం చాలా ముఖ్యం.
Read Also: ఉదయాన్నే పొట్టలో ఏదోఒకటని తోసేస్తున్నారా?.. బ్రేక్ఫాస్ట్పై హార్వర్డ్ నిపుణుల సలహా ఇదే!
సూర్యుడి నుంచి వెలువడే హానీకరమైన UV కిరాణాల వల్ల కలిగే నష్టం నుంచి చర్మాన్ని రక్షించడంలో దానిమ్మ అద్భుతంగా పని చేస్తుంది. ఈ పండ్లతో తయారు చేసిన ఫేస్ ప్యాక్ వినియోగం వల్ల కూడా చర్మం దెబ్బతినకుండా ఉంటుంది. ముడతలు రాకుండా నివారించవచ్చు. అలాగే దానిమ్మ యాంటీమైక్రోబయల్ నేచర్ కలిగి ఉంటుంది. ఇందులో విటమిన్ సి పుష్కలంగా ఉండటంతో.. ఇది మొటిమలు రాకుండా అడ్డుకుంటుంది. మొటిమలకు కారణం అయ్యే బ్యాక్టీరియా, శిలీంద్రాలపై పోరాడుతుంది. దానిమ్మ గింజలు చర్మంపై పేరుకుపోయిన మురికి, ఆయిల్ను క్రమంగా తొలగిస్తుంది.
మొటిమల సమస్యతో ఇబ్బంది పడుతున్నవాళ్లు దానిమ్మ గింజలను మెత్తగా రుబ్బుకుని, అందులో రెండు చెంచాల పెరుగు, ఒక టేబుల్ స్పూన్ తేనె, ఒక టీస్పూన్ గ్రీన్ టీ వేసి బాగా కలుపుకోవాలి. ఈ మిశ్రమాన్ని ఫేస్కి పట్టించి 30 నిమిషాల పాటు మర్దనచేసి కడిగేసుకుంటే సరి. ఈ ప్యాక్ వేసుకోవడం వల్ల మొటిమల సమస్య నుంచి ఉపశమనం పొందవచ్చు. ఇలా వారానికి నాలుగు సార్లు అప్లై చేసుకోవచ్చు.
సాధారణంగానే దానిమ్మ, కోకో పౌడర్ రెండూ యాంటీ ఏజింగ్ లక్షణాలను కలిగి ఉంటాయి. వీటిని ఉపయోగించి చర్మం బిగుతుగా, యవ్వనంగా మార్చుకోవచ్చు. దానిమ్మ గింజలను మెత్తగా పేస్ట్ చేసి.. అందులో కోకో పౌడర్ను కలుపుకోవాలి. ఈ మిశ్రమాన్ని ముఖానికి పట్టించి ఆరిన తర్వాత చల్లటి నీటితో శుభ్రం చేసుకోవాలి. ఇలా చేయడం వల్ల యవ్వనంగా కనిపిస్తారు. దీన్ని వారానికి 3 సార్లు అప్లై చేసుకోవాలి. అలాగే, దానిమ్మ గింజల పేస్టులో కొద్దిగా తేనె కలిపి ముఖానికి రాసుకుంటే.. చర్మం ఎక్కువసేపు హైడ్రేట్గా, తేమగా ఉంటుంది. ఇలా వారానికి రెండు లేదా మూడు సార్లు చేసుకుంటే మంచి ఫలితం ఉంటుంది.
Read Also: సీజనల్ వ్యాధులకు చెక్.. శీతాకాలంలో ఈ కూరగాయలు తింటే నిండు ఆరోగ్యం!
Share
Latest Iphone Discount: షాకింగ్ ఆఫర్.. ఈ సంవత్సరంలో విడుదలైన కొత్త ఐఫోన్పై రూ.18,000 తగ్గింపు
Varanasi: నంది పైన వస్తున్న శివుడు, నువ్వు మామూలోడు కాదు సామీ, నెక్స్ట్ లెవెల్ డీటైలింగ్
