వేసవిలో కెమికల్ సన్‌స్క్రీన్‌లు ఎందుకు? ప్రకృతి ఇచ్చిన ఈ ‘గంధం’ చిట్కా ట్రై చేయండి!

Sandalwood for Skin: సమ్మర్ లో ఎండలు చర్మాన్ని ఉక్కిరిబిక్కిరి చేస్తాయి. బయట తిరిగేటప్పుడు సూర్యుడి నుంచి వచ్చే అతినీలలోహిత కిరణాల వల్ల చర్మం కమిలిపోవడం, నల్లగా మారడం, చికాకు కలగడం సహజం. మార్కెట్లో దొరికే ఖరీదైన సన్‌స్క్రీన్‌లు కొన్నిసార్లు చర్మానికి పడకపోవచ్చు. కానీ.. మన పూర్వీకుల కాలం నుంచి వస్తున్న ‘చందనం’ ఒక అద్భుతమైన నాచురల్ సన్‌స్క్రీన్‌గా పని చేస్తుంది. ఇది చర్మాన్ని చల్లబరచడమే కాకుండా.. ముఖంపై మెరుపును పెంచుతుంది. దీనికి సంబంధించిన పూర్తి వివరాలను ఇప్పుడు తెలుసుకుందాం.

చందనం ఎందుకు బెస్ట్?
గంధం సహజంగానే ‘శీతలీకరణ’గుణాలను కలిగి ఉంటుంది. ఇది చర్మంపై ఉన్న అధిక వేడిని పీల్చుకుని, తక్షణ ఉపశమనాన్ని ఇస్తుంది. చందనంలో ఉండే యాంటీ సెప్టిక్ , యాంటీ ఇన్‌ఫ్లమేటరీ గుణాలు చర్మంపై వచ్చే దద్దుర్లు, మొటిమలు, మంటను తగ్గిస్తాయి.

సహజమైన సన్‌స్క్రీన్‌:
సూర్యుడి వేడి వల్ల చర్మం పొరల్లో ఉన్న తేమ ఆవిరైపోతుంది. చందనం ఒక రక్షణ కవచంలా మారి చర్మంపై ఉన్న తేమను కాపాడుతుంది.

తయారీ విధానం: రెండు స్పూన్ల స్వచ్ఛమైన గంధం పొడిని తీసుకుని, అందులో తగినంత రోజ్ వాటర్ కలిపి మెత్తని పేస్ట్‌లా చేయండి.

ఎలా వాడాలి?: బయటకు వెళ్ళే 15 నిమిషాల ముందు ఈ మిశ్రమాన్ని ముఖానికి, మెడకు, చేతులకు పల్చగా రాసుకోండి. ఇది చర్మానికి చల్లదనాన్ని ఇస్తూనే సూర్య కిరణాల నుంచి రక్షణ ఇస్తుంది. అలాగే ఎండలో తిరిగి వచ్చాక, ముఖం కడుక్కుని ఈ ప్యాక్ వేసుకుంటే ‘సన్‌బర్న్’ వల్ల కలిగే మంట వెంటనే తగ్గుతుంది.

చందనం వల్ల కలిగే ఇతర లాభాలు:
నలుపును తగ్గిస్తుంది: ఎండ వల్ల చర్మంపై పేరుకుపోయిన ట్యాన్‌ను తొలగించడంలో గంధం అద్భుతంగా పనిచేస్తుంది. ఇందులో కొద్దిగా నిమ్మరసం కలిపితే ఫలితం ఇంకా వేగంగా ఉంటుంది.

మొటిమలకు చెక్: వేసవిలో చెమట వల్ల వచ్చే బ్యాక్టీరియాను చంపేసి, మొటిమలు రాకుండా నివారిస్తుంది.

ట్యాన్ అరికడుతుంది: గంధం చర్మాన్ని బిగుతుగా ఉంచుతుంది. దీని వల్ల ముడతలు రాకుండా ముఖం యవ్వనంగా కనిపిస్తుంది.

రిలాక్సేషన్: గంధం నుంచి వచ్చే అద్భుతమైన సువాసన మనస్సును ప్రశాంతపరుస్తుంది. ఒత్తిడిని కూడా తగ్గిస్తుంది.

మార్కెట్లో దొరికే కల్తీ గంధం పొడిని వాడకండి. వీలైతే గంధం చెక్కను అరగదీసి తీసిన చందనాన్ని వాడండి. అది సాధ్యం కాకపోతే.. నమ్మకమైన బ్రాండ్ నుంచి వచ్చిన ఆర్గానిక్ గంధం పొడిని ఎంచుకోండి. సెన్సిటివ్ స్కిన్ ఉన్నవారు ఒకసారి ప్యాచ్ టెస్ట్ చేసుకుని వాడటం బెస్ట్.

ప్రకృతి ప్రసాదించిన ఈ చందనం మన చర్మానికి ఒక రక్షణ కవచం. ఈ వేసవిలో రసాయనాలతో కూడిన క్రీముల కంటే సహజమైన గంధాన్ని ఆశ్రయించండి. ఇది మీ చర్మాన్ని ఎండ నుంచి కాపాడటమే కాకుండా, ముఖానికి సహజమైన మెరుపును, చల్లదనాన్ని ఇస్తుంది.