పెళ్లి, పార్టీకి వెళ్లే ముందు ముఖంపై మొటిమలు వచ్చేసాయా? వెంటనే ఇలా చేయండి

Pimples Fast Solution| మొటిమలు అనేవి టీనేజ్ వయసు ప్రారంభమై అన్ని వయసుల వారినీ ప్రభావితం చేసే సాధారణ సమస్య. జిడ్డు చర్మం, బ్యాక్టీరియా, మూసుకుపోయిన రంధ్రాల వల్ల మొటిమలు వస్తాయి. స్ట్రెస్, హార్మోన్ల మార్పులు, అనారోగ్యకరమైన ఆహారం, చర్మ సంరక్షణలో అశ్రద్ధ కూడా మొటిమలను పెంచుతాయి. దీని వల్ల చర్మం ఎర్రగా, వాచినట్లు కనిపిస్తుంది. చాలా మంది మొటమల నివారణ కోసం సహజ ఇంటి చిట్కాలను ఉపయోగిస్తుంటారు. వీటి వల్ల చర్మంలో వాపు, అదనపు నూనె తగ్గుతుంది. కానీ సమస్య తీవ్రంగా ఉంటే డాక్టర్ సలహా తీసుకోవాలి. అయితే కొన్ని సార్లు ఎక్కడైనా పెళ్లిళ్లు, ఫంక్షన్లు, పార్టీలకు వెళ్లాల్సి వచ్చినప్పుడు మొటిమలతో బాధపడేవారు వెంటనే ఉపశమనం కోసం ఈ చిట్కాలు పాటించండి.

అలోవెరా జెల్ వాడండి

అలోవెరా సహజంగానే వాపు తగ్గించే, శాంతింపజేసే గుణాలు కలిగి ఉంటుంది. తాజా అలోవెరా జెల్‌ను మొటిమలు ఉన్న చోట పలుచగా పూయాలి. కొన్ని నిమిషాలు ఉంచి సాధారణ నీటితో కడగాలి. దీని వల్ల చర్మం వాపు తగ్గడానికి సహాయపడుతుంది. రంధ్రాలు మూసుకుపోకుండా తేలికపాటి తేమ కూడా ఇస్తుంది.

తేనె జాగ్రత్తగా ఉపయోగించాలి

తేనెలో బ్యాక్టీరియాను చంపే సహజ గుణాలు ఉన్నాయి. ముఖ్యంగా ప్రాక‌ృతికమైన శుద్ధమైన తేనె (రా హని) మంచిది. మొటిమల మీద కొద్దిగా పూసి 15 నిమిషాలు ఉంచి నీటితో కడగాలి. ఇది చర్మంలో వాపు తగ్గిస్తుంది. ముందు చిన్న ప్రదేశంలో పరీక్షించి చూడాలి.

టీ ట్రీ ఆయిల్ ప్రయత్నించండి

టీ ట్రీ ఆయిల్ ప్రపంచవ్యాప్తంగా మొటిమల సమస్యకు ఒక ప్రసిద్ధమైన నివారణ. అయితే దీన్ని నేరుగా చర్మంపై పూయకూడదు. ఏదైనా క్యారియర్ ఆయిల్‌ అంటే కొంచెం కొబ్బరి నూనెతో కలిపి పలుచగా వాడాలి. పత్తి సహాయంతో పూయాలి. చర్మం మంటగా ఉంటే వెంటనే ఆపేయాలి.

ప్రతిరోజూ ముఖం శుభ్రంగా ఉంచండి

ముఖాన్ని రోజుకు రెండు సార్లు సాధారణ సబ్బు లేదా మైల్డ్ క్లెన్సర్‌తో కడగాలి. ఇది ధూళి, చెమట, అదనపు నూనెను తొలగిస్తుంది. గట్టిగా రుద్దకూడదు. ఇలా చేస్తే చర్మం ఎర్రబడి మొటిమలు ఎక్కువవుతాయి. రాత్రి నిద్రపోయే ముందు మేకప్ పూర్తిగా తొలగించాలి. తలగడ గుడ్డలను క్రమం తప్పకుండా శుభ్రం చేయాలి.

Also Read: ఎంత సంపాదించినా డబ్బు మిగలడం లేదా? ఈ నాలుగు అలవాట్లే కారణం..

ఆరోగ్యకరమైన ఆహారం తీసుకోండి

మీరు తీసుకునే ఆహారం.. చర్మ ఆరోగ్యంపై ప్రభావం చూపుతుంది. షుగర్ ఎక్కువగా ఉన్న ఆహారాలు, ప్రాసెస్డ్ స్నాక్స్ మొటిమలను పెంచుతాయి. రోజంతా తగినంత నీళ్లు తాగాలి. తాజా పండ్లు, కూరగాయలు తినాలి. పాలు, పాల ఉత్పత్తులు ఎక్కువ తీసుకోవడం వల్ల కొందరికి మొటిమల సమస్య ఇంకా పెరుగుతుంది. అందుకే ఆహారం తీసుకునే సమయంలో జాగ్రత్తగా ఉండండి.

మొటిమలను తాకకండి

మొటిమలను ప్రెస్ చేయడం వల్ల బ్యాక్టీరియా వ్యాపిస్తుంది, వాపు పెరుగుతుంది. మచ్చలు, నల్లటి మచ్చలు ఏర్పడవచ్చు. చేతులు తరచూ ముఖానికి దూరంగా ఉంచాలి.

సరైన నిద్ర, స్ట్రెస్ తగ్గించుకోండి

తక్కువ నిద్ర, స్ట్రెస్ హార్మోన్లను బాధిస్తాయి. వ్యాయామం, యోగా, మంచి నిద్ర.. చర్మం ఆరోగ్యంగా ఉండటానికి సహాయపడతాయి.

ఇంటి చిట్కాలతో మొటిమలను కొంతవరకు నెమ్మదిగా తగ్గిస్తాయి. క్రమం తప్పకుండా, జాగ్రత్తగా చర్మ సంరక్షణ చేయాలి. మొటిమలు ఎక్కువగా ఉంటే చర్మ వ్యాధి వైద్య నిపుణులను సంప్రదించండి.